السلام عليكم ورحمة الله وبركاته
ابخش بالموضوع على طول:
امس راجع من الشرقيه للرياض معي البورش المهم مثبت السرعه على 129 ومرات 125 وهالسرعه باعتقادي يتغاضون عنها.
الزبده
الطريق الي رايحين عكس يعني رايحين للشرقيه وانا رايح الرياض عادتن يكبسون بالانوار عندما يشووفون رادار وينبهونا نهدي
فا انا شفتهم يكبسون وحطيت السرعه على 118 تقريبا الى 117 قبله بما يقارب 6- 8 كيلو
يوم مريت جنب الرادار وتعديته بكم كيلو الا تفتيش موقفين عالم
يوم جاء دوري الي واقف بالشارع قال امش قام خويه الي بالسياره زعق هذا هذا وقفه !!!!!!!!!!
انا وقفت لاني مطالعه قبل خويه مايوقفني قلت انا مسرع؟؟؟؟؟؟؟؟
قال ايه انت!!!
قلت اخوي تأكد وابتسم
قال خويه الي بالشارع بالحرف الواحد ورب البيت (( يارجال ترا راس مالها مخالفه!!!!!!!!!! ))
تبي تسرقني عيني عينك؟؟؟؟؟؟؟؟؟؟؟؟؟؟؟؟؟
اقسم بالله ناس ماتستحي
قلت له دامها مخالفه لا راحت ولا جت تظلمني؟؟؟؟؟؟؟؟؟؟؟؟
قال يارجال وقف وراك زحمه لاتعطلهم
قلت خايف اعطلهم ولا فكرت انك معطلني؟؟؟؟؟
المهم مازلت ابتسم وماسك اعصابي
والله ثم والله ان خويه الي بالسياره الي قايل وقفه قال لالالالالالالالا مو اهو طلعت السياره الي وراه البيضاء !!!!!!!!!
وكان ماشي 154
ورب البيت ياجماعه هذا الي صاير
على هالقد سهل نظلم العالم؟؟؟؟؟؟؟
على هالقد ما نعرف نستخدم التكنلوجيا؟؟؟؟؟؟؟
على هالقد يا أمن الطرق تبي تخلص دفترك وبس علشان تمشي وتاخذ دراهم؟؟؟؟؟؟؟؟
والله مشكله ياعالم
ـــــــــــــــــــــــــــــــــــــــــــــــ
الاستفسار لاهنتوا
عندي القزازه الاماميه جايتها بالطرف حصاة صغيره جدا جدا
ويوم اسافر كان هواء قوي وتفاجات ان الكسر الصغير كبر وطلع خط بحدود شبر ممكن مع ضغط الهواء
فا حبيت اسأل الله لايهينكم كان احد مجرب او يعرف محل ممتاز في شمال الرياض أو بأي مكان ويعطي ضمان لا يخرب علي أكثر
ولكم مني الدعاء والله يوفقنا وياكم جميعا