أنا محتار بين 95 و 91 ....

[المدني]

السلام عليكم .... أنا اشتريت سوبربان شفر 2003 استخدام أمريكي .. وسألت عن البنزين المناسب !! أحد يقول 95 ، وأحد يقول 91 .. وأنا محتار !! لأني أول مرة اشتري أمريكي .. من يفيدني وله دعوة بظهر الغيب ...

[الهوى جنوبي]

عليك اخي العزيز بقرأة كتالوج السياره ومنه سوف تعرف ايهم افضل لموترك 91 او 95 ولو استخدمت 95 مايضر لكن العكس صحيح فلو استخدمت 91 والموصى به من قبل الصانع 95 هنا المشكله سوف يؤثر على الموتر
تــــــحـــــــيــــــاتــــــي

[المميـز]

عليك بالـ 95

عمر أطول للمكينه ان شاء الله

وافضل للبلوف

ولعل يأتي من هو أخبر مني ويفيدك أكثر

[المدني]

عليك اخي العزيز بقرأة كتالوج السياره ومنه سوف تعرف ايهم افضل لموترك 91 او 95 ولو استخدمت 95 مايضر لكن العكس صحيح فلو استخدمت 91 والموصى به من قبل الصانع 95 هنا المشكله سوف يؤثر على الموتر
تــــــحـــــــيــــــاتــــــي

.. مشكووور على الافادة .. بارك الله فيك .. وأنا أشهد إن الغيث يجينا إذا هب الجنوبي ... لكن الكتالوج اللي جاي معه كله انجليزي وأنا ما أعرف إلا العربية ..

[راس المال]

عندي جمس موديله 96 واعبي فيه 91

واحد من الربع عنده 2001 .. نوع 8100 .. يعني 91

ولا منه خلاف ..

[المدني]

عليك بالـ 95

عمر أطول للمكينه ان شاء الله

وافضل للبلوف

ولعل يأتي من هو أخبر مني ويفيدك أكثر

... مشكووور وبارك الله فيك .. لكن أنا قصدي إذا كان 91 ما يضر الموتر فهو أحب علي من ناحية التوفير .. ويا ليت أحد مجرب يفيدنا ...

[المدني]

عندي جمس موديله 96 واعبي فيه 91

واحد من الربع عنده 2001 .. نوع 8100 .. يعني 91

ولا منه خلاف ..

... مشكووور والله يبارك فيك .. لكن سيارتي شفر موديل 2003 استخدام امريكي .. هل فيه فرق بينه وبين الجمص ؟؟

[H5N1]

ما فيه فرق
نفس المكينة

[MOHMD2222]

الأخ (مدني ) انا سيارتي شفر سوبربان 2005 مشتريه من شركة بالبيد (سعودي) وحسب الكتالوج اللي جاي معه وباللغة الغربية ان البنزين الموصى به هو 91 وانا الآن لي سنتين وانا ماأستخدم إلا 91 .
وعموماً حسب افادة مهندس نفط سعودي يعمل في ارامكو ان النوعين مافيها فرق كبير ويوصي باستخدام 91 أوفر اما ال95 فهو يستخدم لبعض السيارات مثل مرسيدس وال بي ام دبليو .

[التعـ King ـديل]

95 وبس لجميع السيارات اطول عمر واقوى عزم ولا يعدم المكينه ولا الطرمبه ولا يشربه الموتر بسرعه مثل ال 91

[xbn]

عندي اكسبديشن2005 والوالد لند كروزر 2006واخي جمس 2001واخي الصغير معه شبح 96
واحد اعمامي معه فياقرا 2004

كلنا نعبي 91
الغريب راعي كراون فكتوريا عبى 91 تفتفت سيارته شكل عنده مشكله والمتعارف عليه الكراون فكتوريا يعبى 91

[ابوريناد1979]

دق عالوكاله !

[فهد 003]

انا معي سياره بانزينها 95 وانا اعبيها 91 ولا لاحظت عليها شي استخدمها من سنه ونص

بعدين شوف مكتوب على غطاء التانكي حق البانزين او على باب التانكي اغلب السيارات سكتبون نوع البانزين

تحياتي لك

[المميـز]

... مشكووور وبارك الله فيك .. لكن أنا قصدي إذا كان 91 ما يضر الموتر فهو أحب علي من ناحية التوفير .. ويا ليت أحد مجرب يفيدنا ...

إذا هي على التوفير .. فعلا الـ 91 يوفر 10 ريال عن الـ 95 بالنسبه للفل لجميع السيارات تقريبا

ولكن يمكن التوفير ينعكس عليك بخراب بالمكينه او طرمبة البنزين او او او وتطلع
كل اللي وفرته بيوم وليله

عندنا جمس 2002 سعودي كنا نعبيه 91 وبعدين صار يتفتف وماخلينا شي الا وغيرناه

ووديناه الوكاله وكشفوا عليه كمبيوتر يقولون مافيه شي !!!!

وسبق وان كتبت المشكله في منتدى مكشات واعطوني الاخوان حلول الله يجزاهم خير
ولكن كلها فشلت مع الاسف الشديد

وبعدها غيرنا البنزين الى 95 ولكن مازالت المشكله موجوده

هل المشكله كانت بسبب البنزين الـ 91 أم لا ..؟؟ الله أعلم ... ما أقدر احكم

ولكن حبيت اذكر لك هذه المشكله ... وبس

[بدوي جنوبي]

كان عندي z71 موديل 2003 شفر طبعا

اذا عبيت 91 يصير نهاية الشكمان كربون اسود

اما اذا عبيت 95 يكون نظيف من الكربون يعني يكون اشهب
ولا وجود للكربون ،،،

فتخيل داخل المكينه وعلي سطح البساتم والبلوف

فأفضل عبى 95 وترا الفرق تقريبا 13-15 ريال في السعر

بالتوفيق