استقسار بخصوص الأكاديا من جمس

[مكشات الجنوب]

السلام عليكم ورحمة الله وبركاته
استفسر من اهل الخبرة في منتدانا العزيز عن سيارة اكاديا العائلية من جمس هل لها عيوب وهل تنصحوني بشرائها اللي جرب السيارة او ملكها فلا يبخل علينا ولكم جزيل الشكر

[صدر الشمال]

من عيوبها الصغر من الداخل

[البرتاوي]

الي أنا أعرفه والله أعلم أن مافيها عيوب بس عيبها أن سعرها غالي جدا يعني تاخذ لك تاهوو فل اوبشن أحلى وأوسع وأقوى وأكشخ من الأكاديا

وروح الوكالة وشوف الأسعار

[البدر1]

[الهوى جنوبي]

السياره جديده في السوق ما بعد انعرف خيرها من شرها
الله يختار لك الصالح

[مكشات الجنوب]

شكراً للأخوة الذين ردو على الموضوع واتمنى من عنده خبرة إثراء الموضوع لحاجتنا اليه

[طارق الحربي]

ممتازه وجميله الشكل


بس غاليه وحرام تحط فلوسك فيها

[ابويارا1001]

السيارة كشكل روعة بس هذا لا يكفي

السعر غالي جدا يعني تقدر بقيمتها تشتري يوكون او تاهو او اكبيدشن

الدفع الاساسي للسيارة دفع امامي والمكينة بالعرض 6 سلندر

وبعضها يجي دفع رباعي على طول

يعني رباعي للثبات على الطريق

وممكن يمشيك بالرمل بس ليش شديد التحمل

ولا عندك اي تحكم بالدبل من خفيف الى ثقيل او غيره

وسمعت وليس اكيد انها صناعة كورية

[مكشات الجنوب]

شكراً من الأعماق لكل من اثرى هذا الموضوع وجعلها الله في موازين حسناتكم وهذا ليس بغريب على اعضاء منتدانا الغالي

[كاشت وحداني]

والله اذا بتوصل قيمته خذ لك تاهو او يوكون او سوبربان
الاكاديا شكله جميل
لكن صغير من الداخل زي ما افاد احد الاخوان وكذلك صناعته كوريه وهو من شلة الابيكا والاوبترا والافيوا
وان بغيت تبيع ما يمسك قيمته زي اليوكون او التاهو او السوبر
وموفق خير اخوي

[.أبوعبدالرحمن]

وانا اخوك ابعد عن سيارة ما تشوفها منتشرة


وانا مابيك تعاني مثل ماعانيت مع السنوما من جي ام سي والبلاندر من الشفر

سيارات ماهيب منتشرة وكذلك قطع غيار نااااااااار ولا هيب متوفرة وحتى الوكيل ما يوفرها لك الا بالطلب
بعني بعد ثلاث اسابيع وانت ماشي

وحط في بالك السيارة حساسة جدا وكذلك دفع امامي ويجي دفع رباعي للثبات على الخط وليس للبر والرمل
وغيره مثل ما تفضل اخوي ابويارا

والسيارة لها بديل

مثل اليوكن والتاهو والاكسبدشن وغيرها من السيارات التي تعتمد عليها


وفي الاخير لاتنسى الاستخارة