15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متواصل
اخواني اعضاء مكشات الغاليين على قلبي بغيت استفسر منك على فياض الصمان
انا ماعندي قارمن وبغيت استفسر منك عن هل فيه فياض حول الطريق اخاف ندخل واجد ثم نضيع ويلا عاد حله
ابي الفياض اللي تكون زينه ربيعه وقريبه من الخط وش اسمه وابي توصيفه الله لايهينكم ولا يوريكم مكروه
وشو افضل طريق للصمان
وكان عندكم فياض غير الصمان وربيعه يفتح النفس قولولي ياسنايدي
مكشاتي متقدم
اذا انت بالرياض هذا تقريبا اسهل واقرب وصف وفيه فياض يحبها قلبك ومن ضمنه فيضة ام المصران
طبعا تطلع من الرياض - طريق الشرقيه - مفرق رماح - 100 كيلو بتجيك روضة خريم ... تخليها وتكمل
50 كيلو تقريبا تجيك الرمحيه وبعدها رماح كمل طريقه حتى تجيك ديره اسمها العمانيه ... وبعد مفرق العمانيه
ب 10 كيلو تقريبا تقاطعك عواميد الكهرب ... اطلع معها يمين علما ان الخط مسحيه ( غير مسفلت )
تمشي تقريبا 15 كيلو حتى يجيك تقاطع مسحية ثانيه ... كمل طريقه كمان 35 كيلو بالضبط ... يبي يجيك
على اليمين فيضه وااااضحه ومليانه كشاته ... اذا شفت هالفيضه التفت يسارك تبي تشوف خطوط ( جادات )
تدخل يسار مع هالخطوط ... كذا انت دخلت الصمان عن حق وحقيقه ... عاد تمسك هالجادات وكل شوي
تبي تجيك فيضه ... طبعا فيضة ام المصران تجيك بعد مسافة 16 كيلو تقريبا بعد ما تدخل ...
اذا تبي نصيحتي كمل وتعدا امر المصران علشان تبعد شوي عن الناس ... وتبي تلقى خيييييير ماشاء الله
انا الاسبوع الماضي هناك ... صراحه كنك في ملعب مزروع
وما يحتاج قارمن ولا شي ... اذا تبي تطلع ارجع مع نفس طريقك وامسك اي جاده وتبي تشوف عواميد
الكهرباء توجه لمها وامسك المسحيه الي جيت منها ,,,
اتمنى يكون شرحي واضح ... علما ان هذا الطريق من اقرب الطرق للي يبي يطلع من الرياض ...
والمنقطع الي وصفتلك اياها هي تعتبر شرق الصمان ... وهي الافضل هالأيام
اي استفسارات اخرى تراني حاااااضر
تحياتي وبالتوفيق ان شاء الله
سبحان الله وبحمده سبحان الله العيظم
انا مانيب مشرك ولا فاسق ولا عربيد ... انا الي لا عصى واخطا تجهم واقلقه ثوبه
أنا عبدك ولد عبدك وجداني هل التوحيد ... خطاياي اخجلتني يالله الغفران والتوبه
مكشاتي متواصل
اشكرك يالغالي ياحبيلك
بس عمدان الكهرباء واضحه قبل 20 كيلو ماتوقع بس اكيد مافي ضياعان
وش اسمه الفيضه اللي تجيك علي يمينك اول شي المليانه كشاته
مكشاتي
اخوي انا قررت امشي بكره الفجر باذن الله
بس عندي سوال سيارتي كامري تدخل الصمان والا نفود
مكشاتي برونزي
يا ناس نصيحه لوجه الله اللى ما معه سيارة بر و قارمن لا لا يروح للصمان ...
يروح للتنهات والا روضة خريم احسن له الف مره من الصمان
مكشاتي متواصل
الصمان مضيعة
لا يوجد جبال او معالم تهتدي بها
*****الدعصهو الاسم الفصيح في لغتنا العربية لـ [الطعس ]
مكشاتي متواصل
يلا وين ذيابة الصمان
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس