الفزعة يا النشامى..أفضل الكفارات؟؟

[أبوناصر الدين]

السلام عليكم ورحمة الله وبركاته...

ماهي أفضل الكفارات للاند كروزر...مع العلم اني 3شهور أجرهن على الحصى(وقت الربيع)لأن سواقتي قشرى!!
وباقي السنة اسبوعيا طلعة لنفود...وطبعا لا تنسون السفريات الطويلة فأنا راعيها!

كفراتي الحالية دنلوب وما يمر سنة الا وهي شكلها يخوف
فما رأيكم يا جماعة الخير؟؟

للمعلومية:السيارة موديل 2003 جنط 17

[غربي هواوي]

في اعتقادي ان الدانلوب الافضل

لكن وش رايك في برجستون

[أبوناصر الدين]

والله ماأعلم وأنا أخوك..ولعل الاخوان يفيدونا...!!

[أبوناصر الدين]

وين الردود يا أهل مكشات؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


40 مشاهدة ولا رد!!!!!!!!!!!!!!!!!!!!!!!!!!!

[ابوابراهيم333]

بحسب رايي ان البالون تنفعلك خاصتا في البر هذا غير الراحة لما تدخل البر ورفع السيارة خاصتاً مع الجروف والرمل بتمشي مرتاح عليها ومريح السيارة

لكن من ناحية الخطوط الطويلة فهي غير جيدة لارتفاعها بمستوى كبير عن الارض

هذا غير ان عمرها ليس بالطويل

لكن انا عن نفسي ما اشوف غيرها كفرات ولا يمكن اركب على موتري غيرها مع العلم ان سيارتي لاند كروزر

[خالد030]

برجستون ممتـــــــــــــــــاز

[محمدالعريني]

والله وانا اخوك انا جربت كل الكفرات وافضل شي جربته الدنلوب 275 /65 / 17
البرجستون قاسي ولا يصلح لا بالرمل ولا الحصى حق خطوط واليوكوهاما حق وعر
يغثك بالرمل والشعبان قاسي

الافضل الدنلوب
وبعده البالون ال 900 بس عيبه انه يتعب السياره وثقيل

[مطعوس]

عندك 3زينات وهي:
1-الدانلوب.
2-البرجستون.
3-الميشلان.

وهذي وجهة نظري

[حمودي515]

لاتبعد عن الدنلوب

[احمد الدوسري]

نصيحتي لك ميشلان لاتدور غيره فرنسي ممتاز وبطران تبي خط تبي حصى تبي رمل ولك وللزمن اسأل مجرب ركب ميشلان وراح تشوف الراحه والفرق وخذه من الوكيل الجفالي مع ضمان مفتوح .... وراح تدعيلي