مارأيكم في الفورد غمارة ونصف

[ع المسلم]

اريد شراء فورد غمارة ونصف4ْْx4 من موديل 2004 فاعلا كم سعره تقريبا
اشار علي اخ بالجمس افضل ماريكم جزاكم المولى خيرا

[فهد666]

الاخ العزيز الفورد افضل بمراحل من حيث الراحه والمتانه وقلة الاعطال,,,ولكن راح تتعب لانه قليل جدا ويمكن تجده في المنطقه الشرقيه ,,اما الاسعار 2004 و2005 من 50 الف حتى 65000 حسب النظافه والمواصفات(قير ارضي جلد فتحه,,,الخ)وباقي الموديلات من2006 واعلى خذ الفرق 5000 وانت طالع حسب النظافه والخليجي والامريكي يفرق السعر شي بسيط (لكن يعاب عليه قطع الغيارالمكانيكيه والكهربائيه غاليه شوي لكن السياره قليل طلبه لقطع الغيار ) والله يكتب اللي فيه خير لك

[H I T L E R]

الجمس و بس

[قطب 999]

ابوشنب والكل يرقد

[gmc vortec]

الموتر زين لكن يعيبه قليل الانتشار ولا السياره الاولى في امريكا
فلذلك انصحك بالجمس وبالتوفيق ان شاء الله

[النايف999]

الفورد شراه واحد اعرفه غماره ونص موديل 98 دبل بـ25000 والله يمدح فيه جلس معه ثلاث سنوات وعطاه اخوه الصغبر لعب فيه لعب وبالاخير باعوه بـ10 الاف
بس اهم شي القطع وش وضعها

[ابوحمد666]

هلافيك اخوي والله الموتر قمه ورائع وفيه متعة قياده وراحه فوق ما تتصور وخاصه الفل وصدقني لو تجربه ما راح تتخلى عنه,, لكن مشكلته انه قليل بالسوق
تحياتي لك

[R7al-85]

والله واحد من الجماعة معه ونيت فرد99 ويقول انه قطع الغيار ماتلقها
لكن الجديد ما اعلم عنه ياخوي

[تناهيت]

هلابك اخوي

خللك على شورة خويك وهداية اللة الجمس وبس كامل والكامل وجهه اللة الفرت متعب جدا انا سقت رام وما ارتحت فيه مثل الجمس خذ لك غمارة ونص سيرا وتوكل على الله وما خاب من استشار

تحياتي

[f1502000]

السلام عليكم اخوي انا عندي فورد f150 غماره ونص موديل 2000 استعمال امريكي استخدمته لمدة اربع سنوات تقريباً مريحني ولله الحمد طبعاً فيه فرق عن الغماره والنص اللي كان موجود بالسوق وارد توكيلات الجزيرة من حيث قوة المكينة وارتفاع السيارة ومقاس الجنوط فبالنسبة لقطع الغيار الحمدلله متوفرة بالسوق وعند الوكالة واسعارها يعني مرتفعة شوي وبالنسبه لسيارتي نفس قطع الاكسبدشن تقريباً ولكن ولله الحمد الأعطال قليلة جداً . اما بالنسبة لخدمته بالصحراء جربته في الدهناء مرات عديدة والنفود الكبير وبالشعبان ممتاز وما يعيبة الا احتكاك الهوك ببعظ الجروف القويه بسبب طول السيارة وزيادة الحموله .