ابي شوركم محتار بين سيارتين

[شموخ السلاطين]

الله يسعد لي صباحكم / مساكم

ما اطول عليكم الله يحفظكم



بس ابي اشتري لي سياره ومحتار

بين يوكن دينالي فل اوبشن صغير مو إكس لارج

وبين لاند كروزر جي اكس آر 8 سلندر او 6 سلندر
جير اتوماتيك

كلهم 2009
......

ابي شوركم

مع ذكر السبب..


وبكون لكم شاكر

[بيبسي]

اول انصحك بالانتظار
الشي الثاني اللاند افضل اذا كان 8 سلندر لانه اقوى ويمسك سعره اكثر خصوصا في الوضع الحالي لجنرال موتورز

[الربع الغالي]

اول من ناحية البيع اليوكون الصغير أفضل واحسن شكل من الكبير
الكبير إذا كانت عائلتك واجدين بس وتبي السعة للعيال

اللاندكروزر v8 افضل فالبر والطريق والعزم (والبيع مهوب أفضل من v6)الستة افضل فالبيع
وانشاء الله اني افدتك

[شموخ السلاطين]

الله يعطيكم العافيه على ردودكم الوافيه اخواني

بس انا ما افكر في البيع وأدور اللي يشد معي سواء في البر او في البلد


وكم سعر الـ جي اكس آر 6 سلندر الفل والـ8 سلندر الفل اوبشن برضه
و هل خطوطهم الجانبيه تختلف؟

[طالب هدد]

الجي اكس ولا تشاوره يابطل


بالتوفيق

[صنقل]

اليوكن الدينالي أفخم وأرسى وأوسع .. والله يكتب لك مافيه الخير

[شقران نجد]

الجي اكس ار الثمانيه رقم 3 بدون خطوط وانت مغمض يا زعيم من واقع تجربه موتر فخم بمعنى الكلمه .......

شيخ ومركب واستخدام وشيك عند البيع

اتمنى لك التوفيق

[الناهسي511]

انا انصحك ب اللاند كروزر....ليش؟؟ لان المثل يقول اشتر تبيع..؟

[جب هآت ود عط]

والله بيني وبينك اذا كنت حق بر الاند كروزر بس ما انصحك فيه ؟ لانه يبلشكــ في الاماكن الوعره والا هو ما شا الله موتر ؟؟ بس ما يغطي علا الفتك الي هو الباترول وهايلكس اممممممم

[فتك 2003]

خذ الشيك الي في جيبك وانت مغمض
طبعا الاندكروزر

[L I M I T E D]

اليوكون دينالي
يتمتع بفخامه داخليه
العزل الصوتي فيه مختلف عن الموجود في اليوكون العادي
محرك جبّار وقير بـ 6 سرعات
يعيبه ان الدبل اوتو يعني يشبك ويفصل من نفسه


الاندكروزر :
سياره شعبيه غنيه عن التعريف
سعر اعاده بيع ممتاز
فخامه داخليه ممتازه
مخصص للبر اكثر من الدينالي حيث يتوفر بـ ( ونش ودفلك )


بإختصار انت شخص قليل جداً في طلعات البر
تبحث عن سياره مدينه + خطوط الدينالي حل مناسب

انت شخص تحب طلعات البر باستمرار وسياره متماسكه
على الخطوط الترابيه وسعر اعاده بيع ممتاز الاندكروزر حل مناسب

عليك ان لا تستعجل بالشراء فيه احتماليه بنزول الاسعار

[بندر خلف]

فخامه دينالي مايمسك سعره يطيح بسرعه
يمسك سعره الاند اذا بغيت تغير موتر تبيعه يجيبلك نفس السعر انشالله

[مساير الليل]

آخوي إذا كنت مستعجل أنصحك بالاندكروزر أفضل بكثير

ولا أنتظر الباترول 2010 الصراحه شكل خيااااااال

[H I T L E R]

عزيزي
أنصحك بالجمس دينالي إذا أنت مو راعي بر واجد لانه أفضل من الكروزر في ( الشكل,القوه الحصانيه 441 حصان, الداخليه, للسفر اريح , اوسع من الكروزر)

وأما الكروزر أذا انت راعي بر هو أفضل لك
(يمسك السعر , افضل في الرمل , أقل في البنزين , التكييف أفضل , ثلاجه موجوده )

وانت لك الخيار
والله يوفقك

[H5N1]

اخوي لاتستعجل
انتظر نزول الأسعاراللي إلى الآن مولعة نار

وفقنا الله وإياكم لمايحب من الأقوال والأفعال ..... آمين