المشاركة الأصلية كتبت بواسطة user100
السلام عليكم ورحمة الله وبركاته....
اشتريت يوكن شهر 8 السنة الماضية من احدى الصالات على طريق الدائري الشرقي وكان موديل 2000 طويل بدبل....
بعدها ماطلعت السيارة بيومين صار القير يقصل عند التعشيقة الثالثة ...
على العموم طلعت كلتشات القير وسويت لها توضيب على الضمان بعد مهاوشات مع صاحب الصالة لدرجة اني اتصل فيه واقول له انا انتظرك بالصالة ابغى اضربك .... والحمد لله خاف وكلم شركة الضمان وصلحوا سيارتي...
صار لي بعض المشاكل مثل صوفة الماكينة الخلفية وغيرتها ، طرمبة البنزين وغيرتها.
والحمد لله السيارة ماشية تمام الآن وسافرت عليها كثر وقطعت اكثر من 20 ألف كيلو عليها....
عندي بعض الاستفسارات لو سمحتوا:
1- بعض توضيب القير وعند التعشيقة الثالثة يطلع صوت طقة وكأنها بالعمود عند التعشيق بالاسفل وبعض الاحيان تروح اذا كنت مسرع يعني داعس شوي. رحت لعدة ورش وقالوا (الترس حق القير، العمود، الصليب، جنزير الدبل، سسته القير مشدودة ومع الوقت بيروح الصوت والى الان ماراح). يعني كل واحد عنده رأي والكمبيوتر مايوضح هالشيء ابد. مع العلم ان الصوت طلع بعد ماسويت التوضيب للسيارة رمضان الماضي.
2- إشارة Check Engine Soon، وبعد فحص الكمبيوتر تبين انها حساس الشكمان. وبصراحة انا حاب اللغيها من الخريطة بالمرة بس ودي اعرف هل لها تأثير او مشاكل مع العلم انها اشتغلت من رمضان الماضي، وهل فيه مكان محدد او ورشة تشيلها لي.
3- الدبل. بصراحة ماني متعود على تشغيل دبل الازرة. ولما سألت الورشة قال عند التعشيق لازم توقف السيارة وتضعها على N وبعدها تعشق الدبل سواءً الثقيل او الخفيف فهل هذا صحيح او اني اقدر اعشق الخفيف وانا ماشي.
وشكراً لكم