السلام عليكم ورحمة الله
ياجماعة الخير أهل الجموس والخبره فيها
الموضوع أنا معي
جمس صالون دفرنسين موديل 1993 مكينته 454
والحمدلله مافيه أي مشاكل بس عندي أستفسار بسيط
وهو أن الجمس حقي ما يفصل يعني طبلونه يجيب تحت ال 200 وينزل واللي سمعت وشفت أن الجموس تفصل أغلبها على 170 وجمسي مايفصل مع العلم بأني شاريه من شايب من جماعتنا هو اللي مطلعه وكاله وهو ماهو راعي سرعه ولا خرابيط ولا فك فصلات والموتر أصلاً مخزن بس اللي أبي أعرفه هل هو من وكالته ما يفصل ولا وش سالفته لأني أعرف كثير معهم موديلات 1993 وتفصل
وموتري ما يصفل حتى أن الكوامري ماتمشي معه ،،،
اللي عنده خبره يجاوبنا الله لا يهينه
رد مع اقتباس
