مطلوب طير يطلع وصايد الارنب

[عبدالله الضويان]

السلام عليكم ورحمة الله


اخواني ابي لي طير راكد مره وصايد الارنب ويهد مع السلق مايجفل منهن ويكون سنه ماهوكبير يعني بالكثير قرناس ثالث

وموقعي الرياض

ياليت اللي عنده يعطيني خبر

[عبدالله22]

عندي وكريه 14*14

طلاعه وطالبه حباري و صياده دجاج حبش و حمام وكرويين و ارانب

وراااااااكد مره الربع يسمون الطير الحمامه

وحااااار على العلف

بس الطير مالله عطاه في الشكل عطاه في الفعل بس

اذا لك نظر علمني

[عبدالله الضويان]

عندي وكريه 14*14

طلاعه وطالبه حباري و صياده دجاج حبش و حمام وكرويين و ارانب

وراااااااكد مره الربع يسمون الطير الحمامه

وحااااار على العلف

بس الطير مالله عطاه في الشكل عطاه في الفعل بس

اذا لك نظر علمني

لا والله ياخوي عبدالله ملي نظر فيها واللي يطرح لك فيها البركه

[عبدالله الضويان]

لا يزال الطلب جاري

[زيزوم الاكحل]

فيه طير بس انه قرناس خامس او سادس.

[ابرق آلريش]

الله يرزقك بطير الي في بالك

[alkreze]

الله يرزقك باللي تبيه

[عبدالله الضويان]

فيه طير بس انه قرناس خامس او سادس.

ليتك ياخوي تعطيني مواصفات الطير وهل هو يهد مع السلق والا لا

[زيزوم الاكحل]

ليتك ياخوي تعطيني مواصفات الطير وهل هو يهد مع السلق والا لا

نعم الطير يهد مع السلق وعز الله انه بيطربك بمقناص الارنب والكراوين الطير سبوق بالحبل وبعض الارانب مايثنيها عليها من اول طقه وهو كاسر ضهرها ويطلع طلعن زين يعني الارنب الي تشاوف مهيب رايحه .
والطير قطامي عرضه 17 وطوله 16وشوي وقنصتب الرمله اكثر من ثلاث مرات ...
والحبارى هد عليها طيار ويم طبت له حولت عليه غربان الرمله وقضبناها حيه ...ولكن ماقضبها الطير لحقها الين طبت وعقب نشها وحولت عليه الحوم..
وهذي صورة الطير

[عبدالله الضويان]

اخوي ليتك ترسل لي رقمك على الخاص

[طير الهقاوي]

بسم الله الرحمن الرحيم
عندي طير قرناس ثامن يطلع وراكد ويصيد الثلاث الحبارا والكروان والارنب ولونه اسود كحل
اما من ناحية انه يهد مع السلق والله انا مابعد هديناه مع سلق ولا نعرف لسلق لها اهلها
وسئل الله التوفيق

[ابرق آلريش]

زيوم الجبليه للبيع وكم مقاسها

[زيزوم الاكحل]

زيوم الجبليه للبيع وكم مقاسها

فداء رجيلك يا هاوي وتراها تعرض عمرها ولاهيب للبيع ....ومقاسها 14.5العرض والطول 13.5