مشكلة المكيف أبي حل / أهل الخبرة

[صدق النوى]

السلام عليكم ورحمة الله وبركاته
أسعد الله أوقاتكم بكل خير

أخواني الأعزاء /
عندي مشكله في المكيف
نوع السيارة /
السيارة جيب نيسان 90
نوع تماتيك الثلاجة /
التماتيك أبو حساس سيم جديد تو مركبه حق الوكاله ما لقيناه
المشكله /
ـ المكيف يشتغل ويقفل مظبوط شوي مع المشي يقفل ولا يشتغل هواء حار بس
مدري وش المشكله فيه معاناة الله يفرجها .

الي عنده خلفيه عن المشكله أو مر عليه مثل ها الحالة لايبخل علينا
وأكون له من الشاكرين

[بدر00]

اخوي الي ركب لك الفريون اظهار مركب صيني انتبه تراه يدمر الكمبريسر
على بالكامل لحق عليه وفض الفريون وركب فريون اصلي ويلت تروح لواحد
صاحب ذمه لان البعض يجيب دبه فريون اصلي ولكن يعبيه فريون صيني
ويقول انه اصلي ...
ولك تحياتي

[صدق النوى]

شاكر لك أخوي بدر ..
يعطيك العافيه

[ابو نواف المطرفي]

يمكن يكون عندك مشكلة بالـ بلف << بلفين واحد قدام وواحد وراء

والله اعلم

[صدق النوى]

مشكور يعطيك العافيه


بس أي بلف الي تقول

[صايدهم]

ياخوي اذا كنت في جده انصحك بمحل في الصناعيه اسمه فلسطين المهندس اسمه ابو خالد بتوفيق انشاء الله

[Cool 3la 6ooL]

مثل ما تفضلوا الاخوان شيك على الفريون والبلفين
بالاضافة الى توصيلات الثلاجة، كان عندي سيارة من زمان متسدده توصيلات الثلاجه

[راعي الفروه]

السلام عليكم ورحمة الله وبركاته
إذا كنت من اهل الرياض فيه كهربائي سوري ممتاز جدا يخبرك بالخلل قبل الشغل في صناعية النسيم مقابل شيب المويه الي في السلي اسأل عنه اسمه غازي تراي معامله اكثر من 20سنه

[ابو نواف المطرفي]

مشكور يعطيك العافيه


بس أي بلف الي تقول

بلف الثلاجة اللي قدام +بلف الثلاجة اللي وراء

[صدق النوى]

عز الله أنكم ما قصرتو
بيظ الله وجيهكم جميعاً

[ابوشدوق]

اخوي الي ركب لك الفريون اظهار مركب صيني انتبه تراه يدمر الكمبريسر
على بالكامل لحق عليه وفض الفريون وركب فريون اصلي ويلت تروح لواحد
صاحب ذمه لان البعض يجيب دبه فريون اصلي ولكن يعبيه فريون صيني
ويقول انه اصلي ...
ولك تحياتي

انا مع كلام الاخ وبقوة