طيروحش ثنو مزيون سبق فارط صايد للبيع

[مطامر]

السلام عليكم ورحمة الله
اخواني الطير طيب وحبيت اعرضه للبيع لمن يدور طير مميزوالعلوم هي :
الطير سريع جدا يلحق حمام السوادي والزاجل ماجربته عمره ثنو يلعب الشلو لعب استعراضي
يهد على اي شي هديته على حبارى مرتفعه عازم لحقها كأنها واقفه وطقها بطريقه سريعه جدا اولها نزول يطقها وطلوع يطقها وهذا ماشاء الله من سرعته المهم النزول الثاني من فوق كسر جناحها وعلقها
الطير مثلوث مقاسه طول 15ونص عرض 16
وسره ومثايله مميز لراعي الصنف يختاره على التام وللعلم خساير الشباب كثيره من تحدي حمام
يجيبونه من البر
طلع لم احاو ل تطليعه ابدا بالبرقع مايكفخ ابدا الطير فارسي وهجر وما لقيت بجوالي غير صوره لنحره
وللعلم ظهره اقرب ما له جرودي وراح انزل له صور اذاجانا شراي صامل ويعرف سعر مثل هالطير
للعلم الطير يسام 14000 الف ريال وارجو ماحد يشارك بسعر اقل مع التقدير لكم جميعا
الصوره اللي بالتوقيع هي للطير وعافاكم الله وشد حزامك يالذيب

[الخالدي2007]

الله يقنّيك بركته
وافي مثاليث

مطامر سومه اللي ذكرت خارج المنتدى
افتح بابه بغض النظر عن السوم الاول؟
ولا فيها مشاريه!!!!!!!!


والله يوفقك

[محمد الشامان]

الله يرزقك بالبيعه الطيبه

[راعي همام]

حط صور لضهر الطير

[قرناس ارامكو]

الله يرزقك بالبيعه الطيبه

[ابرق آلريش]

الله يرزقك

[مطامر]

السلام عليكم ورحمة الله
اشكر المشاركين واليكم الرد
الخالدي 2007
الشرهه غليك بالزود ماهو بالنقص ياولد العم ................
اابو شقران
الله يجزاك خير ويرزقك
قناص الرمه
ابشر في القريب ان شاء الله
قرناس ارامكو
وانت يابو محمد وترا لك وحشه
هوي الفنص 511
بارك الله فيك وسلم غاليك
ياخوان ترا الطير على الشرط اللحوق الراهي وكلامي هاذا من خبره وجيب اصعب حبارى او اصعب حمامه
واللي ياخذه لا يعطيني اي فلوس حتى يجرب ويرتاح

[العنزي]

يا مطامر ما عليك امر حط صورة ظهر الطير

[راشدالمري]

اخوي مطامر الطير هالحين حل الربطه وعلى ماظن انه ماراح يجيب السعر اللي في بالك لكن ان كانك بياع باسوم الطير بالسعر اللي اشوف انه يناسبه ان كان صايد شي عندك وعلى شروطك انت وبيظ الله وجهك على كل حال واسمحلنا ثقلنا عليك شوي
الطير وين محله.؟؟؟

[مطامر]

السلام عليكم
العنزي
ابشر بالقريب ان شاء الله
راشد المري
الله يرزقك بغير الطير هذا

[rahal077]

أخوي مطامر

أذا ودك أمبادله أبطير جير حر ثري كوارتر قرناس رابع طير سبوق وصايد وعلومه طيبه راسلني وشكرأ

[مطامر]

اخوي rahal077
الله يزقك ومالي رغبه في اي مبادله

[أبتسم دائما]

السلام عليكم

يا مطامر ابتسم دائما يارجال

[مطامر]

ابتسم دائما
مرحبا الف ولعيونك من عندي الف ابتسامه

[ksm]

اخوي rahal077
الله يزقك ومالي رغبه في اي مبادله

اخوي الله يرزقك بالبيعه اللي تناسب الطرفين


مـــلاحـضــة : ارجو منـك او مـن المشرف تعــديل الكـلـمــه المكتوبه فوق " الـلــه يـزقــك " لان اخونا اخطء ولم ينتبه لها

والله من راء القصد