الفزعه في الفارات وش رايكم

[ابوعراده]

ياجماعة الخير انا سيارتي باترول موديل 98 بخاخ
وودي اركب فرارات وش رايكم حسب الخبر اركب والالا
لأن فيه ناس تقول ركب ولا تشاور وناس تقول انصحك
لاتركب لأن اليابان ابخص وماهي افضل الفارات ياليت تفيدوني
لأني محتار من جد

[ابوطاقية]

الفرارات لها ايجابيات وعيوب
الايجبيات تقلل من الاستهلاك للوقود لانها تفصل العامود الامامي من الدوران
السياره تكون خفيفه
تقلل من استهلاك دوران الدبل والكرونه الاماميه
عيوبها
اذا جيت تدخل الرمل لازم تنزل من السياره وتفرها

يوجد بالسوق امريكي وبرازيلي والامريكي افضل وتقريبا سعره 400 ريال والبرازيلي 250 ريال والاصلي بوكالة تايوتا تقريبا 800 ريال
والسلام ختام

[الساهر2003]

كلام اخوي ابوطاقية عين العقل ..

وانا انصحك تركبها وراح تحس بالفرق خصوصا في السريع

[اذاني]

ياجماعة الخير انا سيارتي باترول موديل 98 بخاخ

وودي اركب فرارات وش رايكم حسب الخبر اركب والالا
لأن فيه ناس تقول ركب ولا تشاور وناس تقول انصحك
لاتركب لأن اليابان ابخص وماهي افضل الفارات ياليت تفيدوني

لأني محتار من جد

الجواب الي بلون الاحمر

انا معي نفس موترك والله لاثقل في ممشي ولاصرفيه زايده

ولك الخيار

[لاتكب البيالة]

لاتركب لأن اليابان ابخص

اصلا متى اليابان جو وشافوا جونا ومتى جو وشافو براننا وخطوطنا
وشلون صارو ابخص وهم ما يدرون عن بلدنا ووش اللي نحتاج
ثانيا لو هم ابخص باللي نحتاج كان ما جت سيارة الا ومركب له قزاز عازل للحرارة
وقس على مثل هالشي
الزبدة الفرارات تنفع ولا تضر وانصحك بتركيبه بقوة

[ناصر الدهمشي]

والله انا معي مثل موترك
وغيرت الفرارات
وخربت معي الصوف والرمانات الخلفية
وشلته لكن ماتوقع المشكلة من الفرارات والله اعلم

وطاب خاطري منها وبعتها

لكن لاصار موترك منت حاس بشي فيه لاتركبها

وذا هي براسك وقالولك يخف الموتر والبانزين

ترى ال 4500 كله ثقيل سواء ركبت فرارات ولا شلت الدبل

والايجابيات اللي لاحظتها يوم شلت الفرارات ان الدرسكون صار اخف حيل من اول
وفزت الموتر بالبداية اخف بشي بسيط
والبانزين مالاحظت شي لاني ماني راعي سرعه ومايأثر من سالفة البانزين

والسلبيات : ثبات الموتر تغير احسه مو راسي ومع المنحنيات احسه يلفلف
والمشكلة اللي ذكرتها اول شي
ومرات تنزل للرمل وتنشب وتنسى انك مركب فرارات

وفي مواضيع كثيره كتبت عن الفرارات بمكشات سو بحث وتلقى كثير