بسم الله الرحمن الرحيم
الأخوة المكشاتيين من خلال هذا الموضوع أعرض عليكم مشكلتي اللي حومت تسبدي راجياً من الله اني الاقي لها حل عندكم
عندي جمس حوض موديل 93 مقاس 35 قير عادي (3تغييرات والرابع L)
خبطت مكينته وشريت له مكينه مستعملة نظيفة ومعدلة تعديل بسيط ( عمود وجنزير وتكايات )
مشكلتي كالآتي :
1- في حال تشغيل السيارة أحيانا تشتغل صح ومافية أي مشكلة , وأحيانا تشتغل وتطفى على طول فاضطرإني أحط رجلي على الدعسة عشان ما تطفى .
2- إذا كان الموتر واقف وهو شغال يطفى مثلا توني مشغل الموتر وهو بارد وأول ما يحتمي يطفى . وقال لي واحد إنه يجمع كربون .
3- إذا كنت ماشي بالموتر بسرعات واطية ورفعت رجلي عن البنزين مثلا مقبل على اشارة يطفى فاضطر اني احط رجلي على الدعسة عشان ما يطفى .
أبيكم لاهنتوا بحكم خبرتكم تفيدوني وتنصحوني بافضل الحلول لتلافي هذي المشكلة أو ترشدوني على ميكانيكي كويس ينهي هالمشكلة مع العلم اني من سكان الرياض لأن الموتر نظيف وما فيه الا هالعلة فودي اضبطها وارتاح
رد مع اقتباس
المشاركة الأصلية كتبت بواسطة رن ن 034
الظاهر ماسددنا الفاتروه استقبال بس ...