فزعتكم ياهل الباترول

[نديم الحيا]

مساكم الله بالخير

ابي فزعتكم تكفون ياهل الباترول

معي باترول 95 جي ال وعندي مشكله في الجنوط

بين كل فترة وفترة ينكسر عندي واحد من الجنوط ويصير الكسر من الداخل

وتكررت معي وشار علي واحد من الربع اني اركب جنوط 91 اللي لونها ابيض

والحمد لله ماشيه معي زين وباقي عندي جنطين نيكل من الأولات حاطهن في المستودع اخاف اركبهن يتكسرن

وللمعلومية الموتر ماقد مشيتبه في وعر مكاشيت بسيطه موتر عايله

ابي حل تكفون شكل الموتر بالجنوط البيض ما جاز لي

وتمنيت اني مصور الجنوط ومنزل لكم صورة

انتظركم بفارغ الصبر

[عاشق النفود 111]

أخوي الجنوط التجاريه أخبر مع المطبات الجامده و الحفر تكسرهن أو تشعرهن
أما انشعارهن كذا بدوي مطب
ما أدري وش السبب
لعل الاخوان يفيدونك
تقبل مروري

[نديم الحيا]

يعطيك العافيه عاشق النفود على المرور

والمشكلة ان الجنوط جنوط الوكالة!!!!

[سوبر VTC]

اذا كانن جنوط شنبر لا تحرص عليهن
ثقيلات و رجة يعني احيانا الترصيص ما ينفع
***
اكثر ربعي يحطون جنوط باجيرو الصراحة
و الموتر شخصية
اذا ما جاز لك اللون الفضي رشهن فرن باي لون تبي
و يركبونهن على الجيب الحوض و الهدد
جنوط هلل
تحياتي

[نديم الحيا]

حياك سوبر Vtc

الجنوط جنوط الوكالة نيكل

وبالنسبة لجنوط الباجيرو مسكته ومفكر فيها

لكن هي الخيار الأخير في حال ماليقت حل للجنوط الحاليه

شاكر لك مرورك يالغالي

[قميري المنتدئ]

السلام عليكم اخوي نديم الحياء انصحك بجنوط هلل باجيرو حديد وخفيف الجنط وقوي اسعارهن 5 جنوط 1500 وانا مجربهن
تحياتي...

[نديم الحيا]

قميري المنتدى

وعليكم السلام ورحمة الله وبركاته

ياخي جنوط الهلل ماقد شفتهن بس من اسمهن احس الشكل ماهوب زين

والموتر موتر عايله لكن اقرب الظن اني ابرجنوط الباجيرو


شاكر لك مرورك يالغالي