استفسار لملاك الفتك ...؟

[ليالي نجد]

مساكم الله بالخير جميعاً

السيارة : باترول سوبر سفاري موديل 2004 قير اوتوماتيك 4800 سيسي

وانا عندي سوالين ..

الاول : عن زيت القير هل صحيح انه مايتغير ابد ... انما يتم التشييك عليه وزيادته في حال النقص ؟

الثاني : انا اعمل صيانه لسيارتي من يوم طلعتها عند الوكيل ... وبيني وبينكم الصيانة عند الوكيل مكلفه وتاخذ وقت .. فاذا فيه ورشه بديلة تكون على مستوى عالي ومجربه دلوني عليها ولكم الدعاء في ظهر الغيب .

بقي ان اقول اني من سكان .. مدينة الرياض .


والف شكر مقدماً .

[ساري 111]

الاول : عن زيت القير هل صحيح انه مايتغير ابد ... انما يتم التشييك عليه وزيادته في حال النقص ؟

اللي اسمع انه لازم يتغير واسمع انهم يحطون له زيت لكزس ويغيرونه كل 30 الف

[adil33]

تغيير الزيت يتم مع تغيير الفلتر بس طبعا التغيير يتم على حسب الحاجة للتغيير وهذا يدل عليه ريحة الزيت او لونه ....ونصيحة غير الزيت بزيت تشتريه من الوكاله

[أبو رائد الحربي]

عندي باترول 2002 وذهبت لعدة ورش وجميعهم يقولن لا نغيره
تغييره فقط في الوكالة ..
ذهبت للوكالة وقابلت المهندس وذكر لي انه لا يغير انما يزاد فقط اذا نقص .
الى يومك وانا ما زدته ماشي 200الف الآن ..
الله يستر علينا وعليكم

[بارق تبوك]

بخصوص زيت جربكس الفتك
مايتغير نهائي
إذا نقص تزيده وبا الوكاله
لأن زيته مخصوص ومستحيل
تلاقيه بالورش الخارجيه
ونبهك أخوي الزيت خاص وتلقاه بالوكاله فقط
وهذا الكلام عن تجربه
وتقبل مروري

[ليالي نجد]

الله يعطيكم العافيه جميع

وفعلاً ... سالت مهندس الوكالة وقال ان الزيت ما يتغير انما يفحص واذا ناقص يزاد

باقي ورشه عليها الكلام .. من يعرف ويدلنا .

ولكم جزيل الشكر

[ربع2003]

مساء الخير
اخوي ليالي نجد بالنسبه لزيت القير يشيك عليه وتزيده الى 120 الف يغير بالوكاله بدون فلتر وقيمته بـ800
لانك ان غيرته بغير الوكاله الله يعينك ويكفيك شر 20 الف توضيب قير فلتره نحاس وما يتغير
اما بالنسبه للورش الفتك ما شالله عليه ما يبي ورش اهم شي سيور وبواجي وفلتر هواءوقماشات وتوكل على ربك
والله يعطيك من خيره ويكفيك شره (((( كانك تبيعه ترى انا شراي ))