اشتغلت لمبة Abs والهاند بريك فجأه ؟؟؟؟ وانيت جمس

[ahmed_717]

السلام عليكم ورحمة الله وبركاته يامكشاتيين وكل (ن) باسمه الكريم

طالت اعماركم عندي جمس وانيت موديل 2001 امريكي له سنتين ماشي معاي حلاوه

وفجأه اشتغلت لمبة ABS ولمبة الهاند بريك فجأه وبدون اي مقدمات ؟؟؟؟

طفيت الموتر وشغلته ومشيت في امان الله

وكل يوم تشتغل واطفي الموتر واشغله وتروح ؟؟؟

وش السبب في رأيكم ؟؟؟

طبعا الموتر له سنتين و4 شهور لا سويت فيه شي لا بواجي او بركيات او اي شي يذكر غير الزيت والفلتر والبنزين ( او 95 بعد *_^ )

وفقكم الله يا احلى موقع واحلى اعضاء

موفقين خير جميعا

[كبسولة2]

يبيلك قماشات وخرط هوبات لأنها إذا أوشكت على الأنتهاء تولع اللمبة

[ahmed_717]

يبيلك قماشات وخرط هوبات لأنها إذا أوشكت على الأنتهاء تولع اللمبة

الله يجزاك خير على سرعة الاستجابه اخوي

وان شاء الله ابروح في اقرب فرصه واغير قماشات واخرط الهوبات

موفق خير اخوي

[راع العودة]

السلام عليكم

ياخوي قبل لاتخرط الهوبات وتغير القماشات شيك على زيت البريك يمكنه ناقص لأنه في السيارات اليابانية اذا نقص زيت البريك ولعت اللمبة يمكن الامريكي نفس السالفة ... جرب وشف وعلمنا..

دمت بود,,,

[faris2006]

السلام عليكم
صحيح شيك على الزيت
اولا :-شيك على الزيت
ثانيا :-شيك على الفحمات والقماشات
الله يعينك

[راعي السوناتا]

شباب يكون بعلمكم أن زيت البريك ما ينقص الا اذا القماشات انتهن أو في حالة تهريب الزيت

أتمنا أون أفدتكم

راعي السوناتا,,,,

[ahmed_717]

الاخوه :
راع العودة
فارس 2006
راعي السوناتا

الله يجزاكم خير ومشكورين انتم وجميع الاخوان الي شارك وبيشارك في الموضوع

انا خارج السعوديه مع الوالده في رحلة علاج ( أدعوا ان الله يشفيها ) وان شاء الله لما ارجع التفت للموتر وارد لكم علشان الجميع يستفيدون

والله للسعوديه وحشه غريبه وللدمام بحرارتهاا ورطوبتها وغبارها وحشه بعد 20 يوم في ديار الشقر تجب لك الغثا ( لا جو زين 4 فصول في يوم واحد - ولا اكل زين - وغلا رهييييييييييب والشمس ماتغرب الا الساعه 10 الا ربع بالليل بتوقيتهم ؟؟؟؟؟ والله اننا في نعمه نحسد عليها ) *_^

عموما الله يوفق الجميع ومشتاقين لكم
ادعوا ان الله يشفي الوالده ويرجعنا بالسلامه

موفقين خير