تبخير الشكمان وش .......؟

[أسد تميم]

السلام عليكم ورحمة الله وبركاته
يا جماعة الربع ابسألكم عن تبخير السياره مع الشكمان ونقصان ماء الاديتر علما ان السياره سوبر سفاري 99 ولا ادري وشهو الحل تكفون فزعتكم حرم الله وجيهكم عن النار

[الثويرات]

التبخير عادي كل السيارات تبخر مع الشكمان خاصه في البرد

لاكن نقصان الماء له عددة اسباب ومنها
1- غطاء الرديتر
2- تهريب من الطرمبه
3- تهريب الرقع
4- الرائس حق المكينه
5- الرديتر في ثقوب
6- الرديتر الداخلي حق الحار الي في الغماره ( هل تشم رائحه ماء داخل السيارة)

كل الي ذكرت لك هي اشياء غالبا تكون هي السبب شيك عليها وشف النتيجه

[أسد تميم]

يا اخوي الثويرات التبخير ملحوظ كان الشكمان فم ابريق فايح عند الوقوف وريحته ريحة ماء اديدتر وانا متاكد ان نقص الماء من تبخيره من الشكمان مع العلم ان انبير الحراره يلعب مره يرتفع مره ينزل ولك جزيل الشكر

[جيبي جايزلي]

اسحب عيار الزيت وشف كانه زايد ولونه حليب مع شاي فهو خالط الزيت مع الماء وان شاء الله يصير الامر هين وبالتوفيق

[أسد تميم]

اشكرك يا جيبي جايزلي ولكن سحبت العيار ووجدت الزيت زين ولا اخلط مع الماء

[الثويرات]

اذا المشكله عندك في الراس فكه وافحصه في المخرطه

[أسد تميم]

طيب هل ياثر ممشاي عليه لمدة شهر تقريبا مع المحافظه على الماء يا اخوي الثويرات ولك مني اسمى التقدير لاهتمامك

[BigBlock]

انتبه للراس لا سخن واجد قوس . و تراه غالي

[راعي القعيا]

طيب هل ياثر ممشاي عليه لمدة شهر تقريبا مع المحافظه على الماء يا اخوي الثويرات ولك مني اسمى التقدير لاهتمامك

السلام عليكم ورحمة الله وبركاته ،،

اخي الفاضل مشكلتك واضحة تماماً وهي أن سيارتك جاتها حرارة من قبل وأنت ما تدري والحرارة أثرت على قازقيت الرأس وصار الموتر يطلع ماء مع الشكمان .
وأنصح وأنا خوك لا تخلي الموتر همن يزيد الخراب وبدل ما تصلح الرأس تصلح المكينة كلها يعنى أقرب ورشة وخله يفك رأس المكينة وبتشوف المشكلة .

والله يوفقك ،،

[الثويرات]

طيب هل ياثر ممشاي عليه لمدة شهر تقريبا مع المحافظه على الماء يا اخوي الثويرات ولك مني اسمى التقدير لاهتمامك

اذا كان نقص الماء بصيط ان شاء الله مافيه ضرر

يعني لو زاد مقدار الماء على طول رايح يخرب عليك الضراع والبستم واحتمال الكرنك بعد.

خذ نصيحتي وده للورشه

[أسد تميم]

جزاكم الله كل خير وما قصرتوا ياوجيه الخير