بخصوص لمبة ظغط الكفرات بالاكستيرا نيسان !

[عاشق z71]

السلام عليكم ورحمة الله وبركاته
اليوم ياجماعة الخير قلنا نبي نفطر بالثمامه

واطلع انا واخوي والشباب

وكانت اول طلعه للبر بموتر اخوي الجديد اكستيرا

المهم قبل ماندخل والله ونسم الكفرات

شوي ولعت لمبه عنده بالطبلون على شكل تعجب وعليه دائره

قلنا عادي هذي لان ظغط الهوا بالكفرات نزل << قرينا عن هذي الميزه بالكتلوج حق السياره

المهم وحنا راجعين نفخنا الكفرات ولاسف اللمبه ماطفت

ياترى ليش وش السبب

والي عنده علم يفيدنا ياجماعه

تحياتي للجميع

[شحبار]

السلام عليكم
اخوي وش اطلعتلك هذي العلامه بالكتلوج شنو معناها ان الكفرات نازل هواها

[عاشق z71]

السلام عليكم


اخوي وش اطلعتلك هذي العلامه بالكتلوج شنو معناها ان الكفرات نازل هواها

العلامه هذي حقت اذا نزل ظغط الهوا بالكفرات تطلع بس المشكله نفخنا الكفرات ولا طفت !

[Turki1]

اخوي عاشق
ارفع ضغط الهواء في جميع الكفرات فوق 30
تحياتي

[أبو LAMeS]

كم عيار هواء الكفرات يوم نفختوها مرة ثانية ؟

لأنه اللمبة تولع عند رقم محدد,,,, يمكن عيار الهواء ما تعدى هالرقم ... أو واحد من الكفرات عياره مهوب مضبوط على العموم اللمبة مهوب على طول تطفي أحيانا تمشي لك عشرين كيلو بعدين تطفي,,,,, وأحيانا إذا طفيت السيارة بعد ما تمشي مسافة طويلة وشغلتها تكون اللمبة طافية ,,,,,,,,,,,إذا ما طفت عب الكفرات فوق الاربعين وأمش مسافة وشف وش يطلع معك
بالتوفيق

[M o b d a]

أخوي

انا نفس نظامك ..
باثفندر 2007

المهم نسمت ودخلت همن طلعت ولعت اللمبه ..

هذا اول ما خذته كان ماشي 7000 وحولها والحين صك الـ 55 الف

ولا طفت ..

ولا قد طبيت الوكاله

لنظامهم السيء

على الهاتف ما يردون

ولا رحت لهم قالوا اتصل علينا واحجز

ما تدخل السياره كذا وش السوات مادري

[faaaaz]

افصل البطاريه نصف ساعه

[مواسي الطعوس]

عاديه اللمبه .ارفع ضغط الهواء الى 32 تقريبا وتطفي .

معي كل 5 ايام ينقص كفر واذا ولعت اللمبه دريت انه ناقص عن ال 30 .واحيانا ماتطفي الا بعد 4 كيلو .

[برق و سحاب]

حط الكفرات كلهم على 35 وتاكد من العيار مظبوط وتطفى اذا مشيت لك 5 كيلو

[turkiq]

معلومة مهمة جدا :

ضغط الهواء يعاير فقط والكفرات بااااااردة
لكي تحصل على العيار الصحيح

[Ibrahim.O]

اخوي احمد هذي اللمبة تشتغل بموتري اول ما انسم الكفرات

بس وانا طالع كل كفر اخليه 35 وتطفى اللمبة على طول

انت تأكد من المعيار حقك يمكن حابس هوا ويعطيك قراءة خاطئة

راح لم البنشري وشيك عليها مظبوط خلها 35 او فوقها واذا مانفع راجع الوكاله

[alkongrs]

شيك على الكفرات زي ماقالو الشباب حطه على 35او زياده

[مخطط 2008]

لازم ترفع الهواء الى 35 34 تولع ة معي تريليو بليزر نفس المشكلة وهي طريقة حلوة مرة على السريع امشي 150 ك /س ولعت اللمبة وقفت ولقبيت الكفر ينسم وهذي ميز حلوة

[turkiq]

لازم ترفع الهواء الى 35 34 تولع ة معي تريليو بليزر نفس المشكلة وهي طريقة حلوة مرة على السريع امشي 150 ك /س ولعت اللمبة وقفت ولقبيت الكفر ينسم وهذي ميز حلوة

لو تعيد مشاركتك اخي الكريم ..... ماهي واضحة

[مخطط 2008]

لو تعيد مشاركتك اخي الكريم ..... ماهي واضحة

اتكلم عربي


لازم تعاير الهواء على 35 اقل من 35 تشتغل اللمبة