تجربتي للفورتشنر gx بالنفود

[fof6666]

السلام عليكم
انقل لكم تجربتي لسيارتي بالنفود حيث كثر الجدال عن هذه السيارة ما بين مؤيد ومعارض

السيارة: فورتشنر 2009 قير عادي 4 سلندر
المكان : نفود االعاذرية

انطباعي عن السيارة :أفضل بكثير مما توقعت حيث انني دخلت بدون تنسيم او دبل لكن اضطريت للتنسيم بعد ما طحت بنقرة حليلة واستخدمت بعده الدبل
الصراحة السيارة خفيفة بالرغم من تواضع العزم (يعني لاتصلح لراعين المراقى والخربطة)

باختصار : السيارة مناسبة جدا للكشاتة اللي مب راعين مراقى ومنوفر و...................

ملاحظاتي : النمرة 2 ولا بريال (بكل سيارات التويوتا ) يعني اذا بغيت ترقى النفود لازم تزر على الأول شوي بخلاف النيسان
وسلامتكم

[خالد444]

الله يعطيك العافية ومالك بالمراقى ومنوفر و...................
خلك عند الركادة وشبت الضو والمعاميل اما المناقز والمطامر مافية الا المضرة للسيلرة وراهيها الله يحفظنا جميعا

[المميـز]

مشكووور على نقل تجربتك لنا

[ابوسعودد]

ياليت كانت التجربه على ال 6سرندل ومن وجهة نظري الخاصه ما يجتمع 4سرندل ودبل في سياره واحده يعني الحد الادنى للسياره الدفرنسين هو 6سرندل .

[مقلع الرمث]

اربع اسلندر يالله على صغيره ويالله تمشي ولا الدبل خلك من السته سلندر وانت طالع كتجربه بجميع السيارات وليست التجربه فقط بالبر لكن يشغلك بالطريق والحنه والرنه وصوت المكينه المتواصل المزعج اما السته والثمانيه ماتسمع له صوت بكل الاحوال وسلامتكم

[الضاحي]

شكرا على نقل تجربتك وانطباعك

الله يبارك لك بحلالك

[NEWASSER]

طلعه البر بدون مناقز ومطامر مالها طعم ........ هههه
لازم الواحد يطامر شوي بعدها يعين من الله خير ويجلس
الله يبارك لك في السياره وتستخدمها بالعافيه

[لاتكب البيالة]

السلام عليكم
الفورتشنر 4 سرندل ممتاز بالنفود وخفيف مثل ماقت انت بدون بدون مراقى وخربطه
وطبعا كلنا عارفين انه اهم شي بالنفود السواق بنسبة 80% اما السيارة 20%

[شمالات نجد]

شكراً على نقل التجربة

القناعة أن الجيب لازم يكون 6 سلندر أو 8 لكن اللي معك ما عليه يمشي

بالنسبة للنمره 2 فعلاً ما تنفع بريال في الهايلكس الدفرنسين والفورتشنر ضعيفة مره لكن جربها على فورتشنر 6 سلندر وشف الفرق وأنا أخوك ولا تشمل جميع سيارات تويوتا

وعلى فكرة بالنسبة للقيور ملاحظة من تجربة أكثر من سيارة المكاين لنيسان والقيور لتويوتا

سلام

[فيصل بن فهد]

السلام عليكم
الفورتشنر 6 سلندر خيال
فيه قوه وعزم , ولد عمي معه 6 سلندر موديل 2006 وقد طلعت معه للنفود
والله نشيط , بس مشكلته يتفكك على طول .
وفي الطعوس يقوم على الهايلكسات والربوع .