شريت باثفندر 2009

[@@معلم صف@@]

السلام عليكم
صباح الخير / مساء الخير
يا شباب شريت باثفندر 2009 وأبغى منكم نصائح من ناحية التظليل وين أفضل المحلات أيضا نوع التظليل أيضا تلبيس الأرضية وش رايكم فيه وتنجيد المراتب بجلد واسئلة كثيرة

معليش تحملوني

أنا بالرياض

تكفون يا شباب الله الله بالردود

[عاشق السيل]

وعليكم السلام ورحمة الله وبركاته ،،

ألف ألف مبروك الموتر وعساه داخل عليك بالعفو والعافية والله يطعمك من خيره ويكفيك شره وخير ماسويت !!

شغلك كله تلقاه بالغرابي ،،،

التظليل : إذا بغيت تظليل عادي احرص على باكستاني أو بنقالي وانتبه من السوداني أو اليماني !!
والنوع خذ الصيني الأسود الرخيص لأنك بأي وقت ممكن تفكه وسالفة العزل كثير من الشباب قالوا إنها كلام فاضي وأنا ماجربتها !!!

الأرضية : أنصحك تلبسها تنزاني لأنه أقوى من البلاستيك وإن كان أغلى ،، لأن البلاستيك إذا انقطع قطعة بسيطة لازم تغيره كله لأنه يبدا يجمع أوساخ وروائح كريهة !!

المراتب : ابعد كل البعد عن الجلد وأنا أفضل مراتب الوكالة زي ماهي وإن كان ولابد لبسها مخمل عادي بس احرص على الأصلي ،،

أتمنى أن أكون قدمت المفيد وانتظر غيري بيفيدك أكثر وتقبل مروري يالغالي .....

[أبوحمد 505]

مبروك والله يعطيك خيرها وكيفيك شرها
لأكن زي ماقال الأخ عاشق السيل لا يردك إلا الغرابي
وبالتوفيق
ولا عليك أمر ممكن أعرف كم طلع عليك الباث وهل وكالة ولا معرض وشاكر

[بو خليفه]

مبروك

التظليل ركب V-kool تطليل جميع الزجاج حتى الامامية صحيح السعر غالي لكن ذات جودة
افضل عدم تركيب جلد لأن الجو حار جداً

عدم تركيب بلاستيك لأن الغبار سيتجمع في أحد الأماكن ويصعب التنظيف بالعكس كما هو جديد أسهل في التنظيف

في شئ تركبه من زيبارت و هو لحماية الوجهية من الرمال ، و شئ آخر هو للمقاعد لمنع الأوساخ والمشروبات ذات الألوان

[@@معلم صف@@]

الأخوة الكرام /
عاشق السيل
أبوّّّ حمد
بو خليفه
أشكركم جميعا والله يبارك فيكم
في الحقيقة استفدت كثيرا من نصائحكم الثمينة
بالنسبة لاستفسار أخي الكريم أبو حمد فالسيارة بالأقساط والله يعين عليها من شركة الحمراني والقسط 2249 ودفعة اخيرة 23000

[نفس السحاب]

مبروك السيارة ...

لاتنسى تركب عازل على الشمعات الامامية عشان ما تترمل

الله يطعمك خيرها ويكفيك شرها
وعطنا انطباعك على السيارة

[@@معلم صف@@]

أخي الكريم / نفس السحاب

الله يبارك فيك ونصيحة غالية من رجل غالي

وسؤالي للإخوان الكرام

ممكن تدلوني على محل أو أكثر في الغرابي

أجد عنده كل ما أريد تظليل وتلبيس

وتنجيد ...

يكون شغله ممتاز وسعره معقول

لأني ما أعرف في هذه الأمور شئ

وأبي فزعتكم

وسلامتكم

[@@معلم صف@@]

وينكم يا شباب ؟

[@@معلم صف@@]

ويييييييييييييييينكم يا شباب أفزعو لنا

[التعـ King ـديل]

معلم صف اذا تبي اجاوبك ياليت تذكر لي لون الموتر الداخلي والخارجي وابشر بالرد اللي يسر خاطرك

شوي وبرجع اشوف ردك

[@@معلم صف@@]

عسول شكرا لمرورك

اللون الخارجي / فضي

الداخلية / بيج

وأنا في الانتظار يا عسول

وما نستغني عن باقي الشباب

[التعـ King ـديل]

اخوي مر على محلات السماعيل او الكثيري بشارع الغرابي ولا تاخذ جاهز فصل تفصيل اطول عمر واجود

نصيحتي لك فصل الداخلي بيج على نفس اللون والخيوط خلها فضي على اللون الخارجي وبالنسبه للتظليل

وانت متجه للأشاره وجهك شرق يجيك العليان على يدك اليمين زاويه قبل الاشاره ب 100 متر تقريبآ

العليان على تقاطع تتعدا التقاطع واول ملف يسار تخش معه امش لأخر العماره بتلاقي محل تظليل عنده باكستانين

قبل اخر المحلات يمكن بمحلين او ثلاثه ولو ضيعت او شي دق على جوالي وابشر بعزك شفه بالتوقيع

بالنسبه للتظليل لايلعب يقولك عازل او ماعازل مافيه فرق يستاهل مقارنه بفرق السعر وكلهم بعد 6 شهور

لازم تغيير علشان ماتمسك بالقزاز وانصحك بالاسود زيرو2

[@@معلم صف@@]

بيض الله وجهك يا عسول

[@@معلم صف@@]

نريد تفاعل أكثر من بقية الإخوان

[@@معلم صف@@]

ويييييييييييييييييييييييييييييين الشباب ؟