باث يطفي وهو يمشي

[عمر عدنان]

سلام عليكم ورحمته الله وبركات يجماعة عندي باث فندر 2003 وفية مشكلتين الاولى انه يطفي وهي الاهم انه اذا دعستله فجاة ووقفت يطفي وارجع اشغلة يشتغل اوكي املمشكله الثانية انه يصرف زيت كل 2000 نص علبة فياريت تعطونا الحل

[ensaaan]

اهلين يالغالي

بالنسبه لمشكلة انه يطفي
اتوقع من الحساسات دخله الوكالة ويحلون لك المشكله
سبق صارت معي في الماكسيما مرتين

اما بالنسبه للزيت
اتوقع انه طبيعي لكن كل الفين احسها شويه
مادري خل الوكالة تشيك لك

واذا دخلته لهم قل لهم يحلون لك المشكله اللي تعاني منها فقط
عشان مايحطون عليك مبالغ

تحياتي لك
الإنسان

[بانثر2005]

يا الغالي هذه المشكلة حصلت معي

المشكله بسيطه ولا تشيل هم

عندك حساس الهوا إلي في الخرطوش إلي طالع من فلتر الهوا يبيله تنضيف أو تغير

أبد وده لورشه خله يفكه وينظفه وإن شاء الله الأمو تصير طيبه

أنا فحصت بالكمبيوتر وطلع عندي المشكله من حساس الهوا

فحص كمبيوتر بـ 100 ريال

ونظفلي الحساس بــ 200 ريال

وإذا يحتاج تغير فلتر الهوا أفضل غيره ممكن إنه يكون فيه فتحه يدخل منها الغبار مثل ما حصل معي

وإذا تبي تغير الحساس إشتره من محل إسمه إبن ماضي في الصناعيه القديمه بالرياض تخلي الحمراني على يمينك وبيجيك المحل بعد الحمراني تقريبا بــ 100 متر
سعره عند إبن ماضي أصلي بــ 500 ريال وعند الحمراني الحرامي بـ 600 ريال
وسعر فلتر الهوا عند إبن ماضي بــ 60 أو 70 ريال وعند الحمراني الحرامي 118 ريال

وإذا أشغلك الحساس كل شوي تطفى السياره

أفصل الحساس إلين توصل الورشه بس حاول ما تمشي عليه كثير ولا تتعدا سرعه 80 إحتياط فقط

والمشكله الثانيه مشكله النقص عادي في الباث وماشاء الله موتر ما ينقص واجد لا تشيل همه بس شيك عليه بين فتره وفتره وخاصه بعد خط

وبالتوفيق