نيسان باترول 2010 معلومات اكيدهـ عن الموتر ,, ويبقى الباترول كنق الصحاري

[قرم العيال]

بسم الله الرحمن الرحيم

السلام عليكم

هذي ردود مقتبسه من احد الاداريين باحد المنتديات

المتخصصه بالنيسان

والرجال ثقه وكلامه كله صح

وله معرفه بشركه المسعود بالامارات (( وكيل نيسان بأبو ظبي ))

وبعد انتشار الصور

صار يعطي معلومات عن الموتر

اولا صور الموتر










شوووف الفخااااااااامه



ثانيا ردود الرجال

والمعلومات صحيحه 100 %

والوعد الموتر إذا نزل

هذا بالنسبة لي أفضل شكل للباترول وأفخم شكل .. ولو أنت كنت حاضر في الصالة

قدامة مابتقول هالكلام فالباترول الجديد فيه لمسة جمالية لأبعد الحدود وأترك عنك الأشكال

الصندوقية الفتكاوية ولابد للشاب أن يكبر وأن يترك الفتك ولعبه المستمر بالتواير (البالونات) ال900

في حالها ولا يخرب الموتر ويخليه يتف ليل نهار .. (حتى هذا تقدر تركب عليه بوالين يعني تواير 900)

اللهم لك الحمد والشكر على إرسالك لنا هذا الباترول الأكثر من رائع لأامثالنا نحن الرجال وليس

المراهقين ..الباترول الجديد موجهة لشريحة كبيرة من الناس ولجميع الأعمار .. ويوجد منه فئات ..

إللي يريد البر ماله إلى هذا الباترول لأنه وبكل أسف مسح أي شي أسمه فتك في البر وبمستوى

قياسي في الصيف لفائت لأن الأرتفاع والخلوص والزوايا أكثر مدروسة عن الفتك الحالي .. , وإذا

أنت شديد في البر أو ساكن في البر خذلك إللي تايره فوق وليس تحت .

هذا الباترول دمار شامل من حيث القوة والفخامة والشكل ..

الباترول مايشبه أي أحد ولكن الحجم والمقاييس متقاربة للاند لذلك نرى وجه التشابه القليل بينهما ..

الأنفينيتي هي نيسان في الأساس . بس المهم نحن أصحاب الباترول أصبح عندنا باترول

أقوى وأفخم من اللاند حتى لو ركبوا عليه المحرك ال5,7 سيضل الباترول هو المسيطر للعشر سنوات الأخرى ^_^

متفوقين من ناحية المحرك والقير والتعليق التقليدي كما عهدناه والفخامة الطاغية.

تحياتـــي لكل محب للباترول القوي والجديد كلياً .

رد اخر

أحترم رائيك الشخصي ..
الحمدلله بخير الله يسلمك .. الباترول معروف ياخي الكريم وأنا عندي باترول القديم موديل 1983
وعندي ال2007 وأنا عارف شو معنى باترول ومسافر مرتين اليابان بدعوى من المصنع في عام 2006
وفي عام 2007 .. ومايحتاي أي تفسير . الباترول متانه وقوة بس مايقدر يضل على نفس المحرك
والقير والشكل القديم ولو كان هذا في جدول المصنعين ماتجهت التويوتا من عام 1998 إلى الISF
التعليق المستقل لكل العجلات الأمامية .. وتجاهلة مطالب عشاقها بالإحتفاظ لنظام الدفريشن
وأتجهت منحى أخر !! وشوف وش صاير معاها عسل في المبيعات مع إنها لم تلبي متطلبات
عملائها في الشرق الأوسط عدا تلك الدول الأفريقية المعدودة .. ولكن نيسان يا أخي الكريم لبت
متطلباتنا ومن أهمها أن تستمر على نفس التعليق الحالي ونظام الدفريشن الأمامي Live Axle
كما هو في الفتك بل أصلب منه لوجود محرك أكبر وأقوى بحكم الوزن طبعاً .. مع محرك حديث جبار
من 8 أسطوانات (لاتقولي الشباب وش لهم في السرعة والقوة) لا يالغالي تلقاهم يدورون وين
يكون مصدر القوة من الهدرز ومن الهيد للمحرك والفلاتر وأشياء أخرى الكل يعرفها .. المهم هم أحرار
فيما يمتلكون ونقطة حديثي كانت تدور في قوة الباترول مع منافسة اللاند واللكزس التي تحمل
نفس المحرك من ناحية الحجم .. يعني ياجماعة الخير نحن نطلب أشياء من نيسان ونترجاها بأن
ماترتكب أخطاء التويوتا وبعدين تروح نيسان تكافئنا باللي طلبناه من أنظمة وشاصي ولكن حبت
تهديكم سر المحرك الجديد على الباترول وقعدوا الشباب يسبون ويحقرون الشركة .. ياخي نحن مانتدخل
في شكل الباترول بتاتاً نحن أدينا المهمة إللي كانت مسلطة على رقابنا على أكمل وجهة والله
على ما أقول شهيد .. لا علاقة لنا في الشكل .. الشكل الحالي وأنا رجل أقتربت من الأربعين قد
أرى في هذا الأفضل والأنسب لي وقد ترى أنت في القادم الأخر ذو الأسبير فوق هو الأنسب لك ..
أنتوا علقتوا على الكامل الفل واللي هو تاير الأسبير الإحتياطي تحت وهذا هو أول توجهة لنيسان
لتقديم لنا تاير الأسبير تحت لفئة معينة من الناس .. يعني شوف عندك شباب قطر والسعودية وحتى
عندنا نحن هنا ياخذ الأستاندر الحالي من تويوتا أقصد الكبير (المفخرة) ويصيخونه بصيخ (أريل) مع
تواير تسعمية 900 وحركات قدروا يأقلمون أنفسهم وثق أخي الكريم الشباب مثل ماكان الوضع مع
التويوتا بيكون الوضع مع الباترول الجديد ذو التاير الخلفي فوق نفس اللاند .. في فئة تاير سبير فوق يا أخي الكريم .
بخصوص سيارة الأجداد والشيوخ الله يذكرهم بالخير كانت غير يا أخي الكريم لها هيبتها ولكن في
رائي الشخصي الفتك الحالي صدوا عنه معضم وليس الكل لكن الأكثرية من الرجال ذو الأعمار
الكبيرة نسبياً ..
أعطوا الشركة حقها في ما أنجزته لنا .. شوفوا الإيجابيات فهي الطاغية والأكثر وهي المطلوبة منا
نحن وكنا نتمنى أن لاتختفي وهاهي تعود بأكثر صلابة ومتانة مع قوة ومحرك جديد رائع وخيارات
رائعة في القيور ^_^.. الشكل أنتوا ترون ولأول مرة في التاريخ باترول بشنطة خلفية لهذا
الأستغراب والأستهجان الكبير .. إذا مش عاجبكم بوشنطة خلفية أتجهوا ياجماعة حق إللي بو
أسبير فوق وأنا أجزم أن أهل البر سيتجهون لهالخيار مع أنه نيسان تداركت أمور كثيرة حتى في إللي
سبيره تحت مثل أرجعو للصور وسوا تكبير وشوف الزوايا والأرتفاعات والخلوص ولو حتى أنه الأسبير
تحت لكن ما شاء الله عليهم ولا يبين من تحت ما شاء الله على نيسان رافعين التاير
لأقصى حد .. ياخي هذه الشركة هندسة .
تحياتـــــــــي للجميع ,, أدخلو على موقع تويوتا الأكثرية تمدح ماتذم عكسكم تماماً rown:

رد

اخر

وبخصوص المواقع الإسترالية والأجنبية .. كانوا فاهمين غلط بصراحة وماكانوا معتقدين
أن الباترول سيضل بدفريشن 2 بل في واحد من الأخوان وهو أيضاً عضو هنا في هذا المنتدى
عطاهم معلومة مغلوطة ورجع وصلحها لهم من بعد ما قراء ردودي ..
والسلام يا أخواني .

[ABO AL-HESH]

مشكور اخوي هاوي الرس .. وخلاصت الموضوع انه الاقوى من فئته والافخم والارخص.... ونضام دفرنسات ..ويجي اسبير علاق وقيمة الفل 230 الف ..الصراحه كثر خيرهم اذا كان الكزس ب360 الف ؟؟؟اشوف سعر الباترول مناسب

[قرم العيال]

::
هلا ابن عمي

ترى اسمي قرم العيال

ما هب هاوي ,, هذا خلاص ,, ههههههه

[بو خليفه]

شكله فضيع لأنه من بعد تحس عند النظر جيب أوروبي ديسكفري Lr3 و من الامام كأنه ارمادا أو باجيرو لكن شكله فضيع وأفضل من اللاندكروزر

[الحــ سعود ــربي]

من وجهة نظري ان الشكل مسكت حقيقه

ولكن الكلام على السعر وهنا مربط الفرس

شكرآ لك

[الجندي2005]

يعني ما زال دفرنس قدام ؟

اذا كان كذلك ليش شكلة نازل من الأمام مقارنة بالموديل السابق ،،،،،،،،,,,,,,,,,,

[الوايلي...501]

ماشاء الله فخامه من داخل وسعره مناسب

[قرم العيال]

اخوي الجندي 2005

ايه ما زال دفرنسات قدام و وراء

تحس انه نازل لانه الصدام كبير شوي

وكلام الرجال ثقه وانا اضمنه

[rescol]

ياشيب عينيييييييييييييييييييييييييييييييييي عليه

يالله ياكريم انك ترزقن بواحدن مثله وترزق كل من تمناه من اخواني المسلمين عااامة يااااااااااااااااااااااااالله ياربي

[Abu Saad]

يعني ما زال دفرنس قدام ؟

اذا كان كذلك ليش شكلة نازل من الأمام مقارنة بالموديل السابق ،،،،،،،،,,,,,,,,,,

اي نعم دفرنس قدام وبخصوص شكله نازل بقولك ليه انت توقعت كذا :

اولا :زاوية التصوير غبية في الصورة الاولى وتوحي بالنزول لاكن لوتدقق اكثر وتشوف المسافة العلوية بين اعلى الكفر الامامي والرفرف لوجدته رفيع .
ثانيا: لاحض في الصورة الفرشة اللي تحت السيارة(ام عقدة ) متصفطة قدم الكفرات وتوحي بالنزول يعني خدعة بصرية وهذا الكلام في اول صورة
ثالثا : طال عمرك الموتر مرتفع من قدام لكن من ورى ارفع شوي ان لم يكون موازي للمقدمة دقق في الصورة الثانية وبتلاحظ ان الموتر بعيد فعلا عن الارض . والاحلى من هذا كله ان الاسبير تحت وكأنه غير موجود رافعينه صح انظر الصورة الثانية ماتشوف سبير ابدااا.
رابعا: الكفرات مقاسها واطي شوي يبدو ان الجنط 18 والله اعلم.
خامسا : دقق في الصورة الاولى وبالتحديد في اسفل الصدام من الوسط تحت اللوحة مباشرة وبتلاحظ رفع الموتر لكن من النظر والوهلة الاولى تتوهم انه نازل لان الضلال الاسود في الارض شبه مشتبك مع الصدام.

الا ياشباب وعلى طاري السعر هل تعلمون ان السوبر سفاري 1998 اول مانزل كان سعره 190 الف (كان الذاكرة ماخانتني)!! مع انه مافيه اي ميزة فخامة تذكر ومحركه 4500 بخاخ حق 97 الاول ..
وعلى طاري الي يقولون انه يشبه اللاند ، الباترول اول ماتغير شكله عام 1998 قالو نسخه مثل اللاند الاول يقصدون 97 وتحت الى درجة طلعت اشاعة ذاك الوقت يقولون انهم شارين التصميم من تايوتا !!!


عموما في انتظار الفئآت والمواصفات والاسعار ...
وبالتوفيق.

[قرم العيال]

ياشيب عينيييييييييييييييييييييييييييييييييي عليه

يالله ياكريم انك ترزقن بواحدن مثله وترزق كل من تمناه من اخواني المسلمين عااامة يااااااااااااااااااااااااالله ياربي

يا كريم

انك تزقنا واحدا مثله

وترزق اخونا rescol مثله

[الجندي2005]

اي نعم دفرنس قدام وبخصوص شكله نازل بقولك ليه انت توقعت كذا :

اولا :زاوية التصوير غبية في الصورة الاولى وتوحي بالنزول لاكن لوتدقق اكثر وتشوف المسافة العلوية بين اعلى الكفر الامامي والرفرف لوجدته رفيع .
ثانيا: لاحض في الصورة الفرشة اللي تحت السيارة(ام عقدة ) متصفطة قدم الكفرات وتوحي بالنزول يعني خدعة بصرية وهذا الكلام في اول صورة
ثالثا : طال عمرك الموتر مرتفع من قدام لكن من ورى ارفع شوي ان لم يكون موازي للمقدمة دقق في الصورة الثانية وبتلاحظ ان الموتر بعيد فعلا عن الارض . والاحلى من هذا كله ان الاسبير تحت وكأنه غير موجود رافعينه صح انظر الصورة الثانية ماتشوف سبير ابدااا.
رابعا: الكفرات مقاسها واطي شوي يبدو ان الجنط 18 والله اعلم.
خامسا : دقق في الصورة الاولى وبالتحديد في اسفل الصدام من الوسط تحت اللوحة مباشرة وبتلاحظ رفع الموتر لكن من النظر والوهلة الاولى تتوهم انه نازل لان الضلال الاسود في الارض شبه مشتبك مع الصدام.

الا ياشباب وعلى طاري السعر هل تعلمون ان السوبر سفاري 1998 اول مانزل كان سعره 190 الف (كان الذاكرة ماخانتني)!! مع انه مافيه اي ميزة فخامة تذكر ومحركه 4500 بخاخ حق 97 الاول ..
وعلى طاري الي يقولون انه يشبه اللاند ، الباترول اول ماتغير شكله عام 1998 قالو نسخه مثل اللاند الاول يقصدون 97 وتحت الى درجة طلعت اشاعة ذاك الوقت يقولون انهم شارين التصميم من تايوتا !!!


عموما في انتظار الفئآت والمواصفات والاسعار ...
وبالتوفيق.

سلمت يالذيب ,,,,,,,,,,,,,,,,,,,,,,,,,,,,,
اذا كان دفرنس ممكن قبوله لحين مت نشوفه على الطبيعة

[المعدال]

بارك الله فيك موديل جميل (واخيرا) غيروا الباب الخلفي هذا يكفي
الله يفكنا من وكيله

[نمر مكشات]

اخوي قرم العيال
مشكور على النقل
وهالموتر اللي فالصورة
شكلة ارمادا الجديد
وليس الفتك (طير شلوى)
هذا حسب رأيي
استنادا على الشكل
شكلة قريب من الارمادا
وبعدين الارمادا ما تغير ابد من نزل تقريبا 2005
وكلامي هذا ليس تكذيبا لك حاشا لله
ولاكن ياخبر بفلوس بكرا ببلاش
تحياتي و ارجو ان تتقبل وجهة نظري

[أبو أديب التميمي]

الجيب اللي يدخل فيه الكترونيات دقيقة بالحيل ما ينفع أبد!