مشاكل في السوبر سفاري 2000

[محمد النيساني]

السلام عليكم ورحمة الله
اخواني عندي باترول موديل 2000 عندي ثلاث مشاكل في الدركسون
والله هبل فيني هذا الباترول

المشكله الأول الطاره ثقيله شوي وتطلع صوت اذا لفيتها يمين او يسار قالولي الصناعيه عندك ضخ علبة الدركسون ضعيف لازم نسويلك اصلاح علبه او تجيب علبه كامله وش رايكم اشتري علبه كامله من التشليح ولا جديد بس الجديد قيمته فوق 1400 ولا اسوي لها اصلاح ؟

المشكله الثانيه عندي فضاوه في الدركسون وش الحل ؟

المشكله الثالثه والأخيره عندي رجه بسيطه في الدركسون من فوق لتحت ميب يمين ويسار الي متعودين
عليها طبعا ماتطلع الرجه الا مع الحفر والمطبات

نرجو المشوره من اهل الخبره لاعدمناكم
في انتظار ارائكم الي مانستغني عنها وان شاء الله اذا حليت المشاكل راح انزلها المنتدى لكي يستفيد كل من تواجهه المشاكل الي واجهتني
والسلام عليكم

[الثويرات]

السلام عليكم ورحمة الله
اخواني عندي باترول موديل 2000 عندي ثلاث مشاكل في الدركسون
والله هبل فيني هذا الباترول

المشكله الأول الطاره ثقيله شوي وتطلع صوت اذا لفيتها يمين او يسار قالولي الصناعيه عندك ضخ علبة الدركسون ضعيف لازم نسويلك اصلاح علبه او تجيب علبه كامله وش رايكم اشتري علبه كامله من التشليح ولا جديد بس الجديد قيمته فوق 1400 ولا اسوي لها اصلاح ؟

المشكله الثانيه عندي فضاوه في الدركسون وش الحل ؟

المشكله الثالثه والأخيره عندي رجه بسيطه في الدركسون من فوق لتحت ميب يمين ويسار الي متعودين
عليها طبعا ماتطلع الرجه الا مع الحفر والمطبات

نرجو المشوره من اهل الخبره لاعدمناكم
في انتظار ارائكم الي مانستغني عنها وان شاء الله اذا حليت المشاكل راح انزلها المنتدى لكي يستفيد كل من تواجهه المشاكل الي واجهتني
والسلام عليكم

بخصوص ثقل الدركسون
الصوت الي تقول هذا الله يسلمك سببه
عندك هوى في العلبه == والكشف يكون انك تفتح العلبه طبعا والموتر شغال وتخلي واحد يلف يمين ويسار وانت شف هل العلبه تطلع فقاعات اولا اذا كان لايوجد فقاعات معناها انك لازم
تركب اصلاح-- والاصلاح سهل تركيبه للفاهم

بخصوص الفضاوه هذا من الدوده طبعا لها وزنيه اذا ماصلحت لازم تغيرها او تغير اصلاح لاكن اذا الفضاوه بسيطه عادي ماعندك مشكله انسها

الرجه الي تقول مافهمت قصدت؟؟؟؟ فوق وتحت

[محمد النيساني]

الله يعطيك الف عافيه اخوي الثويرات ماقصرت ياخلفهم
بالنسبه لرجة الدركسون فيه رجه تجي مع الحفر وهي من فوق للتحت يعني الطاره تتحرك معي فوق وتحت وصلت المعلومه

طيب اخوي الثويرات الأصلاح كم يكلف تقريبا

وشاكر ومقدر لك مرورك الكريم ...

[الوعب]

السلام عليكم ورحمة الله و بركاتة


اخوي مشاكلك الي في موترك كلها كانت بموتري و حليتها قبل اسبوعين لله الحمد.

مشكله الرجه .. سويت كبس للرودات .. الي هي الاذرعه .. واحد قدام الدفرنش و الثاني وراه.. يحطونه تحت الجهاز الي يضخط على المسمار الي في نهايه الرود و يكبسها و تصيركنها جديده.

الفضاوه وديته لمحل مشهور عندنا و جاب سكروب من فوق المكينه دخله و راح الفني الثاني و انسدح تحت الموتر و شدو على صاموله وحده .. اعتقد لها وجتين واحد يثبت و الثاني يشد .. وهنا بعد مايشد و تروح الفضاوه راح يثقل الدركسون عندك شوي .. بس افضل من الرجه.

اما بخصوص مشكله الصوت .. هذا موضوع بهذلني .. قالولي باور و اكتشفت انه سليم .. قالولي تشحيك و سويته ولا راح الصوت... النهايه فلبيني حيك و حيه .. قالي دخل السياره فوق الحفره الي توزن عليها الاذرعه .. وسمعته الصوت .. راح نزل تحت الموتر و فك مساعد الدركسون من جهة وحده بس.. و يوم فكه غدا الشر .. قالي مساعد الركسون عندك فيه وصح وتراب .. نظفه.. رحت البيت نظفته ولا فاد .. غيرته و ركبت الاسترالي الاصفر.. الي شعاره مثل النعامه .. او الطير السريع الي في الرسوم المتحركه الي يسوي بيب بيب :d

ولله الحمد افتكيت.. الفال لك و ماتشوف شر الله يستر عليك

[الثويرات]

شغل اليد تقريبا 150 الى 200ريال

لاكن الاصلاح والله مدري بضظ لاكن دق على محلات قطع الغيار وشف سعره

[محمد النيساني]

الوعب
الله يجزاك خير كلامك هذا افادني كثير وخصوصا مشكلة الفضاوه شاكر ومقدر لك اخي العزيز

الثويرات
اخوي الثويرات كفيت ووفيت وشاكر لك تواصلك معي ولاهي غريبه على قروم مكشات