فك قير الباثفاندر

[king_federer]

السلام عليكم .....

بداية أفخر بانضمامي لهذا الموقع و اتمنى الإفادة و الإستفادة بإذن الله.

الحقيقة إنه عندي تهريب و اضح للزيت و لما كشفت قالو لي لازم تغير الصوفة بين الماكينة و القير.
و بحكم السكن في الخبر، رحت لورشة جيدة حقت سودانيين معروفين و شغلهم جيد و بعد الكشف قال لي لازم أفك القير و راح أغير الصوفة.

السؤال هو.... السعر المطلوب هو 1000 ريال! طبعا كشغل يد فقط.
هل السعر جيد و مناسب؟ و كيف أعرف إذا كان الشغل ضبط أو لا بعد الانتهاء من العمل؟
وإذا كان فيه أحد من اهل الخبر و عنده خبره اتمنى ما يبخل علينا.

شكراااااا.

[بدوي جنوبي]

اشوف سعر شغل اليد كثير
500 ريال كحد اقصى

تحياتي

[king_federer]

مشكور أخوي بس الصراحة انا مريت على كذا واحد و قالو لي 500 ريال بس ما أضمنهم.

المشكلة إن هذولاء هم الوحيدين اللي أضمنهم على حد علمي.
الصراحة محتار كثير.

[شروكي ربع]

حتى الـ 500 كثير ..

أنا أشوف سعرها من 350 الى 500 بالكثير عند واحد فاهم ..


و هالصوفة لا تغيرها الا اذا بدت تنقط ..

بمعنى اذا كانت الدعوى تندية بسيطة تمشيك حول السنة لين تحتاج تغيير ..

ولاعليها خلاف ..

[الساهر2003]

اخوي نصيحة اذا التهريب قليل جدا يعني اذا وقف الموتر يوم ونقط على الارض دائرة مثل الببسي فلا تصلحها عاير فقط لانها ممكن تظبط بعد كم شهر لكن من الطبيعي انها تهرب مع الامطار اذا طفشة في السيول
وصارة عندي في موتر صغير وتركتها وظبط ولله الحمد

[موادع الشرقيه]

اعتقد انه غالي

انا مغير صوفة قير حقت هايلوكس عند باكستاني شغله مظبوط على ماأظن بـ 250
في الدمام

[ابو ناصر2020]

من 300 واذا صرت مرره كاشخ 500



الله يكون بعونك يارب

[بدوي جنوبي]

الشغله يا شباب قير ودبل

وانا وضعت حد اقصى

[king_federer]

الله يعافيكم يا شباب و الله لا يحرمنا منكم يا رب

[nail]

شوف يالغالي انا اشتغلت هالشغلة بسيارتي


كان فيه نقص بالزيت ..طبعا زيت المكينة

اول شيء نصيحة تسويه :-
1- اغسل السيارة من تحت بالديزل والصابون والماء ووو اغسل المكينة .
2- بعد نصف يوم او يوم من استخدام السيارة ..روح لميكانيكي فاهم وخله يفحص السيارة ويحدد مكان التهريب .

انا طلع بسيارتي تهريبين بالصوفه اللي بين القير والمكينة +والكارتير .

بالأول كانو متفقين على انها الصوفة فقط واتفقت مع واحد يشتغلها ب 450 او 400.
وبعد ماكتشفنا ان وجهه الكارتير فيه تهريب ارتفع السعر ل650

واقترح العامل انه يخرج المكينة ويضبطها ويضبط جميع التهريبات اللي بالسيارة ..

ومن فضل الله ليومك ضابط مافيه اي تهريبات .

لاني اتفقت معاه بعد الشغل اغسل السيارة بديزل وماء واي تهريب يرجع قروشي ..ووافق

وغسلت السيارة ومافيها اي تهريب من فضل الله