طرق المحافظة على الدبل الكهرب

[ابو شقط]

السلام عليكم جميعا اخواني :

تعلمون ان اكثر الدبل الموجود الان في السيارات الجديدة دبل كهرب ( يعني فريول وليس دفرنس ) مثل اليوكون ، ونبي نصايحكم وارائكم وتجاربكم في طرق المحافظة على الدبل والخطوات اللي الواحد لازم يسويها عشان يحافظ عليه

واول استفسار : هل يجب تشغيل الدبل عشان مايخرب والفترة هل هي اسبوعيا او شهريا او غير ذلك

الثاني : هل له زيت يجب تغييره ومتى ؟

الثالث : انا عندي الدبل في اليوكون 2008 اذا عشقته على الخفيف اللمبة تولع

خضراء مباشرة ولايكون هناك وميض( يعني ضوء متقطع ثم يقف ) مثل التعشيق في

الاوتو والثقيل فهل هذا طبيعي وشكرا لكم

[ابو صقر 111]

السيارات تختلف من سيارة لأخرى ولكن عندي ان اهم نقطة هو ان تضع على زر الدبل الثقيل غطاء حتى لايعبث به عابث لأنه من المهم عند ضغط الدبل الثقيل ان تكون السياره متوقفه وفي وضع D

[ابو صقر 111]

آسف انا أقصد ان تكون في وضع N

[كبسولة2]

الدبل الكهرب للمحافظة عليه يجب عليك

عدم تعشيقه ألا والقير على n ومتوقف تماماً للخفيف والثقيل حتى يشبك بعدها تنطلق

كل شهر أو شهرين شغله وأمش عليه كيلو كيلوين حتى لا يجيم من كثر الوقفه

إذا كانت طلعاتك للبر قليلة

زيته شيك عليه وشوف إذا ناقص زيده وصلى الله وبارك

[أمير الكرم]

مهم جدا
يا أخوان ياليت احد يذكر ايش نوع زيت (( الدبل )) الخاص باليوكن 2001 ,,,,,,,,,,,, والف شكر

[ابو فهد 1]

مرحبا شباب

انا معي يوكن 2007 اذا شغلت الدبل ماتولع اللمبة لاخفيف ولا ثقيل

وشو الحل

[كبسولة2]

مهم جدا
يا أخوان ياليت احد يذكر ايش نوع زيت (( الدبل )) الخاص باليوكن 2001 ,,,,,,,,,,,, والف شكر

مر على الوكالة وعطهم رقم الشاص الخاص بموترك ويعطونك الزيت المناسب

لسياراتك وأبتعد عن الزيوت الآخرى التي تباع في المحلات 90 140 أبو كلب

أكرمكم الله تخرب عليك الدفرنسات والدبل

[طرد الهوى]

السلام عليكم

كلام اخوي كبسوله عين الصح

اذا تبي تعشق الدبل الخفيف لازم تكون السياره واقفه وفي n وكذلك الثقيل

واضيف اذا كان الدبل على الثقيل لا تفصله فورا لابد تشبك الخفيف وبعدين تفصله

اما الزيت رح للوكاله يعطوك الزيت الاصلي معى مقداره وكمان للاهميه فلتر الزيت لازم يكون اصلي

[بدوي جنوبي]

مهم جدا
يا أخوان ياليت احد يذكر ايش نوع زيت (( الدبل )) الخاص باليوكن 2001 ,,,,,,,,,,,, والف شكر

نوع الزيت هو عيار رقم 10 احمر ACDelco

صورة:



عند فك صرة الزيت للدبل للتعبئة
قد تلاحظ بأن الزيت القديم لونه اخضر ،، وهذا زيت المصنع الاصلي .

[ابو سويلم]

مشكلة زر دبل الاندكروزر بجنب الفلشر اخاف ليوم ابضغط على الفلشر اضغط على زر الدبل
ونا ماسك خط

[ابن عكاش]

الدبل الكهرب هو اللي يجي زرار وليس الفريول لأن الفريول يمكن يجي قير مثل اللاندكروزر 2007 البريمي وتحت

[مواسي الطعوس]

** ياخوان اللي ماتاكد لايكتب الله لايهينكم .

** السيارات تختلف كذلك ............

** الفاندر 2006 م وطالع وكذلك الاكستيرا : الدبل الخفيف تشبكه الى سرعة 100 كم .

** الثقيل : لازم تفضي الموتر على ((n)) وتمسك فرامل .

** الخفيف لاتشبكه والموتر ((يفحط)) يلوس يباوش اختر الكلمه اللي تصلح لك

[راعي السيل]

السلام عليكم

اخوي انا توني فاهم الدفرنس من مواضيع الاعضاء والصور ، وضاق صدري يوم قريت "فريول" لاني ما ادري وش الاختلاف بينه وبين الدفرنس ياليت لو تشرح لي الله يجزاك كل خير.

[مواسي الطعوس]

س/ وش دخل الدبل بكون الموتر فريول او دفرنس ؟؟؟؟؟؟؟؟؟؟؟؟؟؟

** اللي يقول وش الفرق بين الفريول والدفرنس : الاول مثل الفكسار 98م فما فوق . والثاني مثل 97م وتحت وكذلك السفاري الى الان (((وهو افضل بمراحل من الفريول خاصه في البر .....والصيانه )))

[حيدر الو]

ياخوان اللي اعرفه ان الدبل الخفيف تقدر تعشق وانت ماشي اما الثقيل فلابد ان تكون السيارة في وضع اللا تعشيق ومتوقفة