............لاصحاب الباترول

[ولد الدلم]

انا عندي باترول م 95 عادي
المهم انه فيه عله ما لقيت لها حل .... اتمنى انكم تساعدوني
أو تدلوني على ورشة تنصحون فيها..


السيارة ما تشكو من كتمة أو من هالقبيل بس فيها مشكلة انها مع التطعيس والطلعة والنزلة تطفى ... ولا تشتغل الا بعد محاولات كثيرة لدرجة انه يصيبك اليأس منها

وما ادري وش السبب..
سألت وقالوا انه من البنزين ورحت غيرت الصفاية ونظفت التانكي وفحصت الطرمبة والليات كلها تمام

مع العلم اني مركب في السيارة في الشهرين الماضية بواجي واسلاك بواجي جديد ومركب كويل رياضي بس بدون ثلاجة(ما أدري وش الثلاجة بس سمعت عنها) وسويت اصلاح للديلكو والبلاتين...

افيدونا جزاكم الله خير.


كل عام وانت بخير

[aljthab]

اقرب مالها مشكلة بنزين جرب تستعير كلبليتر من احد وتشوف المشكلة تستمر او لا
وفشل المحاولات لتشغيل نتيجة ماذا ؟مشرق الموتر او مايوصلة بنزين
تاكد وقت حدوثة هل هي تشريقة او مافي بنزين
عشان بس نضيق حدود المشكلة ونعرف من وين بعدين
ننتظر ردك وننتظر مداخلات الشباب
تحياتي
وعيدك مبارك

[ولد الدلم]

اقرب مالها مشكلة بنزين جرب تستعير كلبليتر من احد وتشوف المشكلة تستمر او لا
وفشل المحاولات لتشغيل نتيجة ماذا ؟مشرق الموتر او مايوصلة بنزين
تاكد وقت حدوثة هل هي تشريقة او مافي بنزين
عشان بس نضيق حدود المشكلة ونعرف من وين بعدين
ننتظر ردك وننتظر مداخلات الشباب
تحياتي
وعيدك مبارك

من ناحية تشريق البنزين... اصلا هو اذا طفى ما يعطي اي علامة انه بيشتغل الا بعد محاولات كثيره وبعد ما أشرق أكثر من مرة ... وطبعا يطلع منه كربون كثير ( للعلم انه ما يشتغل الا بعد محاولات كثيره لدرجة اني اخاف على السلف يحترق)

بعدين لاحظ انه ما يطفى الا بعد نزله أو طلعه قوية؟؟؟؟


حيرني هالموتر

[غربي هواوي]

اقرب شيء لها كلبليتر
لانك في الطلوع تدعس بنزين زيادة
وفي النزول يكون البنزين الداخل الي الكلبليتر اكثر من حاجتة لان السيارة تكون في حالة حدور

فأعتقد مشكلتك في الكلبليتر
انا مو مكانيكي لكن تقريبا تحليل لحالة سيارتك ههههههههههه
شكرا

[ولد الدلم]

اقرب شيء لها كلبليتر
لانك في الطلوع تدعس بنزين زيادة
وفي النزول يكون البنزين الداخل الي الكلبليتر اكثر من حاجتة لان السيارة تكون في حالة حدور

فأعتقد مشكلتك في الكلبليتر
انا مو مكانيكي لكن تقريبا تحليل لحالة سيارتك ههههههههههه
شكرا

مشكور اخوي بس الكلبليتر ما أقولك اني فحصته بس الميكانيكيين اللي مريت عليهم قالوا ما له علاقة..

لكن الظاهر اني بسوي له اصلاح

[ولد الدلم]

...وين اهل الخبر ؟؟؟

المشاهدات 52 والردود 4 بس

[عاشق الكاسر]

مشكور يالغالي

[شاص2007]

اتوقع انها الطرمبه حقت البنزين

[ولد الدلم]

اتوقع انها الطرمبه حقت البنزين

الطرمبة عندي شغالة بس المشكلة كيف اعرف انها ضعيفة والا قوية ... مع العلم انها ميكانيكية

[abo abd allh]

اتوقع ان الطرمبه ضعيفه

[ولد الدلم]

جزاكم الله خير


ما فيه احد صادفته نفس المشكلة يفيدني!!!!

[المميـز]

طرمبة البنزين تقدر تفحصها ولكن لازم تفكها عند واحد

مختص ويكون عنده مكينة تفحص قوة الطرميه

والكلبليتر تقول ان الميكانيكيين استبعدوه !!

طيب وحساس الهواء وش قالوا لك عنه ؟؟؟

ممكن تكون المشكله منه والله أعلم

ولكن لو تصل على الكهربائي ابو ابراهيم العثيم يفيدك بمشاكل مثل هذي مايقصر
0554889118

اذا مارد عليك ارسله رساله وفيها وصف مشكلة موترك ويبي يرد عليك ان شاء الله

ورشة العثيم في بريدة



والله يكون في عونك

[المجمعة عشق]

هلا بالزمل <<<<<معه اخو الموتر



حبيب قلبي اللي فهمته موترك كلبليتر



اخوي اجدع طرمبة البنزين الكهرب وركب طرمبه عادية وارتح من وجع الراس لان خرابات طرمبة الكهرب واجد وتبي تعلعلك



هذا والله اعلم وصلى الله على نبينا محمد

[ولد الدلم]

هلا بالزمل <<<<<معه اخو الموتر



حبيب قلبي اللي فهمته موترك كلبليتر



اخوي اجدع طرمبة البنزين الكهرب وركب طرمبه عادية وارتح من وجع الراس لان خرابات طرمبة الكهرب واجد وتبي تعلعلك



هذا والله اعلم وصلى الله على نبينا محمد

طرمبة الموتر مهيب كهرب

ومشكور على المشاركة
ولا يهونون البقية

[ولد الدلم]

المشكلة الاكبر ان اصحاب الورش والميكانيكيين ماحاولوا يفحصون السيارة !!

وكلهم يعتذرون والسبب ان السيارة اذا رحت الورشة ما تعاني من مشكلة والكل يستغرب العلة...

عشان كذا انا عرضت الحالة في المنتدى عشان يمكن القى واحد صادفته نفس المشكلة او قريب منها يقدر يفيدني..

ولا يهونون اصحاب الخبرة