يا اهل الخبره لا تخلونى

[قناص1975]

السلام عليكم ورحمة الله وبركاته
عندى سفارى 98 عادى وعند واحد من الربع سفارى مركب هدرز قال انا اببيع الجيب وذا تبى الهدرز فك اللى عندك ونتبادل بدون مقابل قلت يا ولد انا ما ابي الصوت العالى فشله مستحى من بعض الاشياء قال خذ الرقبه ما يطلع صوت عالى وابى خبرتكم وش فايدة الهدرز وهل يصرف بانزين ترا موا ناقصين مع العلم اللى بموترى حق الوكاله ومشكورين طولت عليكم

[نجم واحد]

اخوي قناص
الهدرزما يضر الموتر بس يعطيك عزم خفيف وصحبيح اذا ركبت الراس بس مافيه صوت.......

[قناص1975]

مشكور يا نجم ما قصرت الله يكثر من امثالك

[حرب]

ركبه وماراح تندم ومن ناحية الصوت حطله دبة يوكون بس لازم يكون كامل الهدرز مع ماصورته علشان تحس باالفرق وخفة الموتر00 وعسى الله يوفق الجميع00

[قناص1975]

اخوى حرب ما يصير اركب الراس بس بدون دبه

[حرب]

مالك فايده اخوي قناص
اول شي الهدرز مواصيره وسيعه وجابه بشكل انسيابي ويبيله ماصوره وسيعه وكنداسه كبيره علشان يتهوى الموتر 0 واذا كان ماصورة بلد راح ينحشر اشوي الموتر وتطلع انت بدون فايده او ملاحظة الفرق00

[قناص1975]

الله يعطيك العافيه على المعلومه يالنشمى والله ما قصرت ومنكم نستفيد بيض الله وجهك

[الوعب]

السلام عليكم

انا ماعي نيسان و عليه هدرز كامل,,, فرق بين شد البلد و الهدرز طبعا الفرق لصالح الهدرز ولكن الي على موتري بدون صوت ,, يوم فصلته قلت للرجال ابيه بدون صوت (كاتم) ,, فيه صوت خفييف لكن مايبين .
نصيحتي لك طبعا النصيحه تعتمد على نوع الهدرز هل هو شغل تلحيم مواصير في بعض ولا شغل وصلات تركب في بعض مثل الي يجي من الوكاله .

اذا كان وصلات ركبه كامل ولكن خل الوصله الاخيرة الي فيها الدبه الصغيره الي تبين من عند الصدام الخلفي .. هذي خلها حقت الشركه .. لان الدبه الاخيره هي الي تكتم الصوت.
وللعلم الهدرز فكرته بسيطه و العزم يزيد بسبب بعض الامور مثل :
ماصورت الشركه 2 انش و ماصورت الهدرز اتساعها 3 الا ربع ولا 3 او 2 ونص على حسب طلبك
والسبب الثاني للعزم يجي من الدبه الوسطيه الي تصير تحت كرسي السواق
هذي الدبه من الشركه فيها 3 او اربع فلاتر (الفلتر في هذي الدبه كاني اقولك جدار يخلي الهوى يمر في الدبه على شكل متعرج ,, يعني الهوي يدخل في الدبه من يمين و بعد الفلتر الاول يطلع من يسار و الفلتر الثاني يمين و الثالث يسار الخ الخ ) وهذا هو السبب الي يخلي الصوت يخف (دبه الشركة) اما دبه الهدرز تكون فاضيه من داخل بدون فلاتر عشان كذا الصوت اعلى
حاليا الموضوع راجع لك ان بغيت تبدله او لاء.
بالنسبه لي انا لو مكانك راح ابدل اذا اكان الهدرز مفصل تفصال جيد.
وبالتوفيق لك

[سوبر VTC]

كلام الاخوان تمام
الهدرز فائدته مليون بالمية
خف عزم و الحرارة تنزل بمعنى يريح المكينة لان البلد يحشر المكينة
يقلل الصرفية نوعا ما
تحياتي