محتار في الجمس الحوض

[نيوتن]

بسم الله الرحمن الرحيم


السلام عليكم ورحمه الله وبركاته


صباح / مساء الخير


أخواني أنا نويت أشري جمس حوض 2500HD


وأبغى نصيحتكم محتار عادي ولا تماتيك مع العلم ان موديله 2004

وطالب النصيحه ممن جربها


ودمتم

[ميمون111]

خذ عادي افضل خله يلعلع صح

[سوبر VTC]

و عليكم السلام و رحمة الله

نصيحه لا تعدا التماتيك راحه => مالك و مال الغلب و الغثا و المشاكل => لا تقرب العادي
اذا انت تحمل عليه خذ 2500
اذا تبي حق كشتات خذ 1500 6مسامير
اهم شي ان المكينه 5300 مهيب 4800 فانتبه
اعرف اشخاص كثر شروا مواتر غمارة و نص و حط له شراع و دايم كشتات
خصوصا انهم توهم متقاعدين هههههههه
قبل شريت للوالد شفر غمارة و نص م2005 ماشي 99000 كيلو
اخذته ب50000الف
الوالد الان مسافر عليه و يمدحه يقول ما شاء الله
خذلك موتر و توكل على الله
اذا كنت تبي امريكي
اهم شيك على اسفل الموتر و شاصيه لا يكون مصدي او املاح....الخ

موفق

[نيوتن]

مشكورين اخواني

[وقيان]

بالنسبة للجموس من ايام الرفارف الى الموديلات الجديدة...معروف ان القير الاوتو اقل خرابات...خذ لك اوتو اريح واقل خراب...

[آل زايد502]

الاوتو احسسسسن

[ملف علاقي]

تحياتي لكل الربع وانت شكلك اخوي محصل من حقات ارامكو وكم اسعار الي حصلتها00

[نيوتن]

مشكورين على النصيحة
اخوي ملف علاق ايه من حقات ارامكو
فيه 2004 محصله 48000 تماتيك أوعادي متوفر الاثنين
وفيه 2002 محصله 39000 عادي


والى الان محتار اي واحد فيه أخذ
وخاطري بـ 79 بس اسعارها نااار

[ملف علاقي]

تحياتي اخوي نيوتن اناانصحك من واقع تجربه انك تركز كل جاذبيتك علي التماتيك تراه اقل مشاكل من العادي لأن كان معي 2001 عادي بهذلني بكثرة المشاكل وترا علبة الكلتش حقته تجي قطعه وحده الي فوق مع الي تحت باالماصوره حق الزيت مكبوسه كبس ماحصلتها باالرياض طلبوها من المام بحدود 860 ريال غيرالدزق والكلتش اقول ريح راسك وخلك اوتو احسن وياليت تدلنا علي مكان الجموس لوماكان فيه احراج انا ابي واحد 2500 دبل تماتيك 00

[نيوتن]

موجود بآخر معارض الدمام من جهة طريق أبو حدريه الشارع الرئيسي للمعارض
اذا دخلت للمعارض وانت جاي من جهة المقبرة تمشي على طول تحصلها على يسارك بالأخير


أتمنى افدتك