سؤال لملاك أبو بندر؟ ؟ ؟ الباث فايندر

[عزوز 2005]

السلام عليكم 000
يهمني رايكم ياشباب ماهي أفضل أنوع الكفرات لباث فايندر 2005 ؟؟؟؟

[بو الجموس]

الحقيقه انا ما اعررف وش افضل نوع ينفعونك الشباب بس انا بسألك بما ان عندك باث 2005 الباث موديل 2005 فيه عيوب ولا وش السالفه اشوف العالم تبيعه بالهبل وانا خفت اشتريه واتوهق فيه طلبتك اذا فيه عيوب ولا شئ قلي قبل لا اتحسف

[شهاب2020]

انا معي باث مافيه اي مشاكل

[Gm Bas Gm]

بخصوص الكفرات
معاي مركب دينلوب مقاس 265-65-17
حلوه وماعليها


بخصوص مشاكل الباث خذ لك نظيف بمعنى الكلمة من موديل 2003 الى 2005 وراح تدعيلي
سياره بر ومدينة

[عزوز 2005]

رد للأخ بو الجموس
إذا انك محتار في الباث فايندر تبي الصراحه والله ثم والله انه موتر يستاهل من يشرية الحين معي باث فايندر له سنتين وزياده الحمد لله بدون مشاكل0 وفي البر يبيض الوجه مايرده شي وفي المدينة كأنة سيارة صغيره خفيف بالمشاوير ولا يتعبك
بس اهم شي اذا بغيت تشتري باث فايندر اشتر واحد نظيف عشان ما يأذيك بالخرابات ويستحسن ان ممشاه شوي لأن ألي ماشي واجد خراباته كثيرة والله يوفقك0000سلام

[مرير الشوق]

عزوووووووووووووووووز

ركب هانكوك اذا طلعاتك للبر ماهي كثير بالحيل وبتدعيلي
قويه ومريحه مررررررره بالخط فرق عن البرجستون بس مشكلتها بالبر كانك راعين مقانيص وكرف وطمر شعبان ترى ماتصلح

اما للمدينه وطلعات البر الخفيفه بتدعيلي والله وشكلها حلوووو تزين الموتر

بعدين سالفتي ياطويل العمر

شريتها شهر 1 موب اللي فات اللي قبله

شريت الكبيره شوي اللي ارتفاعها 65 كان قصدي شوي ترفع الموتر والله لايوريك توهقت فيها كل مالفيت لفه قويه صار يحك بالرفرف الداخلي ..
المهم مشيتها 3 او 4 ايام وبعتها بخساره 400 ريال ورحت ركبت مثل حقت الوكاله بس هانكوك

وهذي هي للحين معاي زي الحلاااااااوة مشاء الله
وباقي فيها مكده 6 شهور وزياده

توكل على الله وهانكوك يالغالي

[اسير الغضا]

الجواب معروف وانا اكثر شي اشوف ماكسيس سواء مع كتايه ولا بدون والكتابه ازين شكل
ماندري انت تبي شكل ولا اداء

[مرير الشوق]

نسيت اقولك

واذا كانك راعي طلعات للبر وقنص واجد

عليك بالبرجستوووووووووووون غالي وقوووووووووووي وقاسي ^_^

[.أبوعبدالرحمن]

عليك بالدنلوب الياباني

او اليوكوهاما

وكلهما مجربة ولله الحمد من اطيب الكفرات

[مواسي الطعوس]

1/ الدنلوب اذا كنت راعي نفود ..لا وتحب النفود بزياده .

2/ الماكسس حلو وعمره طويل مره وفيه شوي ثقل ..لكنه غريب يمشي اذا فيه هواء 30 احسن من الدنلوب لكن اذا نسمتهن بقوه الدنلوب لحاله .

3/ الفالكون ياباني واللي ركبوه يمدحونه ((وانا ماجربته)) لكنهم اللي مركبينه ناس غشم ...وانا ما استشير في الكفرات الا اللي قيادتهم غشامه في البر ..لانها هي اللي تبين تحمل الكفر . لانه يجيك احد يسأل احد مشيه في البر راااكد مره هذا اكيد كل كفر ينجح معه .

(((((والفالكون من ارخص الكفرات الان )))) والله يستر مايطير سعرهن با النجوم ..لاني مدحت الدنلوب مقاس 265/75/16 وقلت هو افضل كفر خاصه للسفاري . وبعد ماكان سعرهن 450 الان سعرهن 650 ريال.

[ابو صقعبي]

سلام عليكم

اخوي خذ هانكووك وانشالله يعجبنك ..

[البرحه]

الماكسس حلو وعمره طويل مره وفيه شوي ثقل ..لكنه غريب يمشي اذا فيه هواء 30 احسن من الدنلوب لكن اذا نسمتهن بقوه الدنلوب لحاله .

مواسي الطعوس تقصد التايلندي ..؟

شكرا

[الحبابي1]

يالربع انا عندي باث 2005 ماله اسبوعين ولعة لمبة المكينه وماصار يدعس بنزين طفيت الموتر وشغلته اشتغل رحت الفحص قال هذا الحساس حق دعاسة البنزين سوالي فرمته مدري ويش وقال اذا رجعت ارجع لي افحصها ثاني مره ورجعت اللمبه... ياخي لو انا في بر ولا سفر وسوا كذا مشكله والله يخوف ... افتوني بالله يالربع.. بعدين السله الي فوق السودا=العرشه.... شليتها هل لها تأثير على صوت الهوا او لا وش رايكم شكله من دونها احلى؟؟ ماهيك؟؟

[أبوغيث 2003]

الهانكوك والدنلوب

واذا راعي قنص البرجستون

اخوي الحبابي1

انا شايل السله السوداء اللي فوق مافيش مشاكل ولا تسريب هواء واكيد الشكل احسن بدونه

اما بالنسبه لسؤالك الاول ان شاء الله الشباب مايقصرون

بالتوفيق