اهتزاز ورجه

[mr.bingo]

السلام عليكم
اخواني عندي باث 05 عادي عندسرعة 120 فيه رجه علما اني رصصت الكفرات وركبت فرارات
وش الحل؟

[سديراوي 13]

شيك على عمود الدبل

[absent4]

مثلك عندي رجة في جيب جامدة سويت ترصيص ارضي وخفت شوي

لكن ما زالت موجودة

يوم كانت فاضي رفعت الجيب علقت يعني كل الكفرات تدور بوش

جلس ورا الجيب ولحظ الكفرات إلا الكفرة اليسار الخلفية فيه لوحة ما هي مستقيمة

في دورانها

توقعت انه رمان لكن يوم فكيتها طلع العكس ملوح من جهة الكفرة

[طرد الهوى]

كلام اخوي سديراوي سليم شيك على عمود الدبل

[احب الحيا]

السلام عليكم
الرجال يقولك انه مركب فرارات يعني عمود الدبل ما يدووور
المشكله من شي ثاني بس وشو مدري لاكن حبيت اضيف المعلومه
عشان ما يلعبون عليه اهل المخارص اذا راح يشيك على عمود
الدبل لانهم بيقولون له اهنا مايله عشان يعدلها عندهم بهكالعده هذا
غير قيمة التشييك .
المشكال المتوقعه
انه تكون جلد السياره قديمه لانه اذا جاها زيت تيبس وتكون قاسيه وخاصتن عمود التوازن
الثانيه انه من عمود الكردان وليس الدبل حق الدفرنس الي ورا او الخلفي
الثالثه انه يكون الدفرنس الامامي مطعوج او معووج يعني منحني
الرابعه والي ما راح تكلفك شي انه يكون الكفر منصلخ من الداخل ويصير به
صعنون وهذي صارت معي اكثر من مره وغالبا ما تحصل في كفرات الي نقشتها شواهين
وهذي المعلومات الي عندي واتمنا اني افتك والجميع انشاء الله
وشكرا

[م.أبوإبراهيم]

شيك على شد رمان فحمات الهوبات الامامية طبعا الطريقة وشلون انهن مرتخيات ارفع الكفر الامامي ثمن حاول تحركه من فوق لتحت كان فيه فظاوة لازم تشد الرمان