الحل الجذري لمشكلة طبلون اليوكن (gmc) بدون الوكاله

[alfajeralb3ee]

تم تعديل الموضوع بواسطة المشرف
دهران

بسم الله الرحمن الرحيم


السلام عليكم ورحمة الله وبركاته


الحل الجذري لمشكلة طبلون اليوكن
(GMC) بدون الوكاله الي يطالبونك 2000 ريال
ويرسلونه على دبي...


حصلي شخصياً مشكله بعداد اليوكن وبالذات عداد السرعه ..
وسبق وان وضعت المشكله بالمنتدى لعلي احصل حل للمشكله هذي.........
واخيراً والبصدفه ونا في الصناعيه رايح اصلح اصطبات فرام وقفت عند كهربائي سوري
وقلت له غير لبة الفرامل ولما غيرها سالته اذا تعرف احد بالصناعيه يصلح طبلون يوكن ...
ابتسم وقالي انا اصلحها . الحقيقه خفت منه .. قلت له انت تصلح الطبلون
وبرضوا ابتسم وقالي تعال انا اوريك شغله
ودخلن بالمحل وشفت عنده مكاين العدادات الحقيقه ماقدرت اعده من كثرها ...
قلت له وشهي هذي قالي ناس قبلك جو يغيرون عندي . وراح وراني برضوا في المكتب حقه
مكائن الي تركب بالطبلون. قلت له تضمنها لي قل لك سنه اذا خربت ردها لي قلت والشغل بيطول قالي 10 دقائق ...
طيب والسعر قالي 250 ريال بدون مفاصله. لانها طالعه علي 200 ريال
وهذا مكسبي منها ولا اقولك روح الوكاله خلهم ياخذون منك 2000 ريال
قلت له توكل على الله وصلح الطبلون...
وهذي الصور تتكلم ..


صورة الطبلون وعداد السرعه قبل التصليح وتلاحظ ان العداد عاد مليون :




الطبلون بعد ما فكه من السياره




وهذا الفني جالس يفك الطبلون وكنت متوقع انه بتطلع اشياء كثير من هالطبلون على كبره





الطبلون بعد مافك الغلاف حقه




هذا العداد العطلان شاله من الساعه




وهذا العداد بعد مافكه وباين عليه مكائن العدادات الي بغير وحده منه بس الي هي مكينه عداد السرعه






بدء الفني بقص لحام المكينه القديمه لتركيب الجديده




وهذا الفني ركب القطعه




وهذي القطعه القديمه الي شاله وركب مثلها جديده




والحمد لله العداد رجع طبيعي مثل أول واحسن


وعلى ذالك جرى التنويه والإحاطه
وارجوا من الجميع الاستفاده واي خدمه انا جاهز بالنسبه للي يبي موقع الفني
ونا خفت ادرج صور للفني ومحله لاكن خفنا من احد يقول انه دعايه للمحل
على فكره واحد من اعضاء المنتدى قالي ان فيه واحد فني سوداني
اسمه مالك يصلح المشكله هذي بـ 400 ريال في صناعية ام الحمام.


والسلام عليكم ورحمة الله .....

[لن أمل من العطاء]

شكرا لك اخي الكريم

لكن الصور
حاول ترفعها من مكان ثاني او مكشات افضل

[ولد الهاااص]

جزاك الله خير .. بس وش دخل غزه في الموضوع ..


وياليت تعطينا وصف هالسوري

ذبحنا هالطبلون كل يوم خربان ..

تحياتي ..

[الوقداني]

الله يعطيك العافيه ،،

بس الصور ما طلعت

[ضاااري]

الله يعطيك العافيه ويجزاك خير على حرصك وحبك لاخوانك

[صنقل]

الله يجزاك خير أخوي بتفك أزمة الصراحة


ياليتك ترسل لي اسمه و رقمه ومكانه عالخاص الله لا يهينك ,, لأن عندي نفس مشكلتك

[شاص2007]

اخوي الصور بوادي والموضوع بوادي عدل الصور الله يجزاك خير

[إعصار]

مع اني لا املك مثل هالسيارة ..

لكن والله فرحت .. لأن اكيد كثير من الأخوان بيفتك من نصب هالوكلات ..


وأخر الخرابات بأذن الله ..

[ahmed174]

اخي العزيز ذكرت انه صلح طبلون سيارتك ياليت تخدمنا وترسل عنوانه ورقم جواله على الايميل التالي واكن لك من الشاكرينahmed-947@hotmail.com

[ابوعقل]

الحمد لله ان المشكله ان حلت

بس الصور ماله علاقه بالموضوع!!!!!

[القناص-sniper]

يعطيك العافيه

بس الصور طالعه كركتير كلها

[تابير]

أخوي ودي أعرف شنو سر الصور اللي حاطها ؟
الموضوع بوادي والصور بوادي
مافهمنا مغزااااك

[مجاد]

موضوع ممتاز وندعوك للانضمام لرابطة ملاك اليوكن والتاهو على هذا الرابط
http://www.mekshat.com/vb/showthread.php?t=171953

[Avalanche]

يعطيك العافيه

بس الصور طالعه كركتير كلها

نفس الكلام .....

[سيف الظفير]

الصور ارفعها من مكششششششششات يا الذيب وش علينا من غزة