!!!!!!!! معاناتي مع داتسن 2007 !!!!!!!!

[as-315]

السلام عليكم ورحمة الله وبركاته

كل عام وانتم وبخير

أبدأ لكم في طرح معاناتي مع الددسن 2007 وهي اني اشتريته

جديد وماشي معي تمام الى أن مشى 74 الف في يوم من الأيام

كنت ماشي في طريق سريع كنت أمشي تقريبا 160 وسمعت

صوت طرير قوي توقعت أن الكفر انضرب

وهديت بالنمره الين وقفت بجانب

الطريق صار الصوت من تحت السيارة وتصبصب زيوت حملتها في

سطحة الى الصناعية فحصها المهندس وقال العرموطه حقت القير

منفرطة ونزل القير وغير العرموطه والصوفه حقت القير وخرط

راس القير ومشى الوضع تمام بعدها بحوالي شهر مشيت 10 آلاف

كيلو ونزلت أسفل السيارة ولقيت زيت القير يهرب مع نفس المكان عند

نهاية القير وبداية العمود وفحصها المهندس وقال الصوفة خربانه

وفك العمود وغير الصوفة ومشيت على السيارة حوالي 400 كيلو

وبدا الزيت يهرب مع نفس المكان

عساكم فهمتوا معاناتي

واللي عنده علم لايبخل علينا

واللي يعرف فني للقيور يخبرنا وين مكانه

الرياض

[شبح500]

الله يزيل معاناتك ماعندي علم ياغالي بس حبيت ادعي لك

[as-315]

مشكور اخوي
ارجو من المشرف اعتماد هذا الموضوع وحذف الموضوع الآخر اللي بنفس العنوان

[المميـز]

ااتوقع ان القير راكب غلط يعني فيه ميول بسيط وهذا اللي يسبب خراب الصوفه عادةً

هل تحس برعشه بالموتر ؟؟ يعني رجه خفيفه جداً ؟

اذا كنت تحس بالرعشه فأتوقع ان المشكله يامن وضعية القير او من العمود يكون مايل

والله يكون بعونك اخوي ويكفينا شر هالسيارات ومشاكلها الي ماتنتهي

وان شاء الله الاخوان الافاضل أهل الخبره يبي يفيدونك

..

[بدوي جنوبي]

مشكور اخوي
ارجو من المشرف اعتماد هذا الموضوع وحذف الموضوع الآخر اللي بنفس العنوان

تم حذفه .


سؤالي شلون خرط راس القير وليه ؟

اعتقد هو سبب تكرار التهريب
افضل تغيره وان شاء الله تنتهي المشكله
طبعا عن طريق البحث بالتشليح

[مساير الليل]

أنصحك بتركيب قير 2004 أفضل بكثير

[as-315]

الله يزيل معاناتك ماعندي علم ياغالي بس حبيت ادعي لك

جزاك الله خير

[as-315]

ااتوقع ان القير راكب غلط يعني فيه ميول بسيط وهذا اللي يسبب خراب الصوفه عادةً

هل تحس برعشه بالموتر ؟؟ يعني رجه خفيفه جداً ؟

اذا كنت تحس بالرعشه فأتوقع ان المشكله يامن وضعية القير او من العمود يكون مايل

والله يكون بعونك اخوي ويكفينا شر هالسيارات ومشاكلها الي ماتنتهي

وان شاء الله الاخوان الافاضل أهل الخبره يبي يفيدونك

..

لا عايدي ما فيه اي رجة
ووين أهل الخبره

[as-315]

معقوله وين اهل الخبرة

[حمد الأحمد]

الله يكون بعونك

[.أبوعبدالرحمن]

اخوي اعتقد ان القير ما ركب صح راجع اقرب ميكانيكي مظبوط يشيك لك على وزنية تركيب القير يمكن انه مايل او انه متقدم او متأخر شوي

[غضنفر]

قير الددسن الجديد ( 2005 وطالع)
ماش خرابه واجد
فيه واحد ماشي موتره 55 الف ومع ذلك
قيره موضب مرتين عند الوكالة
لذا زي ما قالك مساير الليل
اذا صملت على تغيير القير
ركب من 2004 ونازل بس نق النظيف

[-الساري-]

الله يكون بعونك أخوي ، إذا بتركب قير جديد خذ قير من 2001 إلى
2003 ،

[ابودعسان]

عندنا ددسن 2007 سافرت عليها للرياض من حايل
وفي طريق العوده لاحظت تهريب بالقير من الجرم نفسه
شيكت على الزيت مضبوط مشيت عليها لحايل عادي 140 وبوجهي للوكاله لانها تحت الضمان
وغيروا لي قطعه بالجرم اللي تربط بين عمودين الدبل والدفرنس الخلفي على حسابهم
والحين الموتر تمام الله يسترعليه له 7 شهور

[النوء]

معقوله يأخوان القير يختلف عن 2004 ونازل
المكينة هي هي ماتغيرت نفسها .
ياليت أحد يفيدنا الاختلاف بالضبط وين في القير