حرارة التاهو والمكيف ما يبرد

[الشمراني2]

الفزعة يااهلها معي تاهو 2002أمريكي الحرارة في الممشى العادي على النص سواء المكيف شغال والا لا . أما غذا وقفت بمكيف والا بدونه عشر دقايق تصل الخط الأحمر وإذا مشيت رجعا .ارجو إرشادي للحل وكذلك المكيف يهدر ولا يبرد خاصة الظهر رغم اني مغير الفلتر قبل شهر .

[(ابو عبدالله)]

تاكد من المروحه وهل هي علي كهربا ممكن الحساس خربان

وشيل الدبه الي تحت المكينه


بس اهم شي تاكد من المروحه

[مكشاتي النماص]

اوافق اخي العزيز على التأكد من المروحة هل هي شغالة ام لا واذا حسيت الحرار بدت ترتفع افتح الكبوت وحرك اسلاك المروحة يمكن تكون ملتمسة واصلاحها بسيط
بالتوفيق

[سوبر VTC]

و عليكم السلام و حمة الله
شيك على بلف الاديتر احتمال انه مواصفات امريكية
يفضل تحط بلف يفتح على الربع كابرس 75
او حط بلف جمس يفتح على 85
تاكد من طرمبة الماء اذا الماء يدور ام لا
اذا كان البلف ثقيل مايفتح نهائيا
او انه يفتح لكنه ثقيل ما يفتح الى النهاية
لذلك
يحتمي الموتر لان الماء ما يدور بسرعه
لا يكون الاديتر متسدد
المكيف انا غيرت كمبرسور لموتري مرتين من التشليح و كلهن جلسن فتره و خربن
بالنهاية ركبت جديد و الحمدلله له سنتين
اذا كانت مجاري اديتر المكيف متسدده ما يبرد المكيف
شيك على بلف الثلاجه
اذا بغيت الموتر يثلج مكيفه
سو له غسيل كامل للمواصير و الاديتر
لانه راح يطلع رايش حديد من احتكاك الكلتشات
غسيل خاص تقريبا ب120ريال
و حط زيت اصلي ب60ريال
و فريون 134 امريكي
و غير فلتر صغير عند الدبة ب15 ريال
و خذ ثلوج

[سوبر VTC]

على كلام الاخوان
دبة التلوث تسبب حرارة للمكينة و يمكن ان فيها سدد
اخبر الشيروكي الامريكي يلغون دبة الثلوت
تخف الحرارة

[سطام vip]

بسم الله الرحمن الرحيم

طبعاً الاخوان ما قصروا وعطوك الزبده

بس حبيت اعرض عليك هالحل

الوالد معه تاهو ونفس المشكله صارت معه خصوصا الحراره

اذا وقف ارتفعت واذا مشى نزلت واكتشف وجود ورق شجر وحشرات بين الرديترين

رديتر المكيف ورديتر المكينه فكوها وغسلهم والحمد لله انتهت المشكله

والله يسهل امرك وانا اخوك

دمت بحفظ المولى

[راعي المجهم]

أخوي شيك على تماتيك المروحة وبلف الحرارة غيره جديد وشيك على الرديتر

يمكن مسدود يحتاج تصييخ

[sfa135]

و عليكم السلام و حمة الله
شيك على بلف الاديتر احتمال انه مواصفات امريكية
يفضل تحط بلف يفتح على الربع كابرس 75
او حط بلف جمس يفتح على 85
تاكد من طرمبة الماء اذا الماء يدور ام لا
اذا كان البلف ثقيل مايفتح نهائيا
او انه يفتح لكنه ثقيل ما يفتح الى النهاية
لذلك
يحتمي الموتر لان الماء ما يدور بسرعه
لا يكون الاديتر متسدد
المكيف انا غيرت كمبرسور لموتري مرتين من التشليح و كلهن جلسن فتره و خربن
بالنهاية ركبت جديد و الحمدلله له سنتين
اذا كانت مجاري اديتر المكيف متسدده ما يبرد المكيف
شيك على بلف الثلاجه
اذا بغيت الموتر يثلج مكيفه
سو له غسيل كامل للمواصير و الاديتر
لانه راح يطلع رايش حديد من احتكاك الكلتشات
غسيل خاص تقريبا ب120ريال
و حط زيت اصلي ب60ريال
و فريون 134 امريكي
و غير فلتر صغير عند الدبة ب15 ريال
و خذ ثلوج

وش الزيت اللي ب60 ريال يعبيه ووش فائدته

[سوبر VTC]

وش الزيت اللي ب60 ريال يعبيه ووش فائدته

العذر على عدم الوضوح في الرد
هذا الله يسلمك زيت الكمبرسور الخاص
اذا كان اصلي يحافظ على الكمبرسور

[sfa135]

شكرا على التوضيح

[الشمراني2]

شكرا لجميع الأخوان اللي تكرموا بالرد وودي توصفون لي ورشة ممتازة في الرياض أروح لها يفكون الدبة ويتفقدون الأنابيب ونظفون ما يحتاج تنظيف .
أشكر كا عضو في المنتدى وأشعر بالأخوة كلما دخلت لهذا المنتدى وفقكم الله

[Fmejrad]

اخوي الاخوان كلهم ماقصرو معك بارك الله فيهم

بس عندي استفسار لو تكرمت ,, انت تقول انك مغير فلتر المكيف ,,

وين احصل فلتر المكيف ممكن توضح لي اكثر لاهنت وهل هو كبير ام صغير ,, ياليت توضح لي لاهنت بارك الله فيك وموفق ان شاءالله ولو عندي معلومات كافيه قدرت افيدك لكن الاخوان ماقصروا معك

[ابو شهد جدة]

نظف الرديتر وصيخه
شيك على المروحة
غير بلف الحرارة.
وفي طريقك شيك على الفريون.

[الشمراني2]

شكرا للجميع ،اخي دار عرب فلتر المكيف شريته من العمري لقطع الغيار في الرياض صناعية الدائر الغربي وهو صغير تقريبا 25 سم في 30سم هذا بالتقريب ومكانه تحت الدرج اللي عند الراكب ، واول ما غيرته صار ثلج وهوى قوي بس للأسف لم يستمر أكثر من أسبوع وعادت حليمة لعادتها القديمه.

[Fmejrad]

شكرا للجميع ،اخي دار عرب فلتر المكيف شريته من العمري لقطع الغيار في الرياض صناعية الدائر الغربي وهو صغير تقريبا 25 سم في 30سم هذا بالتقريب ومكانه تحت الدرج اللي عند الراكب ، واول ما غيرته صار ثلج وهوى قوي بس للأسف لم يستمر أكثر من أسبوع وعادت حليمة لعادتها القديمه.

يعطيك االعافيه يارب بس ليتك توضح لي وين مكانه بالضبط

اذا فكيت الغطاء الي تحت الدرج الي عند الراكب الامامي

وين القاه بالضبط ؟