مشكله في سلك الماطور تبع الهواء

[رحال300]

السلام عليكم ورحمه الله وبركاته
اما بعد انا مثبت ماطور الهواء في السياره
والماطور هو عباره عن ابو جمل الجديد الى يجيك الهوز حق الهواء صغير وسلك الكهرباء طويل المهم انا ثبته وراء المرتبه الخلفيه و اوصلت اسلك الى البطاريه من تحت المراتب مرور بي الديكور الى الكبوت ثم شبكته في البطاريه هو يجي معه مساكات البطاريه وحده حمراء للموجب طبعا وحده سوداء لسالب المهم انا شلت ذولى بحيث اشبكه في البطاريه بشكل دائم وما ينفصل معي ابد والحمدلله لى قرابه 4 شهور ومافي مشاكل لاكن الى ماحسبت احسابه
اني امس فكيت البطاريه ويوم جيت ارجعها ضيعت ايهم الموجب والسالب وخاصه ان السلك اسود لكل الجهتين ودققت فيهن لعل واحد منهن يكون فيه كتبات او شي من ها القبيل لاكن ماحصلت كلهم سود مره
وخفت اشبكه ويحرق على الماطور وانا ما اعرف هل فيه فيوز داخليه او لا
والسؤال الثانيه هل فيه طريقه اقدر اعرف ايهم الموجب؟
ومانستغني عن ارائكم ومعلماتكم
وتحياتي للجميع

[بو خليفه]

بالنسبة للماطور جيد انا عندي مثله له قرابة 5 سنوات اما سلك الاحمر الموجب و السلك الاسود السالب مالك إلا كهربائي هو الذي يحدد لك

[رحال300]

مشكور اخوي على التذكير
وتحياتي لك

[SuLTaN.M]

لازم تفك الغطا الرمادي اللي فيه زر التشغيل


والظاهر انها ما تفرق
اخبر اني عكسته مره ولا قال شي

لأنه في كل الحالتين يشتغل البستم
لا صار يدور يمين ولا يدور يسار<< اللي يحددها الكهرب شلون ياصله

الشباب بيفيدونك اكثر

[NOYEB]

ماطور ابو جمل الجديد يجي فيه فيوز اشبكه بالبطارية واذا احترق يحترق الفيوز بدل الفيوز وعكس الأسلاك ..

بالتوفيق

[رحال300]

نبي نجرب والله يستر ومشكورين ياجماعه على الردود
بيض الله وجيهكم يالربع

[رحال300]

ياجماعه بعد التدقيق في الشغله اكتشفت الائتي
1 ماطور ابو جمل الجديد الى سبق وان ذكرت مواصفاته يجي فيه فيوز على نفس السلك يوجد هاذا الفيز وهو مغطى في بلاستيكه سوداء
2 سلك الموجب في خطين سود لازم تدقق في الاسلاك وراح تعرف الفرق
والحمدلله انحلت المشكله واشكر كل من رد على موضوعي وبارك الله فيكم ورفع الله مقداركم اجمعين
ومبروك علينا وعليكم الامطار والخيرات