صوت (طق طق طق) من الدفرنس الامامي

[Cool 3la 6ooL]

السلام عليكم

ياخوان ابي شوركم بهالصوت وش هو منه.
الصوت طلع من بعد تسييف على الطعوس ، طلع وانا الف يمين صوت طق طق طق طق واذا عدلت الطاره يروح ، المهم بعد ما عدلت الموتر راح الصوت والى الان ما طلع ثانيه بس غرز بي الموتر مرتين!!!

ياليت تفيدوني من خبراتكم

[كبسولة2]

أولاً مانوع السيارة ؟

ثانياً كل سيارات الدفع الرباعي طبيعي يطلع صوت إذا لفيت الطارة يمين أو يسار

وأنت مشغل الدبل وخصوصاً الثقيل

[1988]

شف راس العكس اللي من جهته الطقطقه وانا اخوك او العكس

[Cool 3la 6ooL]

السيارة جيب قراند شيروكي دفع رباعي مستمر
وقتها ما كنت مشغل الدبل الثقيل

الصوت ماقد طلع من أول بس اليوم طلع ثواني و راح.

[إبن بطوطه]

وعليكم السلام ورحمة الله وبركاته
اخوي نوع سيارتك ؟
وهل هي دفرنس امامي ولا عكوس
اذا هي عكوس اتوقع والله العالم رمان العكس يعني بسيطه
واذا دفرنس امامي هذي اللي مافيدك فيها

بس الغالب مثل ماقال اخوي كبسوله شي طبيعي بالدفع الرباعي

بس انت طف الدبل واسمع الصوت يطلع او لا
وحاول تلف الطاره يمين ويسار وشفا لصوت ن وين ممكن يكون شي بسيط
يعني شي يضرب وانت مسايف

[إبن بطوطه]

ماعليش اخوي رديت على الموضوع ولا شفت ردك لاخوي كبسوله

الدفع الرباعي مثل البرادو دائم
ويطلع الصوت فجأه ويروح

[سهيل تميم]

شيك على الصليب ..لاتستهين فيه ..

طلع عندي صوت بالدفرنس الي ورى اذا جيت اوقف طق طق طق ؟

وديته اكثر من ورشه كلهم قالوا الدفرنس عندك ((مووولي رايح فيها))

ووديته عند واحد فاهم بالشروكي غيرلي الصليب بـ100 ريال والموتر رجع احسن من اول

[Cool 3la 6ooL]

كبسولة2
1988
ابن بطوطه
سهيل تميم

اشكركم على تطمينكم ، أنا قلت لا تصير التروس راحت علي
سهيل تميم: اللي فحص سيارتك وغير الصليب في الرياض؟

[لاتكب البيالة]

صراحة الصوة بالشيروكي طقطقة من تحت اعرف اثنين يطلع عندهم طبعا السيارة دفرنس وليس عكس
لكن واحد باع السيارة وواحد ماصلحة وهو ما يطلع الا بالنفور بالبطانيج احياننا ولو ما شغلنا الدبل

[Cool 3la 6ooL]

الصوت طلع مره وحده وانا اسايف وراح

سايفت بعدها وماطلع، خوفي يصير شي(ن) كايد ويوهقني في طلعات قادمه.

[الرسيفر]

يا رجال عين خير هذا صوت العكوس يجي ويروح وهو صوت عادي

وإذا إنك حريص على السيارة بالحيل تغير العكس اللي من جهته الصوت وطقم اصلاح للحرص الزائد


وأنا من رأيي طق حوله ولا كأنك سمعت شي

كل هذا وأنت ما علمتنا مديل السيارة

[Cool 3la 6ooL]

يا رجال عين خير هذا صوت العكوس يجي ويروح وهو صوت عادي

وإذا إنك حريص على السيارة بالحيل تغير العكس اللي من جهته الصوت وطقم اصلاح للحرص الزائد


وأنا من رأيي طق حوله ولا كأنك سمعت شي

كل هذا وأنت ما علمتنا مديل السيارة

2006

[تناهيت]

اخوي اذا يطلع معك في ارض سافي (رمل خفيف ) خاصة وانت مهدي عادي جداً ..تحياتي

[ابوعبدالله9999]

شيك على العكوس .... فيه ناس تلحمها مايحتاج تغيير وشف ربلاتها يمكن مخرومه غيرها ولحم العكوس ..