مشكلة في عداد السرعة

[الواصل8]

إخواني الكرام

عندي سيارة Gmc يوكون موديل 2005

عداد السرعة في السيارة يعمل أحيانا، ويتعطل أغلب الأوقات.

مرات ينزل إلى تحت الصفر.

ومرات يعطيني السرعة 60 وأنا أسرع 160

ومرات يثبت على الصفر، كأنه ما يشتغل.
فما هي المشكلة؟ واحسن ورشه لتصليح المشكله

بارك الله فيكم

[kk999]

اخي العزيز هذا عيب تصنيعي من موديل 2003 الى 2006 في كلا من التاهو واليوكن والسوبر بان وال يوكن xl والدينالي
ولايوجد له حل حتى لوتغيره في الوكاله جديد بيجلس لك سنه بالكثير ويرجع يخرب طبعا انا اقصد عداد السرعه فقط لاغير اما البقيه لايوجد بها مشكله طبعا في الدول الباقيه استدعوا السيارات واضافوا لها قطعه بلاستيك صغيره تجعل هذا الامر يزول اما عندنا الوكلاء ماعندهم سالفه ولاعندهم اهتمام بعملائهم لوطلبوا من الشركه الام هذا الامر كان استدعت الموديلات المعيوبه عندنا طبعا القطعه الي اقولك عنها ممكن تشتريها من النت من مواقع اجنبيه وبامكانك تستفسر من مهندسين الوكاله عن موضوع عداد السرعه في الموديلات هذي وشف راح يقولون لك انه يمر عليهم مئات الحالات زي حالتك
وتقبل تحياتي

[الباترولي]

السلام عليكم...
هذي مشكله بالجموس نفس الموديل
اخوي الله يعينك من غلا الأسعار قيمة الطبلون من التشليح 1500 ريال هذا ان لقيت نظيف

[عنبري]

إخواني الكرام

عندي سيارة Gmc يوكون موديل 2005

عداد السرعة في السيارة يعمل أحيانا، ويتعطل أغلب الأوقات.

مرات ينزل إلى تحت الصفر.

ومرات يعطيني السرعة 60 وأنا أسرع 160

ومرات يثبت على الصفر، كأنه ما يشتغل.
فما هي المشكلة؟ واحسن ورشه لتصليح المشكله

بارك الله فيكم

السرعه ميب زينه.....................الله يهديك
(الناس بوادي وهو بوادي)

[ابو انس2006]

هذا عيب تصنيعي من موديل 2003 الى 2006 في كلا من التاهو واليوكن والسوبر بان وال يوكن xl والدينالي


والله يعينك على تصليح مكلف

[system]

على حد علمي انه مايتصلح يحتاج تغيير .

[ابو ناصر 1212]

اخوي
لو تمر ورشة الجابري يمكن يفيدك بها المشكلة

[سوبر VTC]

عزيزي
تاكد من الافياش اللي راكبه على القير من جهة اليسار
اعطيك ما حدث لي لتقريب الصورة
معي جمس 2001 صالون دفرنسين
شبكت الدبل الخفيف و اشرت لمبة الخفيف بشكل متواصل
مع انه فيه صوت تعشيق لدينمو الدبل اللي راكب على القير
لكن الكفرات الامامية ما يدورن
طلعت المشكلة من فيش دينمو الكارونة الامامية مرتخي نفس الفيش من الداخل و ((قمت و ضيقت سنون الفيش الانثى)) بواسطة مفك مدبب و زان الدبل شاهد الصورة لتوضيح الفكرة

***
يوجد عندنا بالقصيم كهربائي سعودي يصلح الطبلونات على الضمان و اكثر ما يخرب بالنسبة للجمس من م2000 و طالع
انبير البنزين و انبير الزيت طبعا قيمة اصلاحه مع شغل اليد ب300 ريال و لا اعلم هل يصلح عداد السرعة ام لا
اما في الرياض فانا سمعت ان اصلاحه ب500 ريال
***
صاحب صيانة سيارات امريكية يقول مسئلة تغير الطبلون او العدادات هذه ضحك على الناس و خداع
كما يقول اكثر ما يخرب بدبل الجمس الحساس و قيمته ب350 ريال هذا لموديل 2003 وطالع اما م2002 و نازل تغيره كامل لانه ينباع كامل و يختلف عن 2003 و سعره ب1950 ريال لكن بعض الورشات الحرامية يغيرونه كامل مع ان الخراب من الحساس فقط
هذه صورة حساس الدبل دائم يخرب و هو عيب مصنعي

و هذا دينمو الدبل

***
فانا اقول حاول تغير حساس السرعة او الدينمو اللي يالطبلون عند كهربائي متمكن و عارف بالشغلة
تحياتي

[الواصل8]

بارك الله في جهودكم

[بيت الطين]

نفس المشكله بدات بالطبلون والان انتقلت الي العدادات ما بقى عندي شغال غير عداد البنزين
الحراره السرعه الضغط البطاريه الزيت كلها متعطله وامشي بالبركه معي يوكن 2004

طبعا المشكله معروفه والمصيبه اني يوم جيت اصلحها حصلت التكلفه 2500 ريال كل حساس يغيرونه لك بسعر 500 ريال والمصيبه الاكبر يقولون ممكن كم شهر ويتعطل

اعرف واحد جاب الحساس من الكويت بسعر 30 ريال وهنا يباع بسعر 380 ريال وتركيبه هنا بسعر 120 ريال ويقولون فيه ورشه بالقصيم يصلح الحساس بسعر 50 ريال

بس تبقى المشكله اني احتاج اروح للكويت وبعدين اروح للقصيم يعني ابيع السياره اصرف

[كاشت المدن]

فيه ورشة البيان الجديد يصلحونلك العداد الواحد ب250 مع ضمان شهر
مع انهم سوريين لكن هم ارخص ناس بالصناعيه وهذي مشكله من 2003 -2006 ولو تغير الطبلون تشليح نفس المشكله
انا درت بالصناعيه وهم ارخص ناس وكلهم يفكون العداد ويغيرون المقوي اللي وراء العداد وبس اتمنى لك حل موفق

[بيت الطين]

فيه ورشة البيان الجديد يصلحونلك العداد الواحد ب250 مع ضمان شهر
مع انهم سوريين لكن هم ارخص ناس بالصناعيه وهذي مشكله من 2003 -2006 ولو تغير الطبلون تشليح نفس المشكله
انا درت بالصناعيه وهم ارخص ناس وكلهم يفكون العداد ويغيرون المقوي اللي وراء العداد وبس اتمنى لك حل موفق

هل الي موقعهم بالنسيم مريت عليهم قالوا نصلح العداد الواحد بسعر 450 قبل كم شهر هذا الكلام

[alrrahal]

يوجد عندنا بالقصيم كهربائي سعودي يصلح الطبلونات على الضمان و اكثر ما يخرب بالنسبة للجمس من م2000 و طالع

عندي جمس 2003 وبه نفس المشكلة
هل تتكرم أخي superVTC وتدلنا عليه أو تضع رقمه وشاكر لك حسن تعاونك
علما أنني بجدة

[سوبر VTC]

اخوي الواصل
اذا كان عندك خشخشة بنفس دينمو الامبير فالمشكلة من الدينمو و سعر اصلاحه ب150 عندنا بالقصيم و بالرياض تقريبا من 200 وطالع اذا كان ما فيه خشخشة فالخراب من المعالج حق الطبلون و يغير الطبلون كامل
لكن انت لا تستعجل افحصه قبل عند كهربائي ثقة
و الله يعينك

عندي جمس 2003 وبه نفس المشكلة
هل تتكرم أخي superVTC وتدلنا عليه أو تضع رقمه وشاكر لك حسن تعاونك
علما أنني بجدة

اخوي الرحال
رقمه ارسلته لك على الخاص

[بيت الطين]

اعاني من نفس المشكله وما زلت ابحث عن حل؟؟؟؟

احد يقدر يفيدني لان الحل الوحيد الي حصلته مكلف

حصلت التكلفه 2500 ريال كل حساس يغيرونه لك بسعر 500 ريال والمصيبه الاكبر يقولون ممكن كم شهر ويتعطل