المشاركة الأصلية كتبت بواسطة Iجبرني_الوقتI
السلام عليكم
علاج الطير عن القلاع بعض الطيور تعطيها العلاج بدون لاتكتفها
لكن المشكله كبد الطير ماتقبل العلاج يمكن يرجعه (يزوعه)
مافي مانع انك تعطيه العلاج بقلب حمامه مثلا وبعد نص ساعه
تعطيه العلف او ساعه وانا اذكر كان عندي علاج للكنكر اللي
اهو القلاع كان يخلط مع العلف عباره عن بودر
اهم شي الطير ياكل عندك لو قطعه صغيره من العلف
واحرص على المكان الدافي مادام انه مريض
طريقه وضع الحبه بحاول اشرحها لك بالكتابه وان اقول اكثر
الصقاقير يعرفون الطريقه
تمسك الكبسوله او الحبه في اصبعين السبابه والوسطى
وتمسك منقار الطير في الخنصر والابهام وتحاول انك
تدفع الحبه لين تتعدى فتحة التنفس اللي باللسان قدر الامكان
وتكون مزهب في فمك ماء من تطلع اصبعك تبج (تنفخ الماء)
في حلق الطير حتى يبلع الحبه او الكبسوله وتتلهي الطير
تخليه يتحرك لين تروح الحبه وتذوب يعني تحركه على ايدك
ماتخليه يثبت لين تهقى الحبه ذابت دقيقتين تقريبا
وافضل علاج الكنكر الالماني ولازم تعطيه بعد كورس العلاج
فتامين كورس
ملاحظه الكورس خمسة اياام اذا مافيه نتيجه غير العلاج
بالنسبه لسكر النبات مادام الطير فيه قلاع لاتعطيه نبات
ونفس الطريقه وضع الحبه للصقر
الله يشفي طيرك وتشوف صيده انشاء الله
تقبلو فائق احترامي واسمحولي على الاطاله والتقصير
صقار متقاعد
دمتم بود]]></message>
الغالي الصقار المتقاعد جبرني الوقت
بعد اذن صاحب الموضوع F J
اولا اشكرك على الشرح الوافى وان شاء الله يستفيد منه كثير من الاخوان , وبما ان السؤال مهم ويهم كثير من هواه الصقور , يا ليت توضح مكان فتحه التفس اللي تتكلم عنها حتى ما ينخنق الطير ,, يعني حبه العلاج تكون فوق اللسان او تحته , وكيف اعرف او اتاكد ان العلاج ما راح للرئه؟؟؟؟
اذا أحد من الاخوان (أو المشرفين ) يفيدنا بصور تشريح للطير توضح جهازه التنفسي والهضمي .لكي تكون االفائده عامه ان شاء الله .
شكرا لكم يا صاحب الموضوع
و شكرا للصقار المتقاعد - جبرني الوقت
تقبلو مروري ,