مشكلة بتاهو 99 ارجو المساعدة .

[ابو خالد2008]

بسم الله الرحمن الرحيم



السلام عليكم ورحمة الله وبركاته



اسعد الله اوقات الجميع بكل خير .........








عندي مشكلة بتاهو مديل 99 وهي ونا بالبر وعند الطلوع للمرتفعات الطعوس بدون دبل يطلع صوت زي ( ترررررررررررررر ) ويزيد مع الدعسة على البانزين ويضعف عزم السيارة اما اذا شبكت الدبل يطلع بدون صوت ولا فيه مشكلة.

من لدية معلومة يفيدني مشكور .

[بدووي]

والله وانا اخوك انا قليل خبر بالسيارات لاكن حبيت اساعد ولو بالبسيط شيك على البوجي واسلاكها لان المشكله يمكن تكون كربائيه

[ابو خالد2008]

والله ياخوي بدوي ماعتقد والعلم عند الله ان البواجي او اسلاكها لها دخل الخوف من الجنزير او القير للأنه مع الظغط على الدعسة عند الطلوع مع المرقاء او بمنتصف المرقاء يطلع الصوت طبعا هذا الكلام بدون دبل مع الدبل مافيه مشكله ولا اي صوت يطلع تمام .



ياليت الأخوان ما يبخلو علينا مشكورين ...........

[mmgarni]

السلام عليكم
عندى تاهو 99 باب ونفس المشكله شيك على زيت الكرونة لان الكرونة اللي عندي راحت وتعبت ما حصلت كرونة 6 مسامير اذا اكان فية زيت اشفطة وحط زيت فوكس 160 عند البناشر بكثرة لا تتساهل في الموضوع لان اغلب التشاليح مايبيعون الادفرنس كامل ب3000 مع الرجيع والا يكتب الخيرة

[ابو خالد2008]

اخوي مقرن يعني قصدك الصوت الي يطلع سببه من الكارونة ونقص الزيت . انا لا حضت تهريب بدفرانس بس بسيط مو كثير .


بس ياخي كأن الصوت يطلع من المكينة من الأمام . اشكر الجميع على مرورهم .




بنتظاركم ودتم بخير .........

[Alshoaibi]

السلام عليكم ورحمة اللهوبركاته
اخوي الفاضل حبيت اساعد مع العلم اني ما املك كثير من الخبره ولكن لعل وعسى تجد مايفيدك
اذا طلعت السياره الطعس بدون دبل يكون حمل على المكينه اكثر ولكن بالدبل اقل حمل ، جرب تشيك على البواجي اذا السياره وارد امريكا تجي البواجي الللى عليها من
المصنع الى 100.000 ميل اذا سيارك ماشيه هالممشى غيرهن
وجرب تشيك على نوع البنزين لان برمجه السياره من المصنع تكون
وسط بين 87 و91 هذا بالنسبه للمستورد من امريكا وانواع البنزين الامريكي عموماً (87-89-91) هذا
الموجود بالمحطات وفيه 100 خاص بالسيارات المعدله .
واسئل الله ان يعطيك خيره ويكفيك شره ويباركلك .
هذا والله اعلم