لأهل الخبرهـ...!

[مزاجي فوق]

السلام عليكم
اخواني اليوم رحت التشليح وياليتني ما رحت لقيت ان الوكاله والتشليح ما بينهم فرق الا 200 او 300

بس اللي ابيه عندي قطع اللي يوفرها لي له زود من كل قطعه خمسين واللي يبخص لنا بتشليح سعره معقول لا يبخل علينا

الموتر لاند كروزر 2002 وترا ما تفرق من 98 الى 2007

القطع / كبوت +رفرفين يمين ويسار+ جسر صدام + صاجه اماميه رديتر + صاجه شمعات يعني بالعربي وجهيه كامله

وتكفون لا تبخلون ياهل الخير بالردود ترضينى ردودكم

[المميـز]

الله يكون بعونك ان شاء الله ... والحمد لله على السلامه

بالنسبه للقطع هذي اتوقع تلقاها بتشاليح بريدة العجلان والخضير وغيره ...

[شامخ ألهيلا]

اخوي اذا انت بالريااض

الصناعيه القديمه

فيها محل يامن قطع الاندكروزر زرخيص مرره
وله عملاء بالتشليح ويجيب من الاماراات

اذا تبي وصفه راسلني على الخااص

[سوبر VTC]

الحمدلله على السلامة
و الاخوان ما قصروا
ان كان ودك اعطيك رقم محل قطع غيار تويوتا ببريدة يمكن يكون ارخص نوعا ما
تحياتي

[مزاجي فوق]

انا بالرياض يالربع بس وربي توني تذكرت يا شامخ الهيلا اي والله تكفى افزع لي القطع نار يا خوك الرفارف من 1500 والرديتر اخس والعن

[calm down]

ياليت اخوي شامخ الهيلا تفيدنا بالمحل او ترسله لي على الخاص لاهنت