سؤال لأهل الخبرة في الخطوط الطويلة والسفر

[نفيد ونستفيد]

اخواني السلام عليكم ورحمة الله وبركاته
اخوكم على وجه سفر إن شاء الله بعد بكرة
وعندي سؤال عن تعبئة الكفرات بالنيتروجين
الوجهه يم الجنوب (ابها ثم الباحة ثم مكة) ووقت السفر إن شاء الله بعد صلاة الفجر من الرياض وودي أعرف
- كم الضغط الموصى به للكفرات (السيارة يوكون ) والحولة عائلة 8اشخاص مع الأغراض (سلة خلفية)
-هل يمكن لو نقص الهواء ازيدة من الهواء العادي او لازم نفسه نيتروجين
والله يجزاكم خير

[نفيد ونستفيد]

وهل احتاج أغير البلوف بنوع معين
ولو صار فيه
تنسيم بالكفر تنفه رقعة تيوبلس
من جرب يفيدنا

والله يجزاكم خير

[مطلوب عاجل]

الله يستر عليك وتوصل بالسلامة
وإن شاء الله توصل بالسلامة

واتمنى ان الاخوة بهذا المنتدى يفيدونك
لأنهم أهل لذلك

[نفيد ونستفيد]

جزاك الله خير
والله يقبل دعاك
ويستر علينا وعلى اخوانا المسلمين
والأخوان إن شاء الله ما يقصرون

[Turki1]

مرحبا بك اخوي
فائدة النتروجين ان حرارة الكفر تصبح اقل بمعنى ان درجه حرارته داخل الكفر مع الدوران والاحتكاك بالارض لاترتفع بمثل ارتفاعها بالهواء العادي الذي يملأ به الكفر.
ماينصح به انه اذا قل ضغط الهواء وبه نتروجين ان يملأ بالنتروجين الا اذا لم تجد ذلك فيمكن وضع الهواء العادي للضرورة.
ضغط الكفرات الموصى به تجدة على حافه باب السائق من الداخل عادة أو في كتالوج السيارة،بعض السيارات يوضع على غطاء فتحه البنزين من الداخل.
في حاله زيادة الحموله يوصى بوضع (+5 psi ) أو كما هو مذكور في كتالوج السيارة.
رافقتك السلامه واسأل الله لك عودا حميدا

[نفيد ونستفيد]

جزاك الله خير اخوي تركي
لكن أنا سؤالي عن تجربتك وش الأفضل
هل اعبي النيتروجين أو الهواء العادي
خصوصاً في مثل وضعي
اللي يعرف يفيدنا وماله الا الدعاء

[NEWASSER]

حيا الله الشباب
انا النتروجين ما جربته لان التيرات كل اسبوع انسمهن في البر
و اللى اعرفه ان الهدف من النتروجين انه ما يتمدد بالحراره مثل الهواء العادي "تشوفه والسياره بارده مثلا30 وبعد المشوار ينطح الاربعين"وكذا ما يزيد الضغط داخل الكفر ويسبب الانفجار لا قدر الله
اما الضغط الهواء انا عندي في اليوكن من الوكاله 40 واظنها كفايه
تروح وترجع بالسلامه وها لله الله بالركاده

[نفيد ونستفيد]

NEWASSER

جزاك الله خير وابشرك السرعة ما اعرفها لان الطريق
مخليه جزء من الرحلة والعجلة مافيها بركة
لكن المشكلة نسمع عن النيتروجين و ما قد واجهة شخص
يتكلم عنه بواقع تجربته الشخصية
وهذا مربط الفرس الواحد ما وده يجرب وهو معه عائلة
وعلى سفر الخ
وهذا ما خلاني أسئل يمكن فيه أحد من أخوانا هنا
مجرب وإن شاء الله الموجودين ثقه شرواكم
ويجاوب على الاستفسارات من واقع تجربه ويستفيد الجميع

[نفيد ونستفيد]

يا أخوان أخوكم ماشي الفجر إن شاء الله
والهواء اللي في الكفرات عادي
ياليت في أحد مجرب يفيدني عن أستفساراتي
وكانه ينصحني أعبي النيتروجين مريت بكرة
أقرب مركز وعبيت الكفرات
والله يجزاء خير من يفيد أخوانه المسلمين

[MماونشيM]

الله يستر عليك


انا معبي نتروجين ومره نقصت الهواء وزته من الهواء العادي ولاضره الكفر اي شى
النتروجين من ميزاته عدم انفجار الكفر
اهم شئ تاريخ الكفرات