مناقشه والبحث عن حل لدخول الغبار في طبلون اليوكون والسيارات الآخرى

[غالي]

السلام عليكم ورحمة الله وبركاته

أولاً ارجوا من الله ان يوفقنا في وجود حل نهائي لهذي المشكله التي ربما في اغلب السيارات

الا وهي دخول الغبار والاتربه وقطع صغيره من المناديل في طبلون وعدادات السياره

كما توضحه الصوره

فا بحثت عن مدخل للغبار في الطلبون فلم اجد سوا فتحه ليست بالصغيره حقيقةً وهي فتحة انبير العداد
كما في الصوره

فا قمت بالبحث في المنزل ان أي قطعه تقوم بتغطية هذي الفتحه ولم اجد سوا هذي القطعه الصغيره

والتي لا أعرف صراحةً من أين جأتني هذي القطعه

وهي في الصوره

من جانب آخر

فا قمت بتركيبها كاتجربه في الأنبير والمصيبه انها ظهرت أقصر من المطلوب للأسف

كما توضحه الصوره

ولأهمية الموضوع طرحته لكي نجد بإذن الله حل قد يغنيك مستقبلاً عن فك وتنظيف الطبلون من الغبار او الأوساخ

وبما أننا اليوم والأمر عند الله ننتظر موجه من الغبار كالمعتاد على منطقتنا فلابد يا أخوان من وجود اقتراحاتكم وافكاركم وابتكاراتكم

لكي الجميع يستفيد بعون الله تعالى

من يعرف طريقه مبتكره لتغطية هذي الفتحه

او يعرف هذي القطعه التي وجدتها او مشابهه لها ولكن اطول وتوفي بالغرض

يأتينا بما عنده وله بإذن الله الدعاء

نحن بإنتظار الجميع

تقبلوا تحياتي

أخوكم / غالي

[سوبر VTC]

و عليكم السلام و رحمه الله
حياك يالغالي وابشر باللي اعرف
طبعا احيانا انظف الطبلون و بعد ما انظفه احط سلقون على فتحات التهويه الصغيرة
ايضا احط سلقون على الحد الفاصل بين الوجه الشفاف البلاستيك و بين اللي تحته الغطاء او البرواز الاسود
يعني جميع فتحه به تنسيم بسيط احط سلقون

اهم نقطه مثل ما ذكرت زر تصفير الكيلو
هذا احط له الوجه البلاستيك حق غطاء جرة الببسي العائليه
يجي بنفس الغطاء من الداخل ربله بلاستيك
هاذي اخرمه من المنتصف و ركبه على الزر


ارجو اني افدتك

تحياتي

[غالي]

الله يجزاك خير اخوي سوبر فتك على المرور والافاده

انا صراحه من الناس الي مايبي يحط غراء او سيلكون ((ومثلي واجد))

ولا اتوقع اطراف الطبلون بيكون مثل انبير العداد

لان الفتحه في الانبير صراحة كبيره نوعا ما

اما ربلة غطاء البيبسي صراحه فكره من الافكار الزينه

لكن بتكون كبيره ولافته للنظر وخصوصا ان لونها رصاصي ان ماخاب ضني

على كل افكارك حلوه وتشكر عليها جدا وغيري والله اعلم بيطبقها عضو كان او زائر

لكن نطمح بالمزيد من الاخوان

وتقبل شكري وتقدير اخوي سوبر

[عويس]

غالي ياغالي والطلب رخيص
سويت حركة اول ماشريت السيارة من الوكالة بليزر 2006
لي مرن لونة اسود طبقتين
اخذت منه 2سم وفصلت الطبقتين عن بعض واستخدمت الطبقه الداخليه
بحيث تركب على الزر وتسد الفراغ بنسبة 95% بعد برد اطرافها لين حصلت على المقاس المطلوب بشرط ان تسمح بحركة الزر.

واذا تبي صورممكن

[لاتكب البيالة]

السلام عليكم

الحل السهل واللي ما يؤثر على الازرار وكاذ عند اللصق الاسود الاي يلصق على البيبان عن الهواء قص منه قطعة صغيرة واثقبه بأبرة ولصقة
وان شاء الله اول ما اطلع ابصور لك صورة

[عويس]

هاذي الصور

[ابن صقيه]

^^^

بصراحة طريقتك ابداعية اشكرك عليها

[عآشق الحره]

الأمريكي مشاكل الاند كروزر يجي عليه جلده مركبه جاهزه لو ماء مادخل

[غالي]

الله يجزاكم خير جميعا عز الله كفيتوا ووفيتوا كلن وطريقته


والله لايهينك اخوي عويس على الابداع والفكره الجهنميه

الله يجزاك خير على هالفكره والمستفيدين منها من اخوانك

عز الله وفيت وكفيت وبعون الله ابطبقها هاليومين


شاكر لكم جميعا ولا يمنع من لديه فكره اخرى يطرحها

[وسام الغضب]

يعطيك العافية اخوي عويس
ممكن الطريقة بالتفصيل ومن وين اجيب اللي هذا

[كبسولة2]

ممتااااااااز جداً بس ياليت معلومات أكثر عن اللي الي في الصورة وكيف الحصول عليه

[عويس]

يعطيك العافية اخوي عويس
ممكن الطريقة بالتفصيل ومن وين اجيب اللي هذا

الله يعافيك اخي
بالنسبة ( للي ) يكون مقاسه مناسب ومايكون قاسي
انا مركبة من اربع سنوات ومااذكر من وين
بس ممكن تجرب لي الغاز الاسود وتستخدم الطبقة الداخلية او اي لي مقاسة مناسب و مكون من طبقتين