أبي فزعتكم يالنشاما تكفووون !

[داود الحمد]

أنا عندي جيب سفاري وأبغى أجهزه لكشتات هالسنة بإذن الله لكن ظايع راسي ما أدري وش أزين فيه ووشلون أكمله من وإلى لأني غالبا أنام في البر فأحتاج إني أظبط الجيب عشان ما أحتاج شئ مع العلم بأن كل شئ متوفر عندي بالبيت لكن ظاعت طاستي ما أدري كيف أرتبها وأركبها بالسيارة .

شيرو علي تكفون الأول بالاول ؟

[عاشق السيل]

بس أنت علمنا وشي أغراضك اللي عندك بالبيت وأبشر بعزك وإن شاء الله نفيدك وأبحط لك صورة تفيدك إن شاء الله قريبا جدا ،،،،

[أبو مسفر]

ما دام معك سفاري
راجع الخاص
لان ادارة المنتدى تمنع الروابط

[داود الحمد]

هلا وغلا أخوي عاشق تشرفت بمرورك العطر
اللي عندي يا طويل العمر خذ :
- تانكي مويه
- شنطة عزبة كبيرة بكامل أغراضها
- دوافير
- ماطور هواء
- لمبات على البطارية
- كريك
-وحاجات أخرى ثنائية


اللي أبيه طال عمرك إني أثبت كل حاجة في مكانها المناسب بالجيب النيسان حقي
ولك مني جزيـــــــــــل الشكر والإمتنان .

تقبل باقة من الجوري

داود الحمد

[داود الحمد]

هلا وغلا أخوي أبو مسفر حياك ربي
أولا لك الشكر الجزيل وعافاك ربي
لكن ما إشتغل معي طال عمرك

تقبل باقة من الخزامى

[أبو حطب 2008]

سلمك الله اخوي
ادخل منتديات رحلات -السيارات ومستلزماتها
وتقبل مروري

[مرقاب طويق]

أبشر بعزك...........يابو حمد...من اخوك


مرقاب طويق



بسم الله الرحمن الرحيم
-
--
---
----
-----
------
الخيمة ومستلزماتها:-
( أعمده – أطناب- اوتاد – أروقه– ذرا شراع - أشرعه زرقاء بلاستيك – فرشة مع مراكي - حبال – ماطور كهرباء مع الأسلاك واللمبات – فأس – منشار – كريك – مسحاة - مطرقة – ملقاط – ذراية حديد – لي ماء + حنفيه- ترمس ثلج (حافظة) – جراكل ماء+أباريق وضوء + حطب + فحم ـ ماء زياده عن الحاجه ــ صابون ــ ليفه تنظيف
السيارة ومستلزماتها :-
( مفتاح احتياط للسيارة - ماطور هواء + عيارهواء – اشتراك – كشاف –واير سحب او حبل قوي- عدة كاملة - محول كهرباء من بطارية السيارة – لمبة على بطاريةالسيارة – صيدلية - خرائط خاصة بالرحلات البرية – قارمن+كنود-– دربيل – سلاح شخصي – كمرة فيديو+محول كهرباءــ جركل بانزين احتياطي
– التأكدمن وضع السيارة :-
الزيت + الماء + هواء الكفرات + ليات الماء(الخراطيش)+ البطارية+البنزين ) .
عدة القهوة والشاي :-
( دله قهوة + ملقمة قهوة + ليفة دله– أباريق شاي أحجام – إبريق تفويح - إبريق حليب – بيزه (جمع بيز) وهو الواقي من الحار – كبريت + مكعبات – مركب – محماس + نجر_ طاسة أوسطل- قز وبرميل غاز ولي ومحول- ترامس شاي وقهوة ـ بيالات وفناجيل ـ كيسان ورق ) .
طلبات القهوة والشاي :-
( قهوة – هيل – زعفران – مسمار – تمر – شاي – سكر – نعناع وحبق – زنجبيل – حليب + شابوره ) .
عدة الطبخ :-
( قدر كبير + ثلاث قدور صغيرة – ثلاثة صحون – مقلاة - ملاسة - سكاكين – مسن - ملاعق – مفتاح علب – صابون لغسيل الصحون - صابون يد – ليفه مواعين + أسفنجه – صحون بلاستيك + أكواب + سفره – قصدير-اكياس نفايات )
طلبات الطبخ :-
( رز – مكرونة – بهارات – زيت – لحم أو دجاج أو سمك – بصل – طماطم علب – طماطم طازج – ملح – ليمون أسود – فلفل أسود- بهارات مشكله – طحين – عسل - سمن– زبده – ثلج+ ماء بارد – فاكهه – معلبات + خبز )

بس وش رايكم ناقص شي


مرقاب طويق

[داود الحمد]

مرحبا بك أخوي أبوحطب
شاكر لك مرورك العطر

ودمت بأحسن حال

[داود الحمد]

هلا أخوي مرقاب بيض الله وجهك وفيت وكفيت يا لذيب
بس لو كملت جميلك وقلت لي كيف راح أشيل هالدنيا ذي كلها كنت لك من الشاكرين !!!
بمعنى كان قصدي من سؤالي السابق كيف راح أرهم موتري وأظبطه بالعدة اللي نحتاجها بالبر.
تقبل خالص الود والتحايا

ودمت بأحسن حال باقة من الجوري

داود الحمد

[شامخ ألهيلا]

اخووي داوود

الاهم وانا اخووك الصيانه والكفراات الجيده
والبطاريه الاحتيااط

والباقيات مارااح يقصرون فيها الشبااب

[alkongrs]

رح لسوافي وتلقى كل شي من الى وشغله ممتاز ونضيف

[سوبر152]

حياك اخوي (حرجمهن بقفى الموتر ووشه واكشت في أحسن مكان مليان دخيخلات)امزح معك الموقع يفيدك اكثر من بالتوفيق يالغالي

[عاشق السيل]

هلا وغلا أخوي عاشق تشرفت بمرورك العطر
اللي عندي يا طويل العمر خذ :
- تانكي مويه
- شنطة عزبة كبيرة بكامل أغراضها
- دوافير
- ماطور هواء
- لمبات على البطارية
- كريك
-وحاجات أخرى ثنائية


اللي أبيه طال عمرك إني أثبت كل حاجة في مكانها المناسب بالجيب النيسان حقي
ولك مني جزيـــــــــــل الشكر والإمتنان .

تقبل باقة من الجوري

داود الحمد

معليش أخوي داوود ،، دورت الصورة اللي ناوي أوريك إياها بس مالقيتها !!

عموما هي صورة لشنطة الباترول حقي وعبارة عن طبق خشبي فصلته عند النجار بارتفاع 30سم تقريبا وبطول وعرض الشنطة وخليت على اليمين درج سحاب يطلع من تحت الطبق ( طبعا لازم تكون الأبواب مفتوحة ) وحطيت بالدرج كل الأغراض الصغيرة واللي ما استغني عنها مثل : الواير ، المنفاخ ، الكريك ، شنطة العدة ، اللمبات ، الاشتراك ، شوية أطناب عند الحاجة ، الشاكوش ،، وغيرها ،، وبالجهة اليسرى خليت مكان للتانكي ( ألومنيوم 86 لتر ) واللي حقه أطلعه عند الحاجة من تحت الباب و تصير الحنفية بالخارج للتغسيل ،، أما فوق الطبق فرشته تنزاني ومبطن بالأسفنج ومثبته بمسامير وفارش فوقه البساط حق البر علشان يجلسون البزارين براحة وممكن أحط كل عفشي فوق الطبق لأنه يتحمل أي ثقل ،،

هذي الأغراض تخليها على طول بالسيارة بالدرج وممكن تستفيد من الفراغات اللي تحت المراتب ،، أما الأغراض الجامدة مثل الخيام والدوافير وشنطة العزبة أنصحك تخليها بالبيت علشان ماتضيق عليك بالسيارة ،،،،

يعني إذا بغيت تكشت ماعليك إلا تركيب العزبة والخيمة والدافور بسسسسسسسسسسسس والباقي جاهز وموجود بالسيارة !!

آسف على الإطالة بس حبيت أفيدك وإن شاء الله أصور شنطة الباترول صورة جديدة وأحطها لك علشان توضح الفكرة ،،، وتقبل تحياتي ................

[عاشق السيل]

رغم إنك تركت الموضوع وراح للصفحة العاشرة لكني وعدتك ووعد الحر دين عليه !!

وهذي الصور مثل ماوعدتك والعذر والسموحة على التأخير ،،

7

7

7

7

تلاحظ بالصورة الأولى طريقة الطبق الخشبي وفوقه مفروش تنزاني ومثبت وفوق التنزاني فرشت بساط البر علشان يصير أريح للبزارين وبنفس الوقت مايضيق البساط بالشنطة :

وهذي الصورة الثانية وتلاحظ الدرج وفيه عدة وأغراض للبر والجنب الآخر فيه التانكي ولي الماء طالع وممكن أغلق الباب عليه واستخدم الماء بكل سهولة ،، وتلاحظ بعد إني مفصل جيوب بسحابات على الباب الأيمن علشان أحط فيها الأغراض الصغيرة مثل الكشافات والكباريت والقفازات وغيرها :

أكرر اعتذاري على التأخير

ومرة أخرى تقبل مروري يالغالي .....

[عاشق السيل]

وش دعوى ياشيخ داوود ؟؟!!!!


أبي رايك على الأقل !!