الفزعه يااخوان في مراوح الجمس

[مراسل وراط]

الفزعه يااخوان في مراوح الجمس ابغى الغي المروحة الميكانيكية واحط مكانها كهرب احد عنده خبره في المراوح

[عاشق z71]

وش موديل موترك يالغالي

[مراسل وراط]

وش موديل موترك يالغالي

اخي الكريم موديل الفين غمارة ونصف مكينة 6لتر

[ابوعقل]

وين مكانك بأي ديره؟؟؟؟

[مراسل وراط]

مكاني الله يحفظك الرياض

[العاااازف]

اسمعني عندي مروحة تبريد واضعها مع الكمبروسور
ومرتااح ونسيت الحرارة كلها
وكانك تبي رقم المهندس اعطني خبر ارسل لك على الخاص رقمه

[كبسولة2]

نصيحة لوجه الله لا تشيل مروحة السيارة المكيانيكية

إذا السيارة فيها حرارة شيك على سببها وإذا لزم الأمر ركب مروحة إضافية أمام الرديتر

[ابوناصر3]

ستة لتر افضلك مروحة اضافية مع المكيف وانا مجربها ممتازة اذا تبيها كهرب كلها ركب حقت فورد 2002 سرعتين مجربه يالله تلحق

[مراسل وراط]

جميع الاخوان الحمدلله مافيها حرارة بس ابي الغي الميكانيكية علشان اخف للموتر واقل صرف بنزين وانشط له وشكرا على نصايحكم

[عاشق z71]

شف يالغالي انسب شي لك تركب حقت موديل 2005 فاعلى

وعشان كذا سالتك بالبدايه عن موديل مووترك

رح التشاليح وخذ حقت جمس موديل 2005 وفوق تجي كهرب ثنتين مخصصه للجمس وخذها مع لواحقها كلها

لانها اصلا جايه مجهزه للرديتر الي عندك وبتغطيه تغطيه كامله


والله يوفقك يالغالي

[Magellan]

انتبه مكينة 2500 6 لتر وحتى موديل 2009 اللي تجي 6.2 لتر لم تنزل عليه مروحة كهربائية فقط الجمس 1500 واليوكن هو اللي جاء فيه مراوح كهرب من 2005 وطالع
فلابد تحصل شيء يناسب الموتر وأنا أرشح مروحة المرسيدس300

[مراسل وراط]

شكرا اخوي عاشق بس هل فيه احد مجرب على 6لتر انا ناوي اركب زي ماقلت بس خايف ترتفع الحرارة
وياخوي ماجلان كلامك صحيح بس اتوقع انها تركب بس ودي احد الاخوان مجرب ولا احد يعرفه مجرب

[عاشق z71]

اخوي عشان اكون معك صريح خالي مركبها ولكن
موتر خالي حوظ 1500 فك مكينته وركبلها 6 لتر وركب مراوح حقت يوكون ودوامه بمخرج 16 ويمسك الزحمه من مخرج 5 والحمدلله يقول ماطالع بالحراره لا ومعدل موتره كام وغيره

في مراوح كهربائيه مخصصه لسته لتر تطلبها من برا وهي مخصصه للتزويد يعني بتنفعك كثير لاكنها غاليه بالحيل

[humod]

إن شاء الله سأذهب غدا لورشة وبركب مراوح سوبارو على أنها افضل الموجود
وبعدها اعطيكم انطباعاتتي

[Fmejrad]

ياشباب احد جرب مراوح السوبارو على جمس 6 لتر ؟؟