سؤال ويبيله جواب

[مزاجي فوق]

السلام عليكم ورحمة الله وبركاته

اخواني انا ضيف جديد عليكم وانشااء الله معكم الى الابد

ولكن,,,

عندي استفسار وياليت احد يفيدني فيه اللي هو :-

عندي جيب لاندكروزر سار علي حادث والموتر راح فيها بس ابي ورشه في الرياااض

تتكفل في تصليحه ويكون سعرها معقول ولكن للاسف ما لقيت كل اسعارها نار ولا هو موثوق في شغلها

ياليت اللي مجرب اي ورشه يعلمني

وابي اشوف الردود الله لا يهينك

[لن أمل من العطاء]

السلام عليكم ورحمة الله وبركاته

اخواني انا ضيف جديد عليكم وانشااء الله معكم الى الابد

ولكن,,,

عندي استفسار وياليت احد يفيدني فيه اللي هو :-

عندي جيب لاندكروزر سار علي حادث والموتر راح فيها بس ابي ورشه في الرياااض

تتكفل في تصليحه ويكون سعرها معقول ولكن للاسف ما لقيت كل اسعارها نار ولا هو موثوق في شغلها

ياليت اللي مجرب اي ورشه يعلمني

وابي اشوف الردود الله لا يهينك

اولا المد لله على سلامتك والحديد يتعوض

وبحكم خبرتي في الحوادث الله يجيرنا اجمعين

وعلى قولتك السيارة راحت فيها

الافضل لا تصلح بعها تشليح
واشتر غيرها مثلها اذا تريد مثلها او انها فرصة للتغيير

انت شوف كم تجيب لك تشليح واحسب قيمة اصلاح وقطع غيار وزود على مبلغ الاصلاح وقطع الغيار مبلغ 4000 مصاريف اصلاحات لم تظهر الا بعد الفك وبدأ التصليح واحسب حسابك
وتأكد مهما كانت دقة التصليح فلن ترجع السيارة مثلما كانت ابدأ ابدأ ولن ترتاح نفسيا

اخوك

لن امل من العطاء

[شامخ ألهيلا]

اخوي فيه ورش اتراك بالصناعيه القديمه

واسعارهم رخيصه

عندك ورشة نجد وورشة تيما خلف وكالة تايوتا الرشيد الي بعد السالم والزاهر


واسعارهم حلووه ووعندك محل قريب منهم ياامن لك اي قطعه لسياره مستعمله وتخصصه لاند كروزر هالمحل

واذا تبي توصيف ادق انا بالخدمه

[مزاجي فوق]

بيض الله وجيهكم

والله يا لن امل العطاء مستحيل افرط في هالموتر مهما كان وبيني وبينك كلامك واقعي لن يرجع مثل اول

بس نحاول نحاول

وياشامخ الهيلا ما تقصر يا خلفهم انا من شفت توقيعك دريت انك صاحب جيب

بس وش قصدك في المحل اللي يامن اي قطعه مافهمتك وياليت توصفني المحل حتى لو ارسلك رقم جوالي

[شامخ ألهيلا]

اخوي مزاجي

طال عمرك هذ محل قطع غيار مستعمله للاندكروزر والتويوتا بشكل عاام والقطعه الي مو عنده يجيبها لك اليوم الثاني

وصراحه اسعاره رخيصه مرره

واذا تبي وصفهه دقيق

ارسلي واعطيك رقم جواالي

[الحربي112]

والله اذا تبي الورشه الزينه ومعروفه ولك بالشغل المضمون

عند ورشه الوفاء اللي بالصناعيه القديمه شغلهم ما عليه كلام

انا دخلت سيارتي كورولا 2007 عندهم كان فيها الخلفيه كامله ولازم قص الموتر ودخلته عندهم

شريت لي خلفيه كورولا من التشليح نفس الموديل ونفس اللون وصراحه شغلهم ما عليه كلام
قصوا لي الموتر وركبوا القصه اللي جبتها لهم رشوا الرفارف الخارجيه فقط لان السياره نفس اللون
وكلفتني صراحه شغل يدهم 6000ريال حتى اللون لؤلؤي وصبع بس جابوه نفس اللون

بس تستاهل الصراحه لانك اذا شف السيارات اللي موجوده عندهم تبي ترتاح لان كلها سيارت جديده من 2005 وفوق واكيد ما جابوا السيارات الا لان شغلهم مضمون ورشتهم عليها ضمان 5سنوات من التغير او التقشير واسف على الاطاله

وهذي صور السياره بالحادث




وهذي بعد القصه شف كيف ضبطوها



واذا سيارتك جديده مب خساره عليها انك تصلحها غاليه شوي

احسن من انك تصلحها رخيصه ولا يضبطونها لك
وهذا رقم المشرف اللي بالورشه

0504455503

[مزاجي فوق]

الله يعيط العافيه على التوضيح يا صقر حرب

انت رابع واحد اللي علمني على الورشه هذي

مشكور يالربع

[مزاجي فوق]

كان ودي يا شامخ الهيلا ارسلك رساله لكن يقول المشاركات خمسين

[الحربي112]

لا اوصيك وعلمنا وش يصير معك

والله يعوضك خير

[خ الفياض]

شف وانا اخوك نصيحه لوجه الله اذا الموتر ماهو موديل 2003 فوق لا تصلح بيعه تشليح الا اذا كنت تتوقع ان التصليح ب ينفع لانك تقول ان الموتر راح فيها وما ندري عن معنى راح فيها عندك لكن اذا كان يكلف وموترك اقل من 2003 بيعه تشليح وترى اللاند والله يجيب لك قيمه وهو معدوم ممكن ما يجيبلك سعر بعد تصليحه المقصد وانا اخوك اذا كان جابك وهو معدوم 40 مثلا وتكلفت التصليح 20 تاكد انه يالله يجيب ال 70بعد كل هالتعب وقابلني اذا ارتحت نفسيا لكن دام انك من اهل اللاند بيعه وراح ان شاء الله تطلع لك اخوه ماهو مصدوم ولا شي وان شاء الله يعيطك ولا يتعبك ثم يجيبلك قيمه مو مثل المسمكر


عن تجربه كلامي والله وربي يعينك ويوفقك
لكن اذا ملزم على الورش فيه ورشه ب جده اسمها بن بشر ياشيخ رش مسكت وانت اسال عنها لدرجة انه اصلا ما يستقبل سياره موديله اقل من 2000 ترى هالورشه تستاهل انك تجيب لها سيارتك من الشرقيه مو الرياض وفيه كمان ورشه اسمها الشروق ب الطايف شغلها قريب من بن بشر

[باترول 82]

اقول الحمد لله على سلامتك والحديد معوض ان شاء الله دام انك بخير وعافيه

انت احسبها مثل ماقال اخوي لن امل من العطاء ولا ازود على كلامه شي

وتقبل تحياتي

[مزاجي فوق]

مشكور يا شباب على جهودكم

بس انا بوريك صوره لسياره وانت وتوقعاتك

واذا تخبرلي ورشه كويسه او تشليح ياليت


وترا اللي انعدم في السياره اكثر شئ بطنها

[مزاجي فوق]

هذي الصوره

[الشهابة]

الحمد لله على السلامة .. و الله لا يوريك مكروه إن شاء الله .. و الله يعوضك بكل خير بإذن الله