اضافة تحسين على كبوت الشاص 2008

[زرود538]

لمن يصعب عليه رفع كبوت الشاص فيه طريقة بسيطة سويتها انا بنفسي
بس تحتاج بستمين رفع والصورة توضح ذلك

[لن أمل من العطاء]

ما شاء الله عليك

شغل وكالات

[ابن عكاش]

وشلون صلحتها يالغالي

[ملاحق السيول]

سو شرح زرود وجزاك الله خير

[كاشت وحداني]

ماقصرت الله يعطيك العافيه
على افادة الشباب
واللي يبون شرح اعتقد الصورة تكفي
بستمين اظن الواحد ب90 ريال وكاله
وركب وانت ماشي .

[بدوي جنوبي]

اللي يتضح في الصورة باللون الاحمر
ان مكان البستم في نفس البدي منفوخ يعني جاهز للتركيب
معقولة للدرجة هذي ما يركبون بستم رفع ؟




شكرا لك يا زرود

[زرود538]

مشكورين على الردود وابشروا بالشرح :
بالنسبة للبدي جاهز ما عدا الجهة اليسرى تحتاج تدبيل من 3-4 ورد في نفس مسمار البستم وانزال علبة فيوز صغيرة تحت قليلا
اما الكبوت يحتاج مبسط (قطعة حديد) عرضها 2سم وطولها 12سم تقريبا وتكون سميكة من شان تضع فيها ثلاث فتحات الاولى والثالثة تسننها على مسمار مقاس 10 والوسطى على مقاس مسمار البستم وتخرم الكبوت ايضا
ثلاث فتحات اوسع من فتحات القطعة المسننة ثم تضع القطعة مع احد فتحات الكبوت بواسطة سلك حتى توافق مع فتحات الكبوت الثلاثة وتقوم بشد الاولى والثالثة على الكبوت حتى تكون تقوية للكبوت
بعد ذلك تثبت مسمار البستم بالفتحة الوسطى..
وبالتوفيق

[مفتاح الفرج]

هذا اللي يقهرك في تويوتا


سيارات بذيك القيمة وما فيها اتفه الكماليات مثل رافع الكبوت

و اهم المهمات مثل مثبت السرعة

و السعر فوق الــ 100.000 ريال


و الله حرام









ذكرتني بموتري الأول ... حاط عصى مكنسة فوق الرفرف من عند المكينة و رابطه بحبل



..

[مكشاتي كوكتيل]

فكرة حلوة لكن ليتك تضع صور أكثر ومقربة للفواصل وأماكن تثبيت البستم

[زرود538]

لمن يصعب عليه رفع كبوت الشاص فيه طريقة بسيطة سويتها انا بنفسي
بس تحتاج بستمين رفع والصورة توضح ذلك

تجديدلموضوعي السابق

[سعد 100]

بارك الله فيك فكرة رائعة، لكن لا هنت سويتها في ورشة والا وين واذا في الرياض لا تبخل علينا باسم الورشة لانها تصلح للسيارات اللي ما فيها مساعدات لغطاء المحرك ..