ماهو السعر المناسب لهذه السيارة

[شتا]

بسم الله الرحمن الرحيم
عرضت علي سيارة يوكن موديل 2003
مواصفاتها كالتالي
دبل
حساسات
مثبت سرعه
مكينه كبيرة
طقم كفرات دنلوب جديد
استماره جديدة
يقول راعيها انها مواصفات خاصة
علما أنها وارد امريكا
ماهو السعر المناسب والتقريبي للسيارة ياأهل الخبرة

[ابن عكاش]

والله يالغالي إذا كان البدي نظيف يعني ماجاه رش ولا سمكره والممشى معقول سعرها المناسب من 50ألف إلى 55ألف ريال والله يكتب لك اللي فيه الخير
لكن انتبه من لعب المعارض في الطبلون سمعت ان اكثرهم يروحون للصناعيه عند واحد ينقص العداد

[نعتزبخدمتكم]

اخوي شتا اتوقع من الــ40 ال 55 بشرط النظافه
اتمنى لك اخير ولكل مسلم

[ابوسعودد]

الله يكتب لك اللي فيه خير

[شتا]

أشكركم على الردود والحقيقه ان صاحب السيارة يقول انه مشتريها في الصيفيه ومكلفه 65 الف والبيع بقيمة التكلفه وش رايكم اخذها ولالا وجزاكم الله خير

[تناهيت]

انا اشوف ان السعر غالي عليه قلة في الــ55 ممكن ان كانه نظيف ومشروط وتقريبا هذي اسعارة ولحد الستين اطلع معه ان كانك راغبه ولا عندك مشكلة في الزيادة ونفسك فيه وفوق كذا انا اقول غالي ..

تحياتي

[المستجيربالله]

الســـــــــــــــــــــــــلام عليكم

ولد اختي اشترى

يوكن 2003

من جده

بـ 43000

والسيارات في نزول

والله يكتب لك من عنده كل خير

[كشات السعودية]

الله يكتبلك الي فيه الخير.....

[ابولولو]

نصيحه انزل الصالات والمعارض واسئل بنفسك احسن

[عسير المنال]

ارى 53 طيبة