كاشت ومسرع ليه وش معجلك......روووق وهدي اللعب

[شاقي القميري]

بسم الله الرحمن الرحيم
اخواني
لا أملك الكثير من الإمكانيات لعمل موضوع يفيد الجميع ولكن ابت علي نفسي إلا أن اثير نقاش في هذا الموضوع لأنه بلا شك موضوع مهم وأتمنى مشاركة جميع اخواني الأعضا ء فيه
وهو السرعه عموما وفي الطرقات وفي الردميات مما يسبب الكثير من الحوادث المؤلمه ( وش معجلك ياخوي أنت كاشت بتنبسط وتريح بالك من الضغوط و المشاكل ودوخت الديره وتستمتع بهدوء البريه) أليس كذلك...
وأرجو ممن عنده صور لحوادث في الردميات أو ماشابه للعظه والعبره وشاكر لكم مروركم ومشاركاتكم مقدمآ

[شاقي القميري]

غريبه الموضوع بيكمل شهر ومافيه مشاركات وش السالفه مزعول علي وإلا الموضوع مو مهم

[سهيل تميم]

موضوع مهم الصراحه

دايم يزعجنا الي يسرع بطرق الردمية وخاصه لامر من جنبك او قريب منك .. ماتقدر تشوف شي من العجه..

وبعض الناس يسرع بالردمية علشان مايحس بالمطبات (المطناج) لأنها مزعجه

وشاكرلك على الموضوع

[NOYEB]

كلامك صحيح اخوي شاقي القميري
بعض الشباب هداهم الله يسرع بالسيارة وكأنه ملحوق او بينقص رزقه ...الحمد لله ارض الله واسعة والخير واجد
والكشته هي تمشي وعلى الراحه والسعه ماهي بمسابق

شكرا

[العريني1]

كلام في الصميم....البعض كأنه ملحوق ..
انا من الناس اللي صار علي حادث انقلاب بالبر
بس كنت راكب..... والسبب السرعة...

[جبل احد88]

انا اشوف ان التسرع من زود الطفاقه

على قول الشاعر:

القنص بالركاده والتسرع جهاله

[wrs3975]

غريبه الموضوع بيكمل شهر ومافيه مشاركات وش السالفه مزعول علي وإلا الموضوع مو مهم

موضوعك أخوي شاقي القميري في غاية الأهمية وجزاك الله خير على طرحه ... وكثيراً مانشاهد حوادث قاتلة ضحيتها شباب والأسباب تافهة جداً .... أكرر شكري لك وللجميع

[نواف777]

والله أخوي الموضوع كبير ومهم للغاية
وعلى طاريها ابقولكم قصة على لسان ولد خالتي

كنا نتمشى أنا والعائلة في بران بريده (سفاري 97)
وشوي ويجي ذاك الددتسن ويكوح علينا الرمال انا وبزاريني والله لا يوريك الظغط صار ألف
وانحاش الماخوذ
راحت السالفه وراح الضغط ونسيت السالفه الا واشوفه متكي الرجال وشاب ضوه ومركب الشاهي
واروح واوقف قدامه دايركت وفرامل وازره بالاول وعينك ماتشوف الا الدفان هو وجلسته

عشان يصر له درس ويراعي ويحترم العوائل

وسلامتكم

[حق الفيتو]

موضوعك جا ع الجرح





والله يا فية مواقف عن السرعه

اذكر واحد مرة بيخيم ومستانس المهم وهو بالخط طاير لعل السرية لقطوح وخيم بالحجز

[الخالدي11]

والله أخوي الموضوع كبير ومهم للغاية
وعلى طاريها ابقولكم قصة على لسان ولد خالتي

كنا نتمشى أنا والعائلة في بران بريده (سفاري 97)
وشوي ويجي ذاك الددتسن ويكوح علينا الرمال انا وبزاريني والله لا يوريك الظغط صار ألف
وانحاش الماخوذ
راحت السالفه وراح الضغط ونسيت السالفه الا واشوفه متكي الرجال وشاب ضوه ومركب الشاهي
واروح واوقف قدامه دايركت وفرامل وازره بالاول وعينك ماتشوف الا الدفان هو وجلسته

عشان يصر له درس ويراعي ويحترم العوائل

وسلامتكم

هههههههههههههههههههههههه
والله الي أقدى فيه

[زحلطن]

الله يحفظ الجميع,,,,,,,,,,,,, يارب

[برق بريده]

والله أخوي الموضوع كبير ومهم للغاية
وعلى طاريها ابقولكم قصة على لسان ولد خالتي

كنا نتمشى أنا والعائلة في بران بريده (سفاري 97)
وشوي ويجي ذاك الددتسن ويكوح علينا الرمال انا وبزاريني والله لا يوريك الظغط صار ألف
وانحاش الماخوذ
راحت السالفه وراح الضغط ونسيت السالفه الا واشوفه متكي الرجال وشاب ضوه ومركب الشاهي
واروح واوقف قدامه دايركت وفرامل وازره بالاول وعينك ماتشوف الا الدفان هو وجلسته

عشان يصر له درس ويراعي ويحترم العوائل

وسلامتكم

ههههههههههههه

بعد قلبي انت
احسن حل مع ها الاشكال مثل ما سويت

[sameer_1798]

صور من موضوع أخي أبو مروان من منتدى الرحلات ...








ولنشرح كيفية التعامل مع خطر سحابة الغبار هذه والقيادة في الطرق الترابية الممهدة

والقاعدة الذهبية هي : عدم القيادة أو السواقة بسرعة عالية (سرعة 60 كيلو متر أو أقل هي السرعة المثالية في مثل هذه الطرق)


عندما تكون خلف سيارة تطلق سحابة غبار



- لا تقود أو تسوق وتدخل بسيارتك سحابة الغبار

- بل كن بعيد عن سحابة الغبار التي أمامك بما مقدارة أربع ثواني أو أكثر




أما عندما تكون قادمة وفي إتجاهك سيارة تطلق سحابة غبار





خفف السرعة ، وخذ جانب الطريق البعيد عن الغبار ، وسق ببطء في خارج الطريق إذا كان ذلك ممكن ، أو في أقصى يمين الطريق

أما إن لم تتمكن من الرؤية الواضحة ، أوقف السيارة خارج الطريق ، وأنتبه من إي سيارة خلفك ، بعد يزول الغبار واصل مسيرتك


ندعو الله أن يجنبنا وأياكم أخطار الطريق وكوارثه

[إعصار]

كلامك عين العقل ..

الله يحفظنا واياكم وكل مسلم ..

[abuziyad3]

موضوع رائع

وفقكم الله