قمة المهزلة °°° وكلاء «جنرال موتورز» في المملكة يرفعون قيمة السيارات 10%

[مسكين]

والله يا اخوان صرنا مهزلة

الحين شركة جنرال موتورز تخفظ الاسعار في امريكا واروبا 30 بالمية وعندنا الوكيل يزيد السعر



جريدة الرياض - د.ب.أ:

سجلت أسعار السيارات الجديدة لشركة «جنرال موتورز» في السعودية ارتفاعاً بنحو 10% لموديلات عام 2009 مقارنة بأسعار 2008 حيث عزا عاملون في عدد من صالات البيع لدى وكلاء الشركة بالسعودية ارتفاع الأسعار إلى الإضافات الجديدة التي أدخلت على موديلات 2009.

الصراحة الرجال الي يشري من الوكيل جديد ماهو صاحي



هل حنا الى هالدرجة مسخرة عند الناس ؟

وش يشوفوننا (( بقرة حلوب ؟؟؟؟؟؟؟ ))

[altheeeb79]

لا نكرم عن البقر وناخوك


لكن شايفن ماهناك حمايه للضعيف(المواطن)0

الله يعين على خير

[المستهدف]

عندك ناس تشري ولا تبالي وهم اللي حايسنا

[مطارد]

حنا السبب والله لو نقاطعهم لو شهر ان تشوف وش يسوون صحيح هم طماعين لكن عندنا مطافيق ما عندهم صبر ....

[النديم2007]

والله ما لهم الا المقاطعة

[arrow]

بسم الله الرحمن الرحيم

اخوي مسكين :

كان لي موضوعين سابقين حاولت من خلالهما توضيح وجهة نظري بهذا الخصوص..ولكن للاسف البعض زعل من وجهة نظري !!!

من وجهة نظري انه المفروض تنزل اسعار السيارات وحنا نتمنى ذلك ..

لكن الواقع شيء اخر تماما خصوصا عندنا !!!!

الواقع عندنا ومن خلال التجارب السابقة يقول ان الاسعار اذا مارتفعت مابتنزل لسبب بسيط وهو اننا مغلوب على امرنا ولا فيه لاحسيب ولا رقيب ولا حماية للمستهلك...

التجار يحددون الاسعار على كيفهم ولااحد يقول لهم وين رايحين !!!!

مثلا :

كانت تطلع السيارة عليهم مثلا بـ50000 ويبيعونها بـ 100000
هل تتوقع اذا طلعت عليهم نفس السيارة بـ 20000 احد بيسالهم ليش بعتوها بـ 100000 ؟؟؟؟؟؟

نعم الاسعار بتنزل على التاجر ولكن ليس على المستهلك ,,, وهذه وجهة نظري ....

كلامي لايعجب الكثيرين ولكن هكذا الواقع غالبا مر ...

وفقك الله ...

[>> ابوعلي <<]

يا شباب الجمس الجديد بامريكا طاحت قيــــــــــــــــــــــــــــــــمته بالارض !!!!

السؤال : ليش يرفعون الاسعار عندنا ؟؟؟؟

الجواب : لان اغلبنا دلوووووووخ دلووووووووخ بمعنى الكلمه يعني يقولون مواصفات زيادة انا امس عند العيسى للسيارات يقول خويي بالمبيعات كل اللي يسمونه اظافات مضافه للسعودية بس يعني شغل تلزيق وبعدين تعالوا تدرون وش الاظافات الله يسلمكم ركب كلمة يوكن اكس ال اكبر من القديمه وحطو لمبات بالدعاسات الجانبية + رفعو السعر بشكل الييييييييم صراحه يعني 2008 اكس ال كان بـــ 137 . حلو
موديل 2009 اكس ال اردى فئة بـــ 157 !!!! .
هاه وش رايكم بالمصخره ذي .

يا ناس الحل بيدينكم لا تشترون اواذا لازم تشترون اشترو من شركة فورد خلو جي ام تاكل بقل ترى الفورد زين خاصة الاكسبدشن الطويل تراه شي ومواصفات قوية ارخص من اليوكن اكس ال 2009 بكثيييير

انتظر ارائكم ونقدكم واقتراحاتكم

اخوكم ( المــــــــقوشــــــــــي ))

[مسكين]

بارك الله في الجميع

أخوي altheeeb صحيح المواطن مغلوب عليه وماله نصير

ولكن ماتعتقد اننا نحن السبب بضعفنا وخوفنا ؟ والواحد منا مايجرء يتكلم

اخوي المستهدف مطارد كلامكم صحيح

اخوي النديم المقاطعة تنفع اذا الناس حطوا ايديهم بيد بعض وفي هذة الحالة تكون فعالة جداً

اخوي السهم كلامك صحيح

[alisabr]

مشكلتنا منا وفينا

والا لوعملت مقاطعة شامله بتنزل الاسعار بشكل غير متوقع

لكن للاسف تعودنا نشتري اخر موديل حتى لوسلف اهم شي الواحد منا يركب سياره اخر موديل مو مهم بكم شراها المهم يجدد سنويا
وشي طبيعي تطلع لك نصبات جنرال موتورز أن هناك اضافات جديده وتلقونها جايه مع السياره اساسا وقالوا اضافه زي شركة تويوتا ونيسان وغيرها
الوقت هذا هو الحل الوحيد لنا لاجبار هذه الشركات على تخفيض اسعارها

لكن للاسف تعودوا منا نشتري منهم لوسلف اواقساط

[PATROL 8]

اخوي وكل الوكالات تسوي كذا انا يوم ابشري موتر الي هو ربع باترول رحت للمعارض وحصلته بــ89500 وقال ابوي خلنا نشوف الوكالة ورحنا وسئلنا عنه وحصلناه بــ94الف

شووفوو الفرق بين الوكالة والمعارض

[مسكين]

يا اخوان الحل هو

كل واحد عنده وقت فاضي يروح لم الوكيل ويمسح بهم البلاط ( طبعا بالكلام بس )

ويطلب المشرف وينشف البلاط به

واقل الاحوال يروح ويقول ( وش دعوا رفعة السعر ؟؟ العالم كله مرخص وانتم ترفعون غالي ماراح اشري )

[بواردي الدلم]

يارجال هذي حركه خداعيه من اهل الغش والخداع

السيارات بتنزل يعني بتنزل لا تشترووووووووون خلو سياراتهم لهم وأذكركم مايجي شهر 3 الجاي الا والسيارات طايحه أكثر من 25 % وتظل غاليه لان سعرها الحقيقي أقل من انخفاضها 30%
لكن نقول حسبنا الله ونعم الوكيل في كل من غشنا وكل من تعاون مع من غشنا

[sedrh]

بسم الله الرحمن الرحيم

اخوي مسكين :

كان لي موضوعين سابقين حاولت من خلالهما توضيح وجهة نظري بهذا الخصوص..ولكن للاسف البعض زعل من وجهة نظري !!!

من وجهة نظري انه المفروض تنزل اسعار السيارات وحنا نتمنى ذلك ..

لكن الواقع شيء اخر تماما خصوصا عندنا !!!!

الواقع عندنا ومن خلال التجارب السابقة يقول ان الاسعار اذا مارتفعت مابتنزل لسبب بسيط وهو اننا مغلوب على امرنا ولا فيه لاحسيب ولا رقيب ولا حماية للمستهلك...

التجار يحددون الاسعار على كيفهم ولااحد يقول لهم وين رايحين !!!!

مثلا :

كانت تطلع السيارة عليهم مثلا بـ50000 ويبيعونها بـ 100000
هل تتوقع اذا طلعت عليهم نفس السيارة بـ 20000 احد بيسالهم ليش بعتوها بـ 100000 ؟؟؟؟؟؟

نعم الاسعار بتنزل على التاجر ولكن ليس على المستهلك ,,, وهذه وجهة نظري ....

كلامي لايعجب الكثيرين ولكن هكذا الواقع غالبا مر ...

وفقك الله ...

و ازيد عليها اذا كان حتروح فلوس لغير التاجر حتشوفون الزياده مستمره و مراسم عزاء جباية المستهلك ايضا مستمره

[محمد الصرير]

الله المستعان ، قال عمر رضي الله عنه لرعيته عند شكواهم من رفع الاسعار قال ( اتركوها لهم ) ، والله لو حنا يد وحده على التجار وفيه جمعيات زي اللي في الخارج لحماية المستهلك ، كان التاجر يهتم ويخاف ، وتكون حماية المستهلك في عز صحيانها ما هو في سبات عميق طوال السنة ( يا حليل الدب الاسمر سبات فصل الشتاء بس ، وربعنا السنة كلها شتاء) . ودمتم سالمين

[سنافي عنيزة]

السلام عليكموجهة نظر ياشباب واتمنى ماحد يزعل لو المملكه كلها ماتشتري مراح تنزل الاسعار الوكيل اصبر منا ومتمصلح من الدوئر الحكوميه اللي ياخذون منه بالجمله الموضوع عند الدوله وحماية المستهلكدمتم بخير