مساعدة في تركيب مراوح كهرب للتاهو

[just 4 u]

السلام عليكم ورحمته الله وبركاته ,,,

يا أخوان عندي تاهو 2003 z71 وابغى أركب مراوح كهرب حقت موديل 2005 بدل المروحة الميكانكية
أبغى كهربائي شغلة مضبوط في الرياض مع وصف مكانه لى ورقم أتصال له

كلمت الأخ أبوأسامة الي في مخرج 16 قال مايركب للتاهو فأبغى واحد غيرة

ومشكورين مقدما

[just 4 u]

في انتظار الردود

[taag1]

عندك هالرجال اسمه ابوعبدالله على ماظن وهذا رقمه (0564898902) شاب سعودي ولاراح يغشك ان شاء الله تعالى وبيركبها او بيعطيك العلم الأكيد .,.,.,.,.,

[الحارثى محمد]

تفضل هذه المواضيع


http://www.mekshat.com/vb/showthread.php?t=205927


http://www.mekshat.com/vb/showthread...5%D1%C8&page=2

[just 4 u]

الأخ/ taag1
انا كلمت الرجال ويقول موقف شغل الحين
شكرا لك

الأخ/قناص بروق
قراءت المواضيع هذي قبل كذا أنا الى أبغاه تركيبها بدل الميكانية مو خارجية
لاهنت

في أنتظار الأخوة الكرام

[بدوي جنوبي]

سيارتك كمبيوتر
ممكن يتأثر لو ركبت اي قطعه كهربائيه

بالتوفيق

[just 4 u]

الموديلات الي بعدها نفس الكومبيوتر ونفس الدينمواونفس البرمجة بس الفرق في المراوح الكهرب هذى سألت عنها في قطع الغيار بأذن الله مافي أيت مشاكل
شكرا على مرورك

وين الشباب أهل الخبر ؟؟؟

[ظريفو]

انا توني امس في محل قطع غيار زينة وشفت واحد عنده يوكن 2001ولاني توني مشتري السيارة سالته عن سيارته وشفت انها مراوح كهرب قلت اله كم كلفك التبديل قال كلفه 2000 ريال طيب قلت اله وش فرق وياك قال ان الفرق بس ان صرفية البنزي قلت لكن هو سيارته دينالي وسالته وين سويته قال في ورشة في راس تنورة اسمها عادل ويقول انه شاطر كثير فيهم غير كده عنده برمجة يعني يفتح السرعة ويقدر يخلي الك المكيف بس يشتغل يرتفع الريس وطبعا انا جربت في سيارتي اني لما اوقف يكون المكيف حار جربت ارفع الريس برجلي طلع الرجال صادق صار المكيف فلج فانا انشاالله بعد اسبوعين تقريبا راح اروح اله اسوي شغلتين المكيف وفك الفصلة باخليها مثل السعودي 200 واتمنى اني افدتك

[just 4 u]

شكر لك اخوي ظريفو بس مشوار اروح لرأس تنورة عشان المراوح ماتحس أنه مشوار
أذا عدلت شي عطنا خبر
أنا عندي أستفسار هل شلت دبات التلوث ؟ أذا شلتها هل فرق معك شي؟
أذا
وفي أنتظار البقية

[just 4 u]

وين أهل الخبرة؟

[H5N1]

إذا شلت دبات التلوث رايح يزيد صوت السيارة ومارايح تفرق معك لأن عزمها أكيد حيزيد
وبالنسبة للبرمجة فيه في القصيم - بريدة الأخ ابو صالح الرياعي فنان برمجة سيارات
أنا برمجت عنده اليوكون رفع لي الrpm مع تشغيل كومبريسور المكيف و ألغى فاصل السرعة وبرمج تغييرات القير إلى القوة القصوى يعني إذا شديت على الموتر مايبدل التغييرات إلا عند الحاجة الفعلية للتغيير ( مايريح القير إلا بعد ما ياخذ حاصل النمرة ) وآسف على اللغة العربية المكسرة .
وممكن يبرمج زيادة ضغط البنزين وغيرها كثير .
أما بالنسبة للمراوح أشوف الورش عندنا يركبون لليوكون والتاهو مراوح لومينا ويقولون إنها تكفي .

[بن.حسن]

اخوي just 4 u
اذا تبي واحد شغلة عدل بس في الدمام
هو سعودي يشتغل بنفسه
يركب مراوح كهرب وبطارية اضافية
ومطور هواء ومحولات ولمبات
وشغلات كثيرة والرجال شغلة ماعلية
كلام
علمني اذا تبي تتفاهم معه اعطيك رقم جوالة

------

[faiz-111]

طيب لو ركبنا في الشبك الامامي فقط بدون الغاء مروحة المكينه ويكون تشغيلها على حسب الحاجه بسويتش داخلي قد تكون افضل ويكون تشغييلها وقت الضروره في الظهر او في طلعات النفود ويوجد مسافه حلوه بين الرديتر والشبك الامامي وبااانتظار ارائكم

[MR.SAEED]

طيب لو ركبنا في الشبك الامامي فقط بدون الغاء مروحة المكينه ويكون تشغيلها على حسب الحاجه بسويتش داخلي قد تكون افضل ويكون تشغييلها وقت الضروره في الظهر او في طلعات النفود ويوجد مسافه حلوه بين الرديتر والشبك الامامي وبااانتظار ارائكم

سبحان الله ،،

والله كنت ناوي اليوم اركب مروحتين في اليوكن بسوتشين داخلي //يوكن موديل 2000 ،،
و ايضا بطارية اضافية ،،

لكن قلت اشاور الشباب هنا ،،

و ش الطريقة الامثل ::

وكان في بالي طريقتين ::

الطريقة الأولى // اغير المروحة الاصلية(المكنيكية بالسير) بمروحة يوكن 2005 كهربائية ،،



الطريقة الثانية // فقط اضيف مروحتين امامية بين الشبك و الرديتر ،،



اتمنى من الاخوان في منتدانا الغالي هذا ،،

اي الطريقتين الأفضل ،،

وايضا وش القطع الافضل في التركب ،،

تحياتي للجميع ،،

[just 4 u]

في أنتظار أفادة الأخوان